பெண்களுக்கு மட்டும் உயிர்ப்பிச்சை!

**சிவா** · **சிவா** Wed Nov 21, 2012 3:15 pm

பவேரிய நாட்டு அதிபருக்கும், ஜெர்மன் சக்கரவர்த்திக்கும் தகராறு மூண்டது. சக்கரவர்த்தி பெரிய படை ஒன்றைத் திரட்டிக் கொண்டு பவேரியாவின் தலைநகரை வளைத்துக்கொண்டார். சண்டை உக்கிரமாக நடந்தது. கடைசியில் பவேரிய மன்னன் அடிபணிந்தான். ஆனால் சக்கரவர்த்தியின் கோபம் அடங்கவில்லை. பவேரிய தலைநகரைத் தரைமட்டமாகத் தீர்மானித்தார். அப்போது நெஞ்சின் ஓரத்தில் சிறிது இரக்கம் தலைகாட்டிற்று. ""பெண்களுக்கும் குழந்தைகளுக்கும் மட்டும் விதிவிலக்கு அளிக்கிறேன். அவரவர் முதுகில் சுமக்கக்கூடிய அளவு சாமான்களை எடுத்துக்கொண்டு வெளியேறலாம்'' என்று அறிவித்தார்.

தமது படைத் தலைவர்களிடம் தட்டுமுட்டுச் சாமான்களோடு பெண்கள் அகன்றதும் தலைநகரை கொளுத்திவிடுமாறு ஆணையிட்டார். சிறிது நேரத்தில் பவேரிய நாட்டுப் பெண்கள் தட்டுத் தடுமாறியபடி வெளியேற ஆரம்பித்தனர். சக்கவர்த்தி பார்த்தார்; திடுக்கிட்டார். அவர்கள் சுமந்து கொண்டு நடந்தது பொருள்களை அல்ல! தத்தம் கணவன்மார்களை! பவேரிய மன்னனை அவரது ராணி சுமந்துகொண்டு தள்ளாடியடியே நடப்பதைச் சக்கரவர்த்தி கண்டார். துணுக்குற்றார். பவேரியாவுக்கு மன்னிப்பு அளிக்கப்பட்டது.