இனி ஃபேஸ்புக் பக்கமே செல்லமாட்டோம்: கைதான மும்பை பெண்கள் அச்சம்!

பூவன் · பூவன் Wed Nov 21, 2012 10:52 am

http://www.thedipaar.com/pictures/resize_20121120022227.jpg
பால்தாக்கரேவை விமர்சித்து ஃபேஸ்புக்கில் கருத்து பதிந்ததற்காக கைது செய்யப்பட்டு, மிரட்டலுக்கு உள்ளான பெண்ணும், அதற்கு'லைக்’ போட்ட பெண்ணும் இனி ஃபேஸ்புக் பக்கமே செல்லமாட்டோம் எனக் கூறியுள்ளனர்.

பால்தாக்கரேவை விமர்சித்து கருத்து தெரிவித்த ஷகீன் என்ற அந்த 21 வயது பெண்,போலீசார் கைது செய்து நடத்திய விதத்தில் மிரண்டுபோய் உள்ளார்.

அவரது மாமா நடத்தி வந்த கிளினிக் சிவசேனா தொண்டர்களால் அடித்து நொறுக்கப்பட்டுள்ள நிலையில், தொடர்ந்து வரும் மிரட்டல் காரணமாக ஷகீன் தனது ஃபேஸ்புக் கணக்கையும் ரத்து செய்து விட்டார்.

மேலும் தாம் தெரிவித்த கருத்துக்காக மன்னிப்பு கோருவதாகவும் தெரிவித்துள்ள அவர்,நடந்த சமபவம் தம்மை மிகுந்த அச்சத்திற்கு ஆளாக்கி இருப்பதாகவும்,இனி ஃபேஸ்புக்கில் எழுதப்போவதில்லை என்றும் கூறியுள்ளார்.

அதே சமயம் தாக்கரே குறித்து தாம் தெரிவித்த கருத்தில் குற்றம் ஏதுமில்லை என்றும், மிகச் சாதாரணமாகத்தான் தாம் அந்த கருத்தை போட்டதாகவும் மும்பையில் இன்று செய்தியாளர்களிடம் பேசிய ஷகீன் தெரிவித்தார்.

இதேப்போன்று ஷகீன் கருத்துக்கு 'லைக்' போட்ட அவரது தோழி ரேணுவும் இதேப்போன்ற கருத்தையே தெரிவித்துள்ளார்.

முன்னதாக பால்தாக்கரே மறைவை தொடர்ந்து அவரது இறுதிச் சடங்கு நடைபெற்ற ஞாயிறன்று மும்பை நகரில் முற்றிலும் முழு அடைப்பு நிலை காணப்பட்டது.

இதனை விமர்சித்து ஃபேஸ்புக்கில், “தாக்கரே போன்றவர்கள் தினமும் பிறக்கிறார்கள்...இறக்கிறார்கள்...அதற்காக பந்த் நடத்த வேண்டுமா?” என்று கருத்து பதிந்த ஷகீனும்,அதற்கு 'லைக்' போட்ட அவரது தோழி ரேணுவும் நேற்று கைது செய்யப்பட்டனர்.

இதனிடையே இந்த கைதுக்கு கடும் எதிர்ப்பு கிளம்பியதை தொடர்ந்து, அந்த பெண்கள் இருவரும் ஜாமீனில் விடுவிக்கப்பட்டனர் என்பது குறிப்பிடத்தக்கது.

நன்றி தமிழ் source

**பிளேடு பக்கிரி** · 01/03/2010

தனக்கு தோன்றியதை எல்லாம் எழுதும் ஒரு கூட்டத்துக்கு இனி கொஞ்சம் பயமாக தான் இருக்கும் சிப்பு வருது

**ராஜா** · **ராஜா** Wed Nov 21, 2012 11:16 am

பூவன் · பூவன் Wed Nov 21, 2012 11:20 am

பிளேடு பக்கிரி wrote:தனக்கு தோன்றியதை எல்லாம் எழுதும் ஒரு கூட்டத்துக்கு இனி கொஞ்சம் பயமாக தான் இருக்கும்

பேஸ்புக் பார்த்தவருக்கு பேஸ் மூடி போனது புன்னகை

**அருண்** · **அருண்** Wed Nov 21, 2012 11:21 am

எதுக்கு இந்த வேண்டாத வேலை..! சிரி

**பிளேடு பக்கிரி** · 01/03/2010

பூவன் wrote:
பிளேடு பக்கிரி wrote:தனக்கு தோன்றியதை எல்லாம் எழுதும் ஒரு கூட்டத்துக்கு இனி கொஞ்சம் பயமாக தான் இருக்கும்

பேஸ்புக் பார்த்தவருக்கு பேஸ் மூடி போனது

**ராஜா** · **ராஜா** Wed Nov 21, 2012 11:32 am

பால்தாக்கரேவை விமர்சித்து ஃபேஸ்புக்கில் கருத்து பதிந்ததற்காக கைது செய்யப்பட்டு, மிரட்டலுக்கு உள்ளான பெண்ணும், அதற்கு'லைக்’ போட்ட பெண்ணும் இனி ஃபேஸ்புக் பக்கமே செல்லமாட்டோம் எனக் கூறியுள்ளனர்.

அப்படியெல்லாம் நீங்க சொல்ல கூடாது அக்கா , அஜ்மல் கசாப் பற்றியும் தங்களின் மேலான கருத்தை சொல்லிட்டு போங்க.....

**சிவா** · **சிவா** Wed Nov 21, 2012 1:18 pm

தாக்கரேவுக்கு எதிரான கருத்து: இளம்பெண்ணின் உறவினர் கிளினிக்கை தாக்கியதாக 9 பேர் கைது

பால் தாக்கரேவிற்கு எதிராக பேஸ்புக் இணையதளத்தில் கருத்து வெளியிட்டதாக 21 வயது நிறைந்த இளம்பெண்ணும் அவரது தோழியும் கைது செய்யப்பட்டனர். பின்னர் அவர்கள் இருவரும் ஜாமீனில் விடப்பட்டனர். இந்நிலையில், கருத்து வெளியிட்ட இளம்பெண்ணின் மாமா நடத்தி வந்த கிளினிக் ஒன்றை 9 பேர் கொண்ட கும்பல் அடித்து நொறுக்கியது. ஆனால் இந்த தாக்குதலை நடத்தியவர்கள் சிவசேனா தொண்டர்களா என்பது குறித்து தெரியவில்லை என தகவல் தெரிவிக்கின்றது.