காலை பூசை

**நாகசுந்தரம்** · 27/12/2011

காலை எழுந்தவுடன் காப்பி
பின்பு காலை உணவு
அலுவலகம் செல்லவோ ஆயத்தம்
அரட்டைக்கு குறைவில்லை ஆங்கு
இரவானால் வீடு
தொலைக்காட்சி தொடருடன்
இரவு உணவுக்குப்பின் உறக்கம்
நான்கு சக்கர வாகனத்தில்
சொகுசுப் பயணம்
இவ்வாறு
நாங்கள் சக்கரம் கட்டிக்கொண்டு வாழ்கிறோம்
ஆனால் உனக்கு சக்கரமே வாழ்க்கையானதோ?

நாங்கள்
விதவிதமாய் காலணிகள்
நிதம்நிதம் அணிகின்றோம்
பாதங்கள் உனக்குண்டோ
பார்த்திட அழகாக ?

வாகனத்தில் செல்கையிலே
முன்செல்லும் வாகனத்தை
முந்தி செல்லுகின்றோம் !
பிந்தி நீ நிற்பதை
எந்த மனம் நினைக்கிறது ?

போலியோவோ ?
போகும் வழியில்
தாக்கியதோ ஓர் வண்டி ?
காலில்லா விட்டாலும்
காட்டுவரோ உனக்கு நேசம் ?

உடல் ஒழுங்காய் இருந்தாலும்
மடமனது எங்களுக்கு !
இடம்பெயர தயங்கினாலும்
திடமனது உந்தனது !

போக்குவரத்து சாதனத்தில் மட்டுமல்ல
மக்கள் இதயத்திலும் உனக்கோர்
இருக்கை அமைத்திடுவோம் !

தன்னையே நினைத்துவாழும்
தன்னல உலகினிலே
உன்னலம் காத்திடவே
இன்னமுதாய் இக்கவிதை
உனக்கு நான் தந்திட்டேன்
எழுந்து நடந்திட
இயலவில்லை என ஏங்காதே !
தன்னலமே பெரிதாக
இன்னமும் நினைக்கிறோர்
இதயம்தான் இன்னும் எழவில்லை !

காலை எழுந்தவுடன் உன்
காலை நினைப்பதுதான்
எந்தன் காலைபூசை என
எந்த மனம் நினைக்கிறது ?
உந்தனை நினைக்கையிலே
சிந்தனையில் எந்தன் மனம்
பந்தஉலகிதனை
பார்த்து வியக்கிறது !
[img][/img]

**நாகசுந்தரம்** · 27/12/2011

இந்த கவிதையில் ஒரு படம் காப்பி செய்தேன். ஆனால் பதிவில் தோன்றவில்லை. இதை எப்படி சரி செய்வது? நன்றிகள்.

றினா · றினா Tue Nov 20, 2012 5:52 pm

அழகாயிருக்கின்றது கவிதை.

காலை பூசை Thshkty13disabili117188

இதுவா அந்தப் புகைப்படம் என்று பாருங்கள்.

**நாகசுந்தரம்** · 27/12/2011

மிகவும் நன்றி றினா அவர்களே. எவ்வாறு படத்தை பதிவு செய்வது என்பதையும் தெரிவித்தால் நன்று.

Sponsored content · Sponsored content

காலை பூசை

காலை பூசை

Re: காலை பூசை

Re: காலை பூசை

Re: காலை பூசை

Re: காலை பூசை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக