கொஞ்சம் கிறுக்கு...அந்த அழகுக் கறுப்பு டீச்சர்...

by **ரா.ரா3275** Mon Nov 19, 2012 3:18 pm

First topic message reminder :

மூன்று நான்கு வயதுகளில் இருந்த முகம் மறந்திருக்கலாம் புகைப்படச் சேமிப்பு இல்லாமல் போயிருந்தால்.ஆனால் மனதிற்குள் இன்னும் முண்டியடிக்கும்-நொண்டியடிக்கும் நினைவுகள் சிலபல சில்லுசில்லுகளாக,
சேமிப்புக் கிடங்கில் வடிந்தும் படிந்தும் கிடக்கும் வைப்புநிதியாக என வலம் வருவதை அப்படியே வார்த்தைகளுக்குள் வரவு வைப்பது கடினமே.

இருந்தும்...மனசின் ரகசியத் திட்டுகளில் ரம்மியமாக அப்பிக்கிடக்கும் அந்த
நினைவுகள் சிலவற்றை சேதாரத்தோடுதான் ஸ்நேகமாய்ப் பகிர இயலும்...

பெற்றோர்கள் சிலர் தங்கள் பிள்ளைகள் நன்றாகப் படிக்கிறதோ இல்லையோ நர்சரியில் படிக்க வேண்டும் என்பதில் நண்டுபிடிப் பிடிவாதம்
கொண்டவர்கள்.அப்படி நர்சரிக்கு அனுப்பப்பட்ட நம்ம நாயகன் சொல்வதை
நாமும் கேட்போம்.

அந்த ஊரில் அரிதாக முளைத்த ஆங்கில நர்சரிப் பள்ளி அது.அதிகப்பட்சம்
பெரிய வீடொன்றில் குடும்பமும் பள்ளியும் கூட்டுப் பொரியலாய் இருந்தது.முன்வாசலில்தான் இறைவணக்கம்.ஆனால் அது மட்டும் தமிழில்.அழகுக் குழந்தைகள் ஆண்பெண் பாலினப் பிரிதல்-பிரித்தல் இன்றி.
நம் நாயகன் கொஞ்சம் ரகளைப் பையன்.ரசணைப் பையனும்கூடத்தான்.

எப்போதும் போல எல்லாப் பிள்ளைகளையும் போலவே அவனுக்கும் பள்ளி
என்றாலே பாகற்காய்-வேப்பங்காய்தான்.அழுது அடம்பிடித்து அங்கும் இங்கும் ஓடி அம்மாவுக்குப் போக்குக் காட்டி அடைக்கலம் தருவார் யாருமின்றி அடிவாங்கிய அம்மாவிடமே சரணடைந்து சலுகைக் கொஞ்சலும் முத்தமும் சரமாரியாகப் பெற்றுப் பள்ளி செல்வதற்குள் அவன் அம்மா பட்ட பாட்டை விடுங்கள்,அவன் பட்ட பாட்டை இந்த உலகம் இதுவரை அறிந்ததில்லை.பள்ளி செல்லப் பிடிக்காமல் அடம்பிடிக்கும் குழந்தைகளை அடக்கும் பெற்றோர் எல்லோரும் இன்றும் அரக்கர்கள்தான் அவனுக்கு.

ஒரு நாள் இப்படி அடம்பிடித்த பொழுதுதான் அந்த அதிசயம் நடந்தது.அப்படி ஓர் அற்புதம் அனுபவித்தவர் அரிதினும் அரிதானோர்தான்
இருக்க முடியும்.ஆம்...அவன் அம்மா காட்டிய வித்தையால் அவனுக்கு அந்த அதிசயம் உணரும் அபூர்வ தருணம் அகப்பட்டது.அதை இன்றும் அடைகாக்கிறான் அந்த ரசணைக் குள்ளன்.

அப்படி என்ன அது அவ்வளவு அபூர்வம்?...கேட்பீர்கள்.
அவன் கால்களுக்கு மேலே வானமும் தலைக்குக் கீழே தண்ணீரும் தெரிந்தால் அது அபூர்வம்-அதிசயம்-அரிய அனுபவம் எல்லாம்தானே?!...

எப்படி இது சாத்தியம் என்பீர்கள்?...

உங்களை உங்கள் தாய் கால்களில் கயிற்றைக் கட்டிக் கிணற்றுக்குள் தலைகீழாக இறக்கினால் அப்புறம் தெரியும்-புரியும் அந்த அபூர்வம்.
அன்று அழுதான்-அரற்றினான் பயத்தில்.ஆனால் இன்று அது ஓர் அபூர்வக் கவிதையாய் அப்பிக்கிடக்கிறது அவன் ஆழ்மனதில் அவ்வப்பொழுது எழுந்தும் அமிழ்ந்தும் அழகுக் காட்டும் அவனுக்குள்.

இந்த நிகழ்வு நெஞ்சுக்குழிக்குள் நிரம்பி வழிந்து நிழலாட்டம் போடும்போதெல்லாம் நிஜம் புரியாத கேள்வியொன்றும் பதில்தெரியாமல்
வந்து பந்தாடிவிட்டுப் போகும்.

அந்தக் கேள்வி :

அந்த நர்சரியை நடத்திய அழகுக் கறுப்பு டீச்சர் இன்னும் அவன் மனசில் கொடிக்கம்பத்திற்குக் கீழேயே நிற்கிறார்.
அந்த அழகு டீச்சரை அடிக்கடி வந்து பார்த்துப் பேசும் குத்தூஸ் பாய்க்கும்
அந்த டீச்சருக்கும் என்ன நடக்கும்?...அவர் வந்துபோனதும் அந்த டீச்சரின் கண்களில் முட்டிக்கொண்டு வரும் கண்ணீருக்குக் காரணம் என்ன?...

அவன் இன்னும் தேடிக்கொண்டிருக்கிறான் அந்த விடையை.அவனைப் பொறுத்தவரை அந்தக் கண்ணீரும் அபூர்வ அனுபவம்தான் அந்த வயசில்.

by பூவன் Mon Nov 19, 2012 11:14 pm

ரா.ரா3275 wrote:
பூவன் wrote:
யினியவன் wrote:நாங்க பெரிய கிறுக்குன்னு சொல்லுவாங்க - இது மாதிரி நிறைய படிச்சதால இருக்குமோ!!!!

v

இதுல ஓர் உள்குத்து இருக்குபோல தெரியுதே...

இனம் இனத்தோடு தானே சேரும்

by றினா Tue Nov 20, 2012 10:22 am

நினைவுகள் நன்றாக இருக்கின்றன.

அதுசரி அந்த நாயகன் நீங்கள்தானே...?

by பூவன் Tue Nov 20, 2012 12:04 pm

றினா wrote:நினைவுகள் நன்றாக இருக்கின்றன.

அதுசரி அந்த நாயகன் நீங்கள்தானே...?

திரும்ப முதலில் இருந்தா அய்யோ, நான் இல்லை

by றினா Tue Nov 20, 2012 4:59 pm

பூவன் wrote:
றினா wrote:நினைவுகள் நன்றாக இருக்கின்றன.

அதுசரி அந்த நாயகன் நீங்கள்தானே...?

திரும்ப முதலில் இருந்தா

மனசில பட்டத படக் என்று கேட்டுருவோமில்லை...

by பூவன் Tue Nov 20, 2012 5:01 pm

இப்படியெல்லாம் கேள்வி கேட்ட அவரு திடுக்குனு ஓடிடுவார் வந்தவுடன்

by **ரா.ரா3275** Wed Nov 21, 2012 11:13 pm

பூவன் wrote:இப்படியெல்லாம் கேள்வி கேட்ட அவரு திடுக்குனு ஓடிடுவார் வந்தவுடன்

கேள்விதானே கேட்குறாரு...பதில் யாருக்கு தெரியும் பயந்து ஓட?...

by **ரா.ரா3275** Wed Nov 21, 2012 11:14 pm

றினா wrote:நினைவுகள் நன்றாக இருக்கின்றன.

அதுசரி அந்த நாயகன் நீங்கள்தானே...?

நாயகன் அப்படின்னா கமல்-ஆ?...

by அசுரன் Wed Nov 21, 2012 11:14 pm

ரா.ரா3275 wrote:
பூவன் wrote:இப்படியெல்லாம் கேள்வி கேட்ட அவரு திடுக்குனு ஓடிடுவார் வந்தவுடன்

கேள்விதானே கேட்குறாரு...பதில் யாருக்கு தெரியும் பயந்து ஓட?...

பதில் தெரிஞ்சா அவரு ஏன் ஒடப்போறாருஃஃ?

by **ரா.ரா3275** Wed Nov 21, 2012 11:15 pm

றினா wrote:
பூவன் wrote:
றினா wrote:நினைவுகள் நன்றாக இருக்கின்றன.

அதுசரி அந்த நாயகன் நீங்கள்தானே...?

திரும்ப முதலில் இருந்தா

மனசில பட்டத படக் என்று கேட்டுருவோமில்லை...