தீபாவளிக்கு பெரிதும் எதிபார்க்கப் பட்ட துப்பாக்கியை விட பலமடங்கு விற்பனை..

தீபாவளிக்கு பெரிதும் எதிபார்க்கப் பட்ட துப்பாக்கியை விட பலமடங்கு விற்பனை, தமிழகத்தில் புதிய சாதனை!

தீபாவளிக்கு பெரிதும் எதிபார்க்கப் பட்டது துப்பாக்கி என்று நீங்கள் நினைத்திருந்தால் அது தப்பு எனக் கூ ற ஒரு புதிய தகவல் இதோ. விஜய் 1200 திரையரங்குகளில் தான் ரிலீஸ் . ஆனால் நம்ம நாயகன்6,823 கடைகளில் ரிலீஸ்.

தீபாவளியை முன்னிட்டு டாஸ்மாக் கடைகளில் மது விற்பனை அமோகமாக நடந்துள்ளது. தீபாவளி மற்றும் அதற்கு முந்தைய நாளில் மட்டும் ரூ.270 கோடிக்கு மது விற்பனை நடந்துள்ளது. கடந்த ஆண்டை விட இந்த தீபாவளியன்று ரூ.20 கோடி அதிகமாக விற்பனையாகி உள்ளது. தமிழகம் முழுவதும் 6,823 டாஸ்மாக் கடைகள் உள்ளன.

இந்த கடைகள் மூலம் கடந்த சில நாட்களாக தினமும் சராசரியாக ரூ.80 கோடி முதல் ரூ.100 கோடி வரை மதுபான விற்பனை நடந்துள்ளது. பண்டிகை நாட்களில் வழக்கமாக விற்பனை சூடு பிடிக்கும். தீபாவளி என்றால் உச்சத்தை தொடும். இந்த ஆண்டு தீபாவளி பண்டிகைக்கு குடிமகன்களுக்கு தட்டுப்பாடின்றி சரக்குகள் கிடைக்க டாஸ்மாக் நிறுவனம் நடவடிக்கை எடுத்தது. ஒவ்வொரு கடைக்கும் 30 சதவீதம் முதல் 40 சதவீதம் வரை சரக்குகள் கூடுதலாக அனுப்பப்பட்டன.

தீபாவளியை ஒட்டி தொடர் விடுமுறை வந்ததால் மதுபான விற்பனை சூடு பிடித்தது. கடைகளில் கட்டுக்கடங்காத கூட்டம் அலைமோதியது. குடிமகன்கள் தங்களுக்கு விருப்பமான சரக்குகளை கேட்டு வாங்கினர். இதன் காரணமாக தீபாவளிக்கு 4 நாட்களுக்கு முன்பே விற்பனை ரூ.100 கோடியை தாண்டியது. நவம்பர் 10ம் தேதி ரூ.110 கோடிக்கு மதுபானம் விற்பனை செய்யப்பட்டது. நவம்பர் 11ம் தேதி ரூ.100 கோடிக்கு விற்பனையானது. இது அதனது புது வருட விற்பனை சாதனையையும் முறியடித்துள்ளது என்பது குறிப்பிடத்தக்கது.

உச்சகட்டமாக தீபாவளிக்கு முதல் நாளான 12ம் தேதி ரூ.150 கோடிக்கு விற்பனை நடந்துள்ளது. தீபாவளியன்றுரூ.120 கோடிக்கு மதுபானங்கள் விற்பனை செய்யப்பட்டுள்ளன. தீபாவளிமுதல் நாள் மற்றும் தீபாவளியன்று என 2 நாளில் மட்டும் ரூ.270 கோடி வசூலானது. கடந்த தீபாவளியன்று ரூ.100 கோடிதான் வசூலானது.

தீபாவளியையொட்டி ரூ.480 கோடிக்கு மதுபானங்கள் விற்பனை செய்யப்பட்டுள்ளதாக டாஸ்மாக் வட்டாரங்கள் தெரிவித்தன. இலக்கை அடைந்ததற்கு மதுபானங்களின் விலை உயர்த்தப்பட்டதும் ஒரு காரணம். இதுகுறித்து டாஸ்மாக் உயர் அதிகாரி கூறும்போது, ”கடந்த தீபாவளிக்கு ரூ.100 கோடி இலக்கு நிர்ணயிக்கப்பட்டுபூர்த்தி செய்யப்பட்டது. இந்த ஆண்டு டாஸ்மாக்கில் ரூ.125 கோடி இலக்கு நிர்ணயிக்கப்பட்டு அதை விட கூடுதலாக விற்பனை செய்யப்பட்டுள்ளது” என்றார்.

டாஸ்மாக் கடைகளில் மது விலை 3 முறை ஏற்றப்பட்டது. பீர் விலை ரூ.10 முதல் ரூ.15 வரை அதிகமானது. அதேபோல பிராந்தி, விஸ்கி போன்றவை ரூ.5 முதல் ரூ.40 வரை விலை உயர்த்தப்பட்டது.மேலும் தீபாவளிக்கு அதிக அளவில் விற்பனை செய்ய வேண்டும் என்பதால், தமிழகம் முழுவதும் உள்ள 14குடோன்களில் தேவையானதை விட அதிக அளவில் ஸ்டாக் வைக்கப்பட்டது.

ஆனால் ஊழியர்கள்தான் குறைவாக இருந்தனர். ஆள் பற்றாக்குறை காரணமாக விற்பனையில் பாதிப்பு ஏற்பட்டது என்ற கருத்தை அதிகாரி மறுத்தார். உயர் ரக மது முன்தினமே விற்று தீர்ந்ததால் தீபாவளி நாளில் குறைந்தவிலை சரக்குகள் மட்டுமே கடைகளில் மீதமி ருந்தன. அந்த ரகங்கள் எதிர்பார்த்ததைவிட அதிக அளவில் விற்றதாக கடை ஊழியர்கள் தெரிவித்தனர்.

கண்ணா தமிழ்நாடு திபாவளியின் ஹீரோ எப்பவும் டாஸ்மாக், டாஸ்மாக், டாஸ்மாக் மட்டும் தான்.

பவுன்ராஜ் உங்களது பதிவுகளை சரியான பிரிவின் கீழ் பதியுங்கள்

முத்துராஜ் wrote:பவுன்ராஜ் உங்களது பதிவுகளை சரியான பிரிவின் கீழ் பதியுங்கள்

ஆமாம் பவுன்ராஜ்... உங்கள் பதிவு கணனித் தகவலின் கீழ் பதியப்பட்டுள்ளது. நல்ல விடயங்களை பதிவிடுகிறீர்கள், உரிய பிரிவின் கீழ் பதிந்தால் சிறப்பாக இருக்கும்.

இந்த விடையம் தொடர்பாக நேற்றும் உங்களுடைய பதிவில் சுட்டிக்கட்டப்பட்டிருந்தது என்று நினைக்கிறேன்.

சுட்டிக் காட்டியதற்கு நன்றி றினா, முத்துராஜ்!

சரியான பகுதிக்கு மாற்றிவிட்டேன்!

றினா wrote:

முத்துராஜ் wrote:பவுன்ராஜ் உங்களது பதிவுகளை சரியான பிரிவின் கீழ் பதியுங்கள்

ஆமாம் பவுன்ராஜ்... உங்கள் பதிவு கணனித் தகவலின் கீழ் பதியப்பட்டுள்ளது. நல்ல விடயங்களை பதிவிடுகிறீர்கள், உரிய பிரிவின் கீழ் பதிந்தால் சிறப்பாக இருக்கும்.

இந்த விடையம் தொடர்பாக நேற்றும் உங்களுடைய பதிவில் சுட்டிக்கட்டப்பட்டிருந்தது என்று நினைக்கிறேன்.

நண்பரே நம்ம ஊர்லருந்து வரீங்க.பார்த்து சரியான தலைப்பை சரியான பகுதியில் பதிவிடுங்கள்.