கிரிக்கெட் வாழ்க்கையில் 23 வருடங்களை நிறைவு செய்த சச்சின்...

by **Powenraj** Sun Nov 18, 2012 8:59 pm

இந்திய அணியின் மாஸ்டர் பெட்ஸ்மன் சச்சின் டெண்டுல்கர் கிரிக்கெட் உலகில் காலடி எடுத்து வைத்து இன்றுடன் 23 வருடங்கள் நிறைவடைகின்றன.
உலகின் தலைசிறந்த துடுப்பாட்ட வீரரான சச்சின் டெண்டுல்கர் 1989ஆம் ஆண்டு நவம்பர் மாதம் 15ஆம் திகதி பாகிஸ்தானுக்கு எதிரான கராச்சி டெஸ்ட் போட்டியில் அறிமுகமானார். அத்துடன் 16 வயதில் சர்வதேச போட்டிகளில் அறிமுகமானார்.
தனது முதல் போட்டியில் 15 ஓட்டங்களை மாத்திரமே எடுத்தார். தற்போது 39 வயதாகும் சச்சின் கிரிக்கெட் உலகில் பல்வேறு சாதனைகளுக்கு சொந்தக்காரனாகியுள்ளார். இவர் இதுவரை 190 டெஸ்ட் போட்டிகளில் விளையாடி 15,533 ஓட்டங்களையும் 463 ஒருநாள் போட்டிகளில் விளையாடி 18,426 ஓட்டங்களையும் எடுத்துள்ளார்.
அனைத்து சர்வதேச போட்டிகளிலும் நூறு சதங்களை பெற்றுள்ளார். இதில் டெஸ்ட் போட்டிகளில் 51 சதங்களையும் ஒருநாள் போட்டிகளில் 49 சதங்களையும் பெற்றுள்ளார்.ஒருநாள் போட்டிகளில் இரட்டை சதம் அடித்த முதல் வீரராகவும் உள்ளார்.
இந் நிலையில் 23 ஆண்டு கால சிறப்பான ஆட்டத்தின் மூலம் கோடிக்கணக்கான ரசிகர்களின் மனதை கவர்ந்துள்ளார். அண்மையில்அவரை பாராட்டும் முகமாக அவுஸ்திரேலியாவால் 'ஓடர் ஒப் அவுஸ்திரேலியா" என்ற உயரிய விருது வழங்கி கௌரவிக்கப்பட்டமை குறிப்பிடத்தக்கது.