எகிப்தில் பள்ளிப்பேருந்து மீது ரயில் மோதி பயங்கர விபத்து. 49 குழந்தைகள் பலி

by பூவன் Sun Nov 18, 2012 11:36 am

http://www.thedipaar.com/pictures/resize_20121117094333.jpg

எகிப்து நாட்டில், கிண்டர்கார்ட்டன் என்ற இடத்தில் ரயில்வே தண்டவாளத்தை கடக்க முயன்ற பள்ளி பேருந்து மீது இரயில் மோதியதால் ஏற்பட்ட பயங்கர விபத்தில் பேருந்தினுள் பயணம் செய்த 49 குழந்தைகள் பரிதாபமாக பலியாகினர். இந்த விபத்தால், எகிப்தில், கிண்டர்கார்ட்டன் நகரமே சோகத்தில் மூழ்கியுள்ளது.

http://www.thedipaar.com/pictures/resize_20121117094350.jpg

பலியான குழந்தைகளின் உடல்கள் அனைத்தும், இடிபாடுகளில் சிக்கி, மீட்க முடியாத நிலையில் உள்ளதால், பெற்றோர்கள் தங்களது குழந்தைகளின் உடல்களை இடுபாடுகளுக்கிடையே கதறியபடி தேடி அலைந்த காட்சி மிகவும் பரிதாபமாக இருந்தது. மேலும் அந்த கிராம மக்கள் ரெயில்வே நிர்வாகத்தை கண்டித்து, ஆத்திரத்தோடு பிற ரயில்களை தாக்க தொடங்கினர். எனவே அவ்வழியே செல்லும் பிற ரயில்கள் தற்காலிகமாக நிறுத்தப்பட்டுள்ளன.

http://www.thedipaar.com/pictures/resize_20121117094315.jpg

பேருந்தினுள் சுமார் 50 பள்ளிக்குழந்தைகள் பயணம் செய்துள்ளனர். இரயில் வருவதை கவனிக்காமல் பேருந்து ஓட்டுனர், இரயில்வே தண்டவாளத்தை கடக்க முயன்றபோதுதான் இந்த பயங்கர விபத்து ஏற்பட்டுள்ளது. மேலும் எகிப்தின் பல இடங்களில் ஆளில்லாத ரயில்வே கிராஸிங் இருப்பதால், இதுபோன்ற விபத்துகள் அடிக்கடி நடக்கின்றன., எகிப்து ரயில்வே நிர்வாகத்தின் மோசமான நிர்வாகத்தால்தான் இத்தகைய விபத்துக்கு காரணம் என பொதுமக்கள் கூறுகின்றனர்.

ரயில் மோதிய வேகத்தில் பேருந்து சுமார் ஒரு கிலோமீட்டர் தூரத்திற்கு இழுத்துச்செல்லப்பட்டது என்று இந்த விபத்தை நேரில் பார்த்த ஒருவர் கூறினார். அந்த இடம் முழுவதுமே பள்ளிக்குழந்தைகளின் புத்தகங்கள் சிதறியதோடு அல்லாமல், அவை ரத்தக்கறையாகவும் கொடூரமாக காட்சியளிக்கின்றது.

நன்றி தமிழ் source