சிவசேனா கட்சி தலைவர் பால் தாக்கரே மறைவு

**டார்வின்** · **டார்வின்** Sat Nov 17, 2012 5:17 pm

சிவசேனா கட்சியின் நிறுவனத் தலைவர் பால்தாக்கரே. 86 வயதான அவர் கடந்த ஒரு மாத காலமாக உடல் நலக்குறைவால் பாதிக்கப்பட்டுள்ளார். கடந்த புதன்கிழமை இரவு அவர் உடல்நிலை மேலும் மோசமடைந்தது. மூச்சுவிட திணறியதால் அவருக்கு செயற்கை சுவாசம் அளிக்கப்பட்டு வந்தது.

அவர் உடல்நிலை மோசமானதை அறிந்ததும், பல்வேறு கட்சி தலைவர்கள், நடிகர்கள் மும்பை பந்த்ராவில் உள்ள அவர் வீட்டுக்கு சென்று உடல் நலம் விசாரித்தனர். தொண்டர்களும் திரண்டனர். இதன் காரணமாக மராட்டிய மாநிலம் முழுவதும் பதட்டம் நிலவியது.

மும்பையில் பல இடங்களில் கடைகள் அடைக்கப்பட்டன. இதையடுத்து தாக்கரே வீடு உள்ள கிழக்கு பந்த்ரா பகுதி முழுக்க ஏராளமான போலீசார் குவிக்கப்பட்டனர். மும்பை பாதுகாப்புக்காக டெல்லியில் இருந்து அதிரடிப்படை வீரர்களும் வந்தனர். நேற்று அவரது உடல் நிலையில் முன்னேற்றம் காணப்பட்டது.

இன்று காலையிலும் இதே நிலை நீடித்தது. மாலை 3.30 மணியளவில் அவரது உடல்நிலை திடீரென மோசமடைந்தது. இதனால் அவரது வீட்டு வாசலில் திரண்டிருந்த தொண்டர்கள் அதிர்ச்சியடைந்தனர். பின்னர் சில நிமிடங்களில் அவர் மரணம் அடைந்துவிட்டதை டாக்டர்கள் உறுதி செய்தனர்.

இந்த செய்தி வெளியில் இருந்த சிவசேனா கட்சி தலைவர்களுக்கும், தொண்டர்களுக்கும் பரிமாறப்பட்டது. உணர்ச்சிவசப்பட்ட அவர்கள் கண்ணீர் வடித்து கதறி அழுதனர். பால் தாக்கரே மரணம் அடைந்த செய்தி கேட்டதும் பல்வேறு அரசியல் கட்சி தலைவர்களும், திரையுலக பிரபலங்களும் அவரது வீட்டுக்கு வருகை தந்த வண்ணம் உள்ளனர். அவரது வீட்டின் முன்னே பத்திரிகையாளர்கள் ஏராளமாக திரண்டிருக்கிறார்கள். இதனால் போலீஸ் பாதுகாப்பு மேலும் பலப்படுத்தப்பட்டுள்ளது
மாலைமலர்,,

றினா · றினா Sat Nov 17, 2012 5:27 pm

அன்னாரது ஆத்மா சாந்தியடையட்டும்.
அவரது பிரிவால் துயருறும் அவரது குடும்பத்தினர் மற்றும் கட்சித் தொண்டர்கள் அனைவருக்கும் எனது ஆழ்ந்த அனுதாபங்களைத் தெரிவித்துக்கொள்கிறேன்.

**ரா.ரா3275** · **ரா.ரா3275** Sat Nov 17, 2012 5:37 pm

தாக்கரேவின் ஆத்மா சாந்தியடையட்டும்...

**சிவா** · **சிவா** Sat Nov 17, 2012 5:37 pm

இந்தியாவின் மாபெரும் அரசியல் இமயம் மறைந்துவிட்டது! அண்ணாருக்கு அஞ்சலிகள்!

**ராஜா** · **ராஜா** Sat Nov 17, 2012 6:25 pm

அன்னாரின் ஆன்மா சாந்தியடைய இறைவனை பிரார்த்திக்கிறேன்.

இவரை போல ஒரு தலைவர் தமிழ்நாட்டிற்கு கிடைத்தால் தமிழர்களிடம் தன்மானம்,சூடு,சொரணை கொஞ்சம் விழிப்படைய வாய்ப்புள்ளது.

Guest · Guest Sat Nov 17, 2012 9:07 pm

ராஜா wrote:அன்னாரின் ஆன்மா சாந்தியடைய இறைவனை பிரார்த்திக்கிறேன்.

இவரை போல ஒரு தலைவர் தமிழ்நாட்டிற்கு கிடைத்தால் தமிழர்களிடம் தன்மானம்,சூடு,சொரணை கொஞ்சம் விழிப்படைய வாய்ப்புள்ளது.

உண்மை வரிகள் அண்ணே ..

**கேசவன்** · **கேசவன்** Sat Nov 17, 2012 9:46 pm

அவருடைய தேசபக்தி அப்பழுக்கில்லாதது இந்துக்களுக்கு அநீதி இழைக்கப்பட்ட போதெல்லாம் குரல் கொடுத்த அவருடைய துணிச்சல் போற்றத்தக்கது.மதசார்பின்மை என்பது இந்து மதத்தை அழிப்பது இந்துக்களை அடக்குவது என்பவர்கள் அவரை வெறுக்கலாம் தாறுமாறாக விமரிசிக்கலாம். ஆனால், இந்துக்கள் பாதிக்கப்பட்டபோதெல்லாம், முதலில் ஒலித்தது அவருடைய கர்ஜனையே என்பதை இந்துக்கள் யாரும் மறக்க முடியாது. இந்திய பாதுகாப்பு படை இலங்கைக்கு அனுப்பப்பட்டபோது அதை கடுமையாக விமரிசித்ததோடு, உடனடியாக வாபஸ் பெறவேண்டும் என்று ஓங்கி குரல் கொடுத்த முதல் தலைவர் அவர் காங்கிரசின் சுயலாப தேசவிரோத நடவடிக்கைகளை எதற்கும் அஞ்சாமல் எதிர்த்த தன்மான தலைவர். இங்குள்ள திராவிட தலைவர்கள் போல் பல்டி அடிக்காமல், இறுதிவரை தன் கொள்கைகளை விட்டுக்கொடுக்காமல், போராடியவர்

**கரூர் கவியன்பன்** · 23/09/2012

அவரின் உணர்வுகள் சில மதிக்கத்தக்கது.
ஆழ்ந்த வருத்தங்கள் அவரது பிரிவால் வாடுபவர்களுக்கு

Sponsored content · Sponsored content

சிவசேனா கட்சி தலைவர் பால் தாக்கரே மறைவு

சிவசேனா கட்சி தலைவர் பால் தாக்கரே மறைவு

Re: சிவசேனா கட்சி தலைவர் பால் தாக்கரே மறைவு

Re: சிவசேனா கட்சி தலைவர் பால் தாக்கரே மறைவு

Re: சிவசேனா கட்சி தலைவர் பால் தாக்கரே மறைவு

Re: சிவசேனா கட்சி தலைவர் பால் தாக்கரே மறைவு

Re: சிவசேனா கட்சி தலைவர் பால் தாக்கரே மறைவு

Re: சிவசேனா கட்சி தலைவர் பால் தாக்கரே மறைவு

Re: சிவசேனா கட்சி தலைவர் பால் தாக்கரே மறைவு

www.karurkaviyanban.blogspot.in

Re: சிவசேனா கட்சி தலைவர் பால் தாக்கரே மறைவு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக