தீபாவளியை துக்க தினமாக கொண்டாடும் ‌கிராம‌ம்!

நாடு முழுவது‌ம் தீபாவளி ப‌ண்டிகை கொண்டாட‌ப்ப‌ட்டு வரு‌ம் நிலையில், இந்த ‌‌தீபாவ‌ளியை திருவண்ணாமலை அருகேயுள்ள செக்கடிக்குப்பம் கிராமம் துக்கத்தினமாக கடைபிடித்து வருகிறது.

புத்தாடைகளை உடு‌த்‌தி, இனிப்புகளை ஒருவரு‌க்கொருவ‌ர் ப‌ரிமா‌ற்‌ற‌ம் செ‌ய்து, பட்டாசுகளை வெடி‌த்து ‌‌தீபாவ‌ளியை கொ‌ண்டாடி வரு‌ம் ம‌க்க‌ளிடையே, முகத்தில் சிரிப்பை துறந்து, தீபாவளி தினத்தை துக்கத் தினமாக அனுசரி‌த்து‌க் கொ‌ண்டிரு‌‌க்‌கிறது திருவண்ணாமலை அருகேயுள்ள செக்கடிக்குப்பம் கிராமம்.

சுமா‌ர் 250 குடும்பங்கள் வசிக்கும் இந்த கிராமத்தில் அனைவருமே பெரியார் கொள்கையை பின்பற்றுபவர்கள். இதனால், கடந்த 50 ஆண்டுகளுக்கும் மேலாக இங்கு சீர்திருத்தத் திருமணங்கள் மட்டுமே நடைபெற்று வருகின்றன. மதத்தின் மீது பற்று இல்லாத இவர்கள், நரகாசுரன் கொல்லப்பட்ட தீபாவளி தினத்தை ஒரு துக்கத் தினமாகவே அனுசரித்து வருகின்றனர்.

தீபாவளியைத் தான் கொண்டாடுவதில்லையே தவிர, தமிழர் திருநாளான பொங்கல் பண்டிகையை மூன்று, நான்கு நாட்கள் உற்சாகமாக கொண்டாடி களிக்கின்றனர். இதுதவிர, இந்த ஊர் மக்கள் தங்களுக்கு தாங்களே பல்வேறு கட்டுப்பாடுகளை விதித்துள்ளனர்.

அதன்படி, இந்த பகுதியில் யாரும் புகைப்பிடிப்பதில்லை. எவரும் மதுவை தொடுவது இல்லை. வரதட்சணைக் கூட யாரும் கேட்பதில்லை. அப்படிக் கேட்டால், வரதட்சணை கேட்பவர் கடைசி வரை பிரம்மாச்சாரியாகவே இருக்க நேரிடும் எ‌ன்‌கி‌ன்றன‌ர் கிராம‌த்‌தின‌ர்.

மேலு‌ம், இங்குள்ள பெண்கள் அனைவருமே சிலம்பம், கராத்தே போன்ற தற்காப்புக் கலைகளை கற்றுத் தேர்ந்துள்ளனர். இதுதவிர, இரவு நேரத்திலும் கூட எந்த இடத்துக்கும் தனியாக சென்று வரும் அளவிற்கு பெண்களுக்கு தன்னம்பிக்கையும் ஊட்டியிருக்கிறது, வீரத்தின் விளைநிலமாக திகழும் ‌இ‌ந்த கிராமம்.

அட ஆச்சரியமான கிராமம்.
எதிர்கால மாற்றம்.

அதன்படி, இந்த பகுதியில் யாரும் புகைப்பிடிப்பதில்லை. எவரும் மதுவை தொடுவது இல்லை. வரதட்சணைக் கூட யாரும் கேட்பதில்லை. அப்படிக் கேட்டால், வரதட்சணை கேட்பவர் கடைசி வரை பிரம்மாச்சாரியாகவே இருக்க நேரிடும் எ‌ன்‌கி‌ன்றன‌ர் கிராம‌த்‌தின‌ர்.

மேலு‌ம், இங்குள்ள பெண்கள் அனைவருமே சிலம்பம், கராத்தே போன்ற தற்காப்புக் கலைகளை கற்றுத் தேர்ந்துள்ளனர். இதுதவிர, இரவு நேரத்திலும் கூட எந்த இடத்துக்கும் தனியாக சென்று வரும் அளவிற்கு பெண்களுக்கு தன்னம்பிக்கையும் ஊட்டியிருக்கிறது, வீரத்தின் விளைநிலமாக திகழும் ‌இ‌ந்த கிராமம்.

முன்னுதாரணமான கிராமம்.

இவர்கள் துக்கம் அனுசரித்து உண்மையில் மகிழ்கிறார்கள்
ஆனால் நாம் தீபாவளியை மகிழ்ச்சியாய் கொண்டாடி வணிக பயனை மட்டுமே பெற்றோம்
தீபாவளிக்கு சம்மந்தமே இல்லாமல் எதற்கு டாஸ்மாக்கில் கூட்டம்
யோசித்து பார்த்தால்
ஒரு நாள் சந்தோஷம் நமக்கு
பல நாள் துக்கம் !
செக்கடிக்குப்பத்திற்கோ ஒரு நாள் துக்கம்
அதிலும் பல நாள் சந்தோஷம் !
இதை பார்த்தாவது உண்மையாக விழாக்களை கொண்டாட கற்று கொள்வோம்

///இங்குள்ள பெண்கள் அனைவருமே சிலம்பம், கராத்தே போன்ற தற்காப்புக் கலைகளை கற்றுத் தேர்ந்துள்ளனர்.///