கண்கள் தேடுகின்றன.....

**கா.ந.கல்யாணசுந்தரம்** · 28/02/2009

வெறுமனே புத்தகத்தின் பக்கங்களை
புரட்டிக் கொண்டிருந்தேன் !
வெளிச்ச தேவதையின் கண்கள்
கட்டப்பட்டு தனி அறையில்
தள்ளப்பட்டு தாளிடப்பட்டிருந்தது !
ஆசிரியர் சொன்ன பாடங்களின்
வரிகளை நிலவொளியில்
கண்கள் தேடுகின்றன.....
அங்கொன்றும் இங்கொன்றுமாய்
நுனிபுல்லை மேய்ந்த மாடென
சோம்பல் முறித்து தூங்கப் போனேன் !
ஏற்கனவே மின்சார பொத்தான்களை
இயக்கி வைத்ததால் பளீர் என
மின்னொளி நீண்ட நேர இடைவெளிக்குப்பின்
பாய்ந்து என் விழிப் படலத்தை தாக்கியது...
வெளிச்ச தேவதையின் கண்கள்
இப்போது திறக்கப்பட்டன.....
ஆனால் தூக்கம் ததும்பிய
எனது விழிகள் மட்டும் திறக்கவில்லை!
கனவில் ஆசிரியரின் பிரம்படி
துல்லியமாய் நினைவில் நின்றது
விழித்தபின் அம்மாவிடம் கேட்டேன் ...
விளக்கெரிக்க மண்ணெண்ணெய்யாவது
கிடைக்குமா?

........கா.ந கல்யாணசுந்தரம்

**ரா.ரா3275** · **ரா.ரா3275** Wed Nov 14, 2012 11:03 pm

இப்போதெல்லாம் கண்கள் கனவை மட்டுமல்ல கரண்டையும் தேடுகிறது...
இந்தச் சாட்டையில் எத்தனை சொடுக்கல்கள்...
ஏழ்மை...வறுமை...இன்றைய காலக்கொடுமையான கரண்ட் கட்...
உட்பட பலவற்றை வாங்கு வாங்கென வாங்கியது நன்று அய்யா...

அப்புறம் இப்பல்லாம்...கனவுல வாத்தியாருங்க அடிக்க முடியாது...
கத்தி கனவுல மட்டுமில்ல நிஜத்திலேயும் வந்துடும் அய்யா...

**கா.ந.கல்யாணசுந்தரம்** · 28/02/2009

ரா.ரா3275 wrote:இப்போதெல்லாம் கண்கள் கனவை மட்டுமல்ல கரண்டையும் தேடுகிறது...
இந்தச் சாட்டையில் எத்தனை சொடுக்கல்கள்...
ஏழ்மை...வறுமை...இன்றைய காலக்கொடுமையான கரண்ட் கட்...
உட்பட பலவற்றை வாங்கு வாங்கென வாங்கியது நன்று அய்யா...

அப்புறம் இப்பல்லாம்...கனவுல வாத்தியாருங்க அடிக்க முடியாது...
கத்தி கனவுல மட்டுமில்ல நிஜத்திலேயும் வந்துடும் அய்யா...

நன்றி ரா.ரா. அவர்களே. மிகச் சரியாக சொன்னீர்கள். ஆசிரியர் பணி, இப்போதெல்லாம் தனது இன்னுயிரை பணயம் வைத்து ஆற்றும் பணியாகிப்போனது உண்மைதான்!