இப்படியோர் ஆசையடா!

sivaganga · sivaganga Thu 15 Nov 2012 - 18:03

உறங்கும்போது நீ அறியாது -
அருகில் வந்து வியர்வை நுகர ஆசை...
தலை வருடி உச்சி முகந்து உன்
உதட்டை கிள்ள ஆசை..
காலாற நீ நடந்து வர
கட்டை விரலை இழுத்து
மணல் சேகரிக்க ஆசை..
உன் வெள்ளிக்கம்பி முடியில்
முத்து கோர்த்து மோதிரம் போட ஆசை..
நீ சிணுங்கிய சிரிப்பை சிம்போனியில்
பதிவு செய்து குறுந்தகட்டில்
போட்டுக் கேட்க ஆசை....
கைக்கட்டி சோம்பல் முறிக்க
உன்னை சட்டென்று தள்ளி
விரலாலே கிச்சு கிச்சு செய்ய ஆசை..
நீஅள்ளித் தின்ற வெண்சோறாய் மாறி
உள்ளங்கை ஸ்பரிசித்து
உட்செல்ல ஆசை..
இப்படியோர் ஆசையடா!

சிவகங்கா

**ரா.ரா3275** · **ரா.ரா3275** Thu 15 Nov 2012 - 18:06

sivaganga wrote:
நீஅள்ளித் தின்ற வெண்சோறாய் மாறி
உள்ளங்கை ஸ்பரிசித்து
உட்செல்ல ஆசை..

இது செம சூப்பருங்கோவ்...

**கா.ந.கல்யாணசுந்தரம்** · 28/02/2009

கட்டை விரலை இழுத்து
மணல் சேகரிக்க ஆசை..
உன் வெள்ளிக்கம்பி முடியில்
முத்து கோர்த்து மோதிரம் போட ஆசை

.......சின்ன சின்ன ஆசை..சிறகடிக்கும் ஆசை...முத்து முத்து ஆசை.....

வாழ்த்துக்கள்...பாராட்டுகள்....சிறப்பு.

ஹர்ஷித் · ஹர்ஷித் Thu 15 Nov 2012 - 18:12

ஆசைகள் அனைத்தும் வித்தியாசத்தின் கோணல்களில் விரும்பத்தகுந்த வரிகளில். சூப்பருங்க

ஜலஜா சிவகுமார் · 05/10/2012

சின்ன சின்ன ஆசை
நல்ல நல்ல ஆசை
சொல்ல சொல்ல ஆசை
கேட்க கேட்க ஆசை

றினா · றினா Thu 15 Nov 2012 - 19:21

அழகாக இருக்கிறது கவிதை...
உள்ளத்தில் இருந்து புறப்பட்ட வரிகள்.
நன்றி
வாழ்த்துக்கள்.

இதைப் பார்த்தவுடன் மூர்த்தி - கோபி இரட்டையர்களின் குட்டிகுட்டி ஆசை... பாடல் ஞாபகத்திற்கு வருகிறது.

குட்டி குட்டி ஆசை குறுகுறுக்கும் ஆசை...
கூவத்துக்கு சென்று குளித்து வர ஆசை...

மவுண்ட் ரோட்டின் நடுவே வீடு கட்ட ஆசை...
கட்டிவிட்ட பின்னே இடித்துவிட ஆசை...

குட்டி குட்டி ஆசை குறுகுறுக்கும் ஆசை...
கூவத்துக்கு சென்று குளித்து வர ஆசை...

தியேட்டரில் பிளாக்கில் டிக்கட் விற்க ஆசை...
மந்திரியுமாகி ஊழல் செய்ய ஆசை...
பி.டி.சி. பஸ்ஸை ஓட்டிச் செல்ல ஆசை...
குறுக்கே வரும் ஆளை ஏத்திக் கொல்ல ஆசை...

நியூ ஆர்யபவானில் டிபன் திங்க ஆசை...
பில்லைக் கொடுக்காமல் தப்பிச் செல்ல ஆசை...
வீரப்பனைப் போல மரம் கடத்த ஆசை...
புதைச் சேற்றில் விழுந்து தத்தளிக்க ஆசை...
ராமராஜன் போல டிரவுசர் போட ஆசை...

குட்டி குட்டி ஆசை குறுகுறுக்கும் ஆசை...
கூவத்துக்கு சென்று குளித்து வர ஆசை...