இணைய தளங்களுக்கு அரபுநாடுகளில் கட்டுப்பாடு

**சிவா** · **சிவா** Wed Nov 14, 2012 1:58 am

துபாய்:ஆட்சி மாற்றம் கோரி, போராட்டம் வெடிக்கும் அபாயம் உள்ளதால், அரபுநாடுகளில், இணைய தளங்களுக்கு கட்டுப்பாடுகள் விதிக்கப்பட்டுள்ளன.எகிப்து, துனிசியா, லிபியா, ஏமன் உள்ளிட்ட நாடுகளில், கிளர்ச்சியாளர்களின் தொடர் போராட்டத்தால், ஆட்சி மாற்றம் ஏற்பட்டுள்ளது. தற்போது குவைத், பக்ரைன் உள்ளிட்ட நாடுகளிலும், எதிர்கட்சியினர் ஆட்சி மாற்றம் குறித்து போராட்டம் நடத்துகின்றனர்.பல்வேறு இணைய தளங்கள் மூலம், ஆட்சி மாற்றத்துக்கான தகவல் பரிமாறிக்கொள்ளப்படுவதால், இது போன்ற இணைய தளங்களுக்கு அரபு நாடுகளில் கட்டுப்பாடுகள் விதிக்கப்பட்டுள்ளன.ஐக்கிய அரபு எமிரேட்டில், இணைய தளங்கள் தீவிரமாக கண்காணிக்கப்பட்டு வருகின்றன.

**சிவா** · **சிவா** Wed Nov 14, 2012 1:59 am

சார்லஸ் மீது சாணம் எறிய முயன்றவர் கைது

ஆக்லாந்து:பிரிட்டிஷ் இளவரசர் சார்லசும், அவரது மனைவி கமீலாவும், சமீபத்தில், நியூசிலாந்து நாட்டில் பயணம் மேற்கொண்டனர். ஆக்லாந்து பகுதியில் இவர்கள் பல்வேறு நிகழ்ச்சிகளில் கலந்து கொண்டனர். அப்போது பொதுமக்களுக்கிடையே நின்றிருந்த, சந்தேகத்துக்குரிய நபரை கைது செய்தனர்.அவர் பெயர் சாம் பிராக்கனோவ்,74. மன்னராட்சிக்கு எதிரானவர்.இளவரசர் சார்லஸ், 94ம் ஆண்டு, நியூசிலாந்து வந்த போதும், அவர் மீது கழிவு நீரை தெளிக்க, பிராக்கனோவ் முயற்சித்துள்ளார்.தற்போது கைது செய்யப்பட்ட பிராக்கனோவ், ஜாமினில் விடுதலையாகியுள்ளார். சார்லஸ் மற்றும் கமீலா மீது, குதிரை சாணத்தை வீச முயற்சி செய்ததாக அவர் ஒப்புக்கொண்டுள்ளார். சார்லசை தாக்க முயன்றதாக இவர் மீது வழக்கு பதிவு செய்யப்பட்டுள்ளது.

**சிவா** · **சிவா** Wed Nov 14, 2012 1:59 am

இந்தியர்களுக்கான சுடுகாடு ஷார்ஜாவில் அடுத்த ஆண்டில் தயார்

துபாய்:இந்தியர்களுக்கான சுடுகாடு, ஷார்ஜாவில் அடுத்த ஆண்டு திறக்கப்பட உள்ளது.வளைகுடா நாடுகளில், இந்தியர்கள், அதிக அளவில் வசிக்கின்றனர். பல்வேறு காரணங்களால், இறக்கும் இந்தியர்களை, அந்நாட்டில் அடக்கம் செய்வதில் பிரச்னைகள் எழுவதால், இந்தியர்களுக்கென தனி சுடுகாடு அமைக்கபட உள்ளது.இதற்காக, ஷார்ஜா நிர்வாகம், 8.3 ஏக்கர் நிலத்தை நன்கொடையாக அளித்துள்ளது.

முஸ்லிம்கள், கிறித்துவர்களை அடக்கம் செய்வதற்கான இடமும், இந்துக்கள், சீக்கியர்கள், புத்தமதத்தினரை தகனம் செய்வதற்கான இடமும் தயார் செய்யப்பட்டு வருகிறது.வெளிநாட்டு வாழ் இந்தியர் நலத்துறை அமைச்சர் வயலார் ரவி, ஷார்ஜா சென்று, அனைத்து மத சுடுகாடு அமைக்கப்படுவதை பார்வையிட்டார். சுடுகாடு அமைப்பதற்காக, 75 லட்ச ரூபாய் அளிக்கப்பட்டுள்ளது. "அடுத்த ஆண்டு, ஜனவரி மாதத்துக்குள், சுடுகாட்டின் ஒரு பகுதி செயல்பாட்டுக்கு வரும்' என, ஐக்கிய அரபு எமிரேட்டுக்கான, இந்திய தூதர் லோகேஷ் தெரிவித்துள்ளார்.

அசுரன் · அசுரன் Wed Nov 14, 2012 9:18 am

மூன்று செய்திகளுக்கு நன்றி சிவா..

இணைய தளங்கள் கண்காணிப்பு இப்போது நம் நாட்டிலும் அதிகமாகி உள்ளது

சுடுகாடு அருமையான திட்டம்... அரபுகள் மற்றவர்களை மதிக்க தெரிந்திருப்பது மாற்றமே