தீபாவளிக்காக 2 ஆயிரத்து 828 சிறப்பு பஸ்கள் விட்டதற்கு பாராட்டு

சென்னையில் இருந்து தீபாவளிக்காக 2 ஆயிரத்து 828 சிறப்பு பஸ்கள் விட்டதன் காரணமாக இன்று கோயம்பேட்டில் இருந்து வெளியூர் சென்ற பஸ்களில் நெரிசல் இன்றி மக்கள் வசதியாக பயணம் செய்தனர்.

தீபாவளி

தமிழ்நாட்டில் சிறப்பாக கொண்டாடப்படும் பண்டிகைகளில் தீபாவளியும் முக்கியத்துவம் வாய்ந்த ஒன்றாகும். தீபாவளியையொட்டி முன்கூட்டியே ரெயில்களிலும், பஸ்களிலும் மக்கள் தங்கள் சொந்த ஊர்களுக்கு செல்வதற்காகவும், தலைதீபாவளி கொண்டாடுவதற்கும் முன்பதிவு செய்வது வழக்கம்.அதுபோல இந்த வருடமும் முன்பதிவு செய்து ரெயில்களிலும் பஸ்களிலும் சென்னையில் இருந்து வெளிïர்களுக்கு ஏராளமான மக்கள் புறப்பட்டு சென்றனர்.

சிறப்பு பஸ்கள்

இந்த கூட்டநெரிசலை தவிர்க்க தமிழக அரசு தமிழ்நாடு முழுவதும் 6 ஆயிரத்து 859 சிறப்பு பஸ்களை இயக்கியது. அதாவது கடந்த 9, 10, 11-ந்தேதிகளில் சிறப்பு பஸ்கள் இயக்கிய காரணத்தால் கடந்த 3 நாட்களாக 3 லட்சத்திற்கும் மேற்பட்ட பயணிகள் சென்னையில் இருந்து வெளிïர்களுக்கு புறப்பட்டு சென்றனர்.சென்னையில் இருந்து மட்டும் 2 ஆயிரத்து 828 பஸ்கள் சிறப்பு பஸ்களாக இயக்கப்பட்டன. அதன்காரணமாக நேற்று கோயம்பேடு பஸ் நிலையத்தில் இருந்து மக்கள், கன்னியாகுமரி, நெல்லை, தூத்துக்குடி, மதுரை, கோவை, சேலம், கடலூர், தேனி, ஈரோடு, தஞ்சை, விருதுநகர் உள்ளிட்ட பல்வேறு மாவட்டங்களுக்கும் வசதியாக பஸ்களில் புறப்பட்டு சென்றனர்.

குடும்பம் குடும்பமாக

காலை 10 மணியில் இருந்தே குடும்பம் குடும்பமாகவும், தனித்தும் தீபாவளி கொண்டாட வெளிïர் செல்ல கோயம்பேடு பஸ்நிலையத்திற்கு வரத்தொடங்கினார்கள். நேரம் ஆக ஆக மக்கள் அதிகமாக வரத்தொடங்கினார்கள். ஆனால் சிறப்பு பஸ்கள் இயக்கப்பட்டதால் கூட்ட நெரிசலில் சிக்காமல் பஸ்களில் ஏறி பயணம் செய்தனர். சிறப்பு பஸ்கள் இயக்கப்பட்டதற்கு மக்கள் பாராட்டு தெரிவித்தனர்.இரவு 7 மணிக்கு திருவண்ணாமலை, கடலூர், சேலம், தஞ்சாவூர் போன்ற அருகில் உள்ள ஊர்களுக்கு செல்வோர் கூட்டம் மட்டுமே அதிகமாக காணப்பட்டது.

திரும்பி வர பஸ்கள்

இன்று (செவ்வாய்க்கிழமை) மாலை முதல் வெளிïர்களில் இருந்து சென்னைக்கு வர வசதியாக தமிழ்நாட்டின் பல்வேறு பகுதிகளில் இருந்து 3 ஆயிரம் சிறப்பு பஸ்கள் ஏற்பாடு செய்யப்பட்டுள்ளன.அரசு சிறப்பு பஸ்கள் இயக்கிய காரணத்தாலும், ஆம்னி பஸ்களில் சோதனை நடத்தி பல நடவடிக்கை களை எடுத்ததன் காரணமாகவும் பெரும்பாலான ஆம்னி பஸ்களில் கூடுதல் கட்டணம் வசூலிக்கவில்லை.ஆனால் பஸ்களில் பட்டாசுகள் கொண்டு செல்வதை போலீசார் அனுமதிக்கவில்லை. இதற்காக கோயம்பேடு நுழைவு வாயிலிலேயே போலீசார் மெட்டல் டிடெக்டர் வைத்து சோதனை செய்தே பயணிகளை உள்ளே அனுமதித்தனர்.இருப்பினும் சிலர் பட்டாசு கொண்டு வந்தனர். அவர்களை பஸ் ஏற உள்ளே அனுமதிக்காமல் திருப்பி அனுப்பினார்கள்.கோயம்பேடு பஸ்நிலையத்தில் ஏராளமான போலீசார் பாதுகாப்பு பணியில் ஈடுபட்டனர். அவர்களின் பொருட்களை பாதுகாப்பாக வைத்திருக்கும்படி அவ்வப்போது ஒலிபெருக்கியில் எச்சரிக்கை விடுத்தனர்.

தினத்தந்தி

பிளான் பண்ணி பண்ணிருக்காங்க.. நல்ல விஷயம்