தீபாவளி-பட்டாசு வெடி‌ப்பது எ‌‌ப்படி?

by **டார்வின்** Mon Nov 12, 2012 6:32 pm

பட்டாசுகளை கொளுத்தும்போது தளர்வான ஆடைகளை அணியாமல், இறுக்கமான ஆடைகளை அணியவேண்டும். டெரிகாட்டன், டெர்லின் ஆடைகளை அணியக்கூடாது.

* பட்டாசுகளை கொளுத்தும்போது அருகில் ஒரு வாளி தண்ணீர் வைத்துக்கொள்ளுங்கள்.

* பட்டாசுகளை கொளுத்தி கையில் வைத்துக்கொண்டோ, அல்லது உடம்புக்கு அருகிலோ வெடிக்கவேண்டாம். பாதுகாப்பாக தூரத்தில் வைத்து வெடியுங்கள்.

* பாட்டில்களில் பட்டாசுகளை உள்ளிட்டு கொளுத்தி வெடிக்காதீர்கள்.

* ராக்கெட் வெடிகளை வெட்டவெளியில், குடிசைகள் இல்லாத பகுதிகளில் வைத்து மட்டுமே வெடியுங்கள்.

* பட்டாசுகளை கூட்டமான பகுதிகளிலும், தெருக்களிலும், பெட்ரோல் பங்க் அருகிலும் மருத்துவமனை அருகிலும் வெடிக்காதீர்கள்.

* பட்டாசு விற்பனை செய்யும் கடைக்கு அருகில் வெடிக்காதீர்கள்.

* குழந்தைகள், பெற்றோர் முன்னிலையில் பட்டாசுகளை வெடிக்க வேண்டும்.

* விலங்குகளை துன்புறுத்தும் வகையிலும், அவைகள் பயப்படும் வகையிலும் பட்டாசுகளை வெடிக்காதீர்கள்.

* இரவு 10 மணி முதல் அதிகாலை 6 மணி வரை பட்டாசுகளை வெடிக்க வேண்டாம்.

* அதிகம் சத்தமுள்ள பட்டாசுகளை வெடிக்காதீர்கள். ஏனென்றால், அவை உடலையும், மனதையும் பாதிக்கும். காதுகள் கூட செவிடாகக்கூடும். ஒருநாள் கொண்டாட்டத்துக்காக வாழ்நாள் முழுவதும் துன்பப்படவேண்டாம்.

* பட்டாசு வெடிப்பது குறித்து பள்ளிகளில் மாணவ-மாணவிகளுக்கு பட்டாசு விழிப்புணர்வு செயல்முறை காட்சிகள் செய்வது நல்லது. மாணவ-மாணவிகள் ஊர்வலம் நடத்தி, இதுகுறித்து விழிப்புணர்வு ஏற்படுத்தவேண்டும்.

* ஆசிரியர்கள் பள்ளியில் காலை இறைவணக்கத்துக்கு பிறகு 5 நிமிடம் மாணவ-மாணவிகளுக்கு பட்டாசு பாதுகாப்பு குறித்து அறிவுரை வழங்குங்கள்.

* தீ பாதுகாப்பு குறித்து மாணவர்களுக்கு வரைபட போட்டி நடத்தி, சிறந்தவற்றுக்கு பரிசு அளிக்கலாம்.

* கடந்த ஆண்டு வாங்கிய பட்டாசுகளை கொளுத்தவேண்டாம்.

* வெடிக்காத பட்டாசுகளை குனிந்து பரிசோதிப்பதை தவிர்க்கவேண்டும்.