Karpanai Paadal

கேள்வி (கற்பனை பாடல்)

ஆறறிவு நண்பனே நில்லு !
நீ எங்கே போகிறாய் சொல்லு ?!
இருட்டில் ஒளிந்த இயற்கை
அதன் அழகை காட்டி இருக்கு!

ஆதவன் அன்பை பருகிய மொட்டு
பூவாய் பிறந்திருக்கு!
பார்வையாளர் யாருமின்றி!
பாராட்டு ஏதும் தேவையின்றி!
பறவை பாடியிருக்கு!
பார்வையாளர் யாருமின்றி
பாராட்டு ஏதும் தேவையின்றி
பறவை பாடியிருக்கு
இதை அறியாத நீயும் இங்கே எங்கே போகிறாய் சொல்லு!

ஆறறிவு நண்பனே நில்லு !
நீ எங்கே போகிறாய் சொல்லு?

உன் இனம் உன்னை பார்த்திருக்கு
மரங்களும் உன்னுடன் நடந்திருக்கு
இதை காணாது நீயும்
கை பேசியோடு கலந்து
எங்கே போகிறாய் சொல்லு ?

இப்படி மனிதனும் மறந்து
இயற்கையும் துறந்து
நித்தமும் உன் பயணம் தான் எங்கே சொல்லு !
ஆறறிவு நண்பனே நில்லு !
நீ எங்கே போகிறாய் சொல்லு!

ரொம்ப அருமையா இருக்கு புவனேஸ்வரி

///பார்வையாளர் யாருமின்றி
பாராட்டு ஏதும் தேவையின்றி
பறவை பாடியிருக்கு ///

இதன் யதார்த்த அர்த்தம் ஆழம் ஆழம்...

மரங்களும் உன்னுடன் நடந்திருக்கு
இதை காணாது நீயும்
கை பேசியோடு கலந்து
எங்கே போகிறாய் சொல்லு ?

இது இன்னும் அழகு...

மிக எளிய வார்த்தைகளில் வழிய கருத்து...
வாழ்த்துகள்...

இயற்கையை மறந்து பயணிக்கும் நம் வாழ்வை இயற்கையாக சொன்ன விதம் அருமை ....

மிக அருமை கவிதை