காதல் ராஜாவின் கடிதங்கள்

by காதல் ராஜா Fri Nov 09, 2012 11:56 am

நண்பர்களே,

என் கவிதைகளை ஒரே இழையில் கோர்க்கும் நோக்கத்தில் இவ்விழையைத் துவங்குகிறேன்..

எழுதிய கவிதைகளும், எழுதப்படவிருக்கும் கவிதைகளும் இங்கே இணையட்டும்..

உங்களின் பின்னூட்ட மழை ஆதரவாய்ப் பொழியட்டும்..

by காதல் ராஜா Fri Nov 09, 2012 11:59 am

பெண்ணே!
என் காதலை உன்னிடம்
எப்படிச் சொல்வது?

காதலுடன் பேசக்
காட்டாற்று வெள்ளமாய்க்
கரைபுரண்டு வந்த கவிதைகள் உன்
கண்களைக் கண்டதும் கானலாகின.

சொல்ல நினைத்துத் துடித்தவை
சொப்பனத்தில் கண்டனவாய்க் கலைந்து விட்டன.

ஒத்திகை பார்த்து வந்த வசனங்களும் உன்
ஓரவிழிப் பார்வைக்கு முன்னே ஓடியே விடுகின்றன.

கண்டவுடன்
கதவுக்குப் பின் மறையும் உன்னைக்
காண மனது துடித்தாலும்
பண்பாடு தடுக்கிறது;
என் பாடு சொல்ல வழியில்லையே?

சொல் பெண்ணே!
என் காதலை உன்னிடம்
எப்படிச் சொலவது?

by காதல் ராஜா Fri Nov 09, 2012 11:59 am

காதல் சொன்னேன்; கை கொட்டிச் சிரித்தாய் குழந்தையாய்..

கவிதை சொன்னேன்; கை கட்டி இரசித்தாய் அழகாய்..

கண்ணோடு கண்டு கொண்டேன் உன் காதலை

நீ வெட்கம் தாளாமல் தாவியென்னை அணைத்த பொழுது..

இப்போதும் சொல்கிறேன்..

உன் அணைப்பை விடவும் அழகியதாய்

என்னால் காதலை வடித்துவிட இயலாதடி..

by **சிவா** Fri Nov 09, 2012 12:10 pm

காதல் வரிகள் காதலைவிட அழகாக உள்ளது! தொடருங்கள் ராஜா!

by **அருண்** Fri Nov 09, 2012 12:13 pm

காதலை சொல்லும் விதம் மிக அருமை! இரு கவிதையும் மிக நன்று!

நல்ல முயற்சி! தொடருங்கள்! மகிழ்ச்சி

by காதல் ராஜா Fri Nov 09, 2012 2:15 pm

சிவா wrote:காதல் வரிகள் காதலைவிட அழகாக உள்ளது! தொடருங்கள் ராஜா!

மிக்க நன்றி சிவா..

by காதல் ராஜா Fri Nov 09, 2012 2:17 pm

அருண் wrote:காதலை சொல்லும் விதம் மிக அருமை! இரு கவிதையும் மிக நன்று!

நல்ல முயற்சி! தொடருங்கள்!

மிக்க நன்றி அருண்..

by காதல் ராஜா Fri Nov 09, 2012 2:22 pm

உன் சரணம் இனி..

நம் காதலால் நமக்குள் கருவுற்ற கவிதை மிச்சங்களை

மாலையாக்கி உனக்குச் சார்த்துகிறேன்..

எனக்குள் அலைந்து திரியும் ஏக்கங்கள் உன்னை

ஏதும் செய்துவிடலாகாது என்று

பிரபஞ்சக் காதலுக்கு அதனைப் பிரதிநிதி ஆக்கினேன்..

ஆனால்,

உன்னைத் தழுவிக் கிடப்பதை விடவா

உலகக் காதல் பெரிது என்று

என்னையே எதிர்த்துக் கேள்வி கேட்கின்றன அவை..

என் காதலும் கவிதைகளும் உன் சரணம் இனி..

by **ரா.ரா3275** Fri Nov 09, 2012 3:10 pm

///நம் காதலால் நமக்குள் கருவுற்ற கவிதை மிச்சங்களை

மாலையாக்கி உனக்குச் சார்த்துகிறேன்..
///

அடடா...அருமையான சொல்புனைவு...
இதில் 'கருவுற்ற' என்பதும் 'மிச்சங்கள்' என்பதும் மிக வலிமையான அர்த்தம் சேர்க்கின்றன...
மிக மிக மிக மிக மிக ரசித்தேன் இந்த சொல்புனைவை...

அசத்துங்க காதல் ராஜா...மன்னிக்க...கவிதை ராஜா...