கையில் குழந்தையுடன் ரிக்‌ஷா ஓட்டியவர்.....

by பூவன் Thu Nov 08, 2012 8:25 am

குறைமாதத்தில் பிறந்து 5 நாளில் அம்மாவை பறிகொடுத்ததால் குழந்தையுடன் ரிக்‌ஷா ஓடிய அப்பாவின் பரிதாப கதை ஊடகங்களில் வெளியானதால் அவருக்கு ரூ.18லட்சம் உதவி நிதி குவிந்துள்ளது.

மருத்துவமனையில் சேர்க்கப்பட்ட கைக்குழந்தை உடல் நிலை தேறியதால் வீட்டுக்கு அழைத்துச் சென்றார்.

ராஜஸ்தான் மாநிலம் பரத்பூரை சேர்ந்த ரிக்ஷாகாரர் பப்லு. இவரது மனைவிக்கு கடந்த செப்டம்பரில் அரசு மருத்துவமனையில் பெண் குழந்தை பிறந்தது. குறைமாதத்தில் பிறந்ததால் 2 கிலோ எடை மட்டுமே இருந்த அந்த குழந்தைக்கு தாமினி என்று பெயர் சூட்டினர். பிறந்த 5 நாளில் தாயை இழந்தாள் குழந்தை தாமினி.

குழந்தையை கவனிக்க கூட உறவினர் யாரும் இல்லாததால் பப்லு தவித்தார். சில நாட்கள் ரிக்‌ஷா ஓடாமல் வீட்டிலேயே இருந்து குழந்தையை பார்த்துக் கொண்டார். கையில் பணம் இல்லாததார் கைக்குழந்தையுடன் ரிக்‌ஷா ஓட்டினார். தாய்பால் கிடைக்காததால் தாமினியின் உடல் நிலை மோசமானது. அழுவதற்கு கூட சக்தி இல்லாமல் துவண்டு கிடக்கும் தாமினியை உடலில் கட்டிக்கொண்டு அவர் ரிக்‌ஷா ஓடுவது ஊடகங்களில் கடந்த மாதம் வெளியானது.

இது பற்றிய பற்றிய தகவல் கிடைத்ததும், தாமினியை உடனடியாக தனியார் மருத்துவமனையில் சேர்க்க ராஜஸ்தான் அரசு நடவடிக்கை எடுத்தது.

கடந்த மாதம் 21ம் திகதி ஜெய்ப்பூரில் உள்ள பிரபல தனியார் மருத்துவமனையில் தாமினி சேர்க்கப்பட்டாள். இதற்கிடையே, தாமினியின் பரிதாப நிலையை பார்த்து ஏராளமானோர் நிதி வழங்க தொடங்கினர். இதுவரை ரூ.18 லட்சம் நிதி சேர்ந்துள்ளது. அவளுக்கு இலவச கல்வி அளிக்க பல முன்னணி கல்வி நிறுவனங்கள் முன் வந்துள்ளன.

தாமினியை எங்களிடம் கொடுங்கள் நாங்கள் வளர்க்கிறோம் என்று தொண்டு நிறுவனங்கள் போட்டி போடுகின்றன. ஆனால், அதற்கு பப்லு மறுத்துவிட்டார்.

இதற்கிடையே தாமினி உடல் நலம் தேறியது. தாமினியை கவனிப்பதற்காக ரிக்‌ஷா ஓடுவதை விட்டுவிட்டு, சிறிய டீக்கடை வைக்க பப்லு முடிவு செய்துள்ளார்.

குவிந்துள்ள நிதியை தாமினி பெயரில் ஒரு அறக்கட்டளையை தொடங்கி வங்கியில் வைப்பிலிட ராஜஸ்தான் அரசு முடிவு செய்துள்ளது.

நன்றி தமிழ் source