சென்னையில் ஒரு லாரி மணல் விலை ரூ.60 ஆயிரமாக உயர்வு: 4 மாதத்தில் 2 மடங்கானது

**சிவா** · **சிவா** Tue Nov 06, 2012 4:34 pm

தமிழகத்தில் பெரும்பாலான மணல் குவாரிகள் மூடிக்கிடப்பதால் மணல் விலை கடுமையாக உயர்ந்துள்ளது. சென்னையில் ஒரு யூனிட் மணல் (பெரிய லாரியில் எடுத்து வருவது) விலை ரூ.60 ஆயிரமாக உயர்ந்துள்ளது. தமிழகத்தின் மற்ற இடங்களில் குறிப்பாக தென்மாவட்டங்களில் ரூ.50 ஆயிரமாக மணல் விலை நிர்ணயிக்கப்பட்டுள்ளது.

இதுதொடர்பாக மணல் லாரி உரிமையாளர்கள் சங்க பொதுச் செயலாளர் முனிரத்தினம் கூறியதாவது:-

கோர்ட்டு உத்தரவு, கிராமப்புற மக்கள் எதிர்ப்பு போன்ற பல்வேறு காரணங்களால் தமிழகத்தில் 81 சதவீத மணல் குவாரிகள் மூடப்பட்டுள்ளன. இதன் காரணமாகவே மணல் விலை உயர்ந்துள்ளது.

சென்னை, காஞ்சீபுரம், திருவள்ளூர் மாவட்டங்களில் கட்டுமான தொழிலுக்கு ஒரு நாளைக்கு 6 ஆயிரம் லோடு மணல் தேவைப்படுகிறது. ஆனால் தற்போது ஒரு லோடு மணல் எடுத்துவர 10 நாட்கள் வரை ஆகிறது.

சென்னையில் கடந்த 4 மாதங்களுக்கு முன் மணல் விலை ரூ.30 ஆயிரமாகத்தான் இருந்தது. மணல் குவாரிகள் தொடர்ந்து மூடப்பட்டிருப்பதால்தான் இந்த நிலை ஏற்பட்டுள்ளது. எனவே இதற்கு தீர்வு காண வேண்டும்.

இதுதொடர்பாக தமிழக முதல்- அமைச்சருக்கு கோரிக்கை மனுக்களையும் அனுப்பியுள்ளோம். மணல் குவாரிகள் விரைவாக திறக்கப்பட்டால்தான் மணல் விலை குறையும். 45 ஆயிரம் மணல் குவாரி லாரி உரிமையாளர்களின் குடும்பத்தினரும் காப்பாற்றப்படுவார்கள்.

இவ்வாறு அவர் தெரிவித்தார்.

ஹர்ஷித் · ஹர்ஷித் Tue Nov 06, 2012 4:51 pm

மணல் குவாரி டெண்டர் அளிக்கும் பொது நடக்கும் உழல்கள் குறைக்கப்பட்டாலே மணல் விலை குறையும் வாய்ப்புள்ளது.டெண்டர் விலைக்கு சமமாக அதை பெறுவதற்கு அளிக்கப்படும் லஞ்சப்பனமும் உள்ளது.அதிக முதலீடு தேவைப்படும் வியாபாரம் என்பதால் பெரும்பாலும் அரசியம் வாதிகளும் அவர்களின் பினாமிகளுமே இத்தொழிலை செய்து வருகின்றனர்.
ஆக கேக்கவே வேணாம் அவர்கள் சொல்வதும் நிர்ணயிப்பதும் தான் விலை.
இன்னைக்கு நிலவரத்துக்கு வீடு கட்டனும்னா 15 லட்சம் கூட பத்தாது போல இருக்கு..,
அரசு தான் உரிய நடவடிக்கை எடுத்து மணல் விலையை குறைக்க ஆவன செய்ய வேண்டும்.

பாலாஜி · பாலாஜி Tue Nov 06, 2012 5:29 pm

நடுத்தர மக்களுக்கு வீடு கட்டுவது ஒரு கனவு போல ஆகிவிடும் போல அதிர்ச்சி

**ராஜா** · **ராஜா** Tue Nov 06, 2012 5:46 pm

அடக்கடவுளே......

அப்ப நான் கனவில் தான் வீடு கட்டமுடியும் போல........ சோகம்

Sponsored content · Sponsored content

சென்னையில் ஒரு லாரி மணல் விலை ரூ.60 ஆயிரமாக உயர்வு: 4 மாதத்தில் 2 மடங்கானது

சென்னையில் ஒரு லாரி மணல் விலை ரூ.60 ஆயிரமாக உயர்வு: 4 மாதத்தில் 2 மடங்கானது

Re: சென்னையில் ஒரு லாரி மணல் விலை ரூ.60 ஆயிரமாக உயர்வு: 4 மாதத்தில் 2 மடங்கானது

சென்னையில் ஒரு லாரி மணல் விலை ரூ.60 ஆயிரமாக உயர்வு: 4 மாதத்தில் 2 மடங்கானது

Re: சென்னையில் ஒரு லாரி மணல் விலை ரூ.60 ஆயிரமாக உயர்வு: 4 மாதத்தில் 2 மடங்கானது

Re: சென்னையில் ஒரு லாரி மணல் விலை ரூ.60 ஆயிரமாக உயர்வு: 4 மாதத்தில் 2 மடங்கானது

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக