வறுமையில் வாடித் தவித்த பாட்டி கோடீஸ்வரியான சம்பவம்!

அமெரிக்காவின் கலிபோர்னியா மாநிலத்தில் ஜூலி செர்வீரா (69). இவரது கணவன் இறந்த பின்பு தனது குழந்தைகளை வளர்க்க படாத பாடுபட்டார்.

ஓராண்டாக இவருக்கு சோதனை மேல் சோதனை. இவரது மகன் ரூடி (47) கடந்த ஆண்டு விபத்தில் இறந்துவிட்டதால் அவருடைய 4 டீன்ஏஜ் மகன்களையும் வளர்க்கும் பொறுப்பும் சேர்ந்து கொண்டது.

இந்நிலையில் ஜூலி பாட்டி.க்கு கடந்த 5 மாதமாக கடும் பண நெருக்கடி. கரன்ட் பில் கட்ட பணம் இல்லை. கேபிளுக்கு பணம் கொடுக்காததால், வயரை பிடுங்கி சென்றுவிட்டார்கள்.

ஆனால், அதிர்ஷ்ட தேவதை கடந்த மே மாதமே ஜூலி பாட்டியை கோடீஸ்வரியாக்கி விட்டது என்பதுதான் அவருக்கு தெரியவில்லை.

அது என்னவென்றால் இவ்வளவு கஷ்டத்திலும் ஐந்து மாதத்திற்கு முன்பு தனது மகளிடம் லொத்தரி சீட்டு வாங்கி வரச் செய்து, அதனை மறந்து காரிலே வைத்துவிட்டார்.

அந்த டிக்கெட்டுக்கு தான் முதல் பரிசு 23 மில்லியன் டாலர் (ரூ.123 கோடி) விழுந்திருந்தது. டிக்கெட் வாங்கியவர் 6 மாதத்துக்குள் (நவம்பர் 26,ம் தேதி) பரிசு தொகையை வாங்காவிட்டால் பரிசு தொகை முழுவதும் பள்ளி நலத்திட்டங்களுக்கு போய்விடும் என்பது விதிமுறை.

இதனால், லொத்தரி சீட்டு கடையின் கண்காணிப்பு கமெராவில் பதிவான உருவத்தை வைத்து, டிக்கெட் வாங்கியவரை லொத்தரி நிறுவன அதிகாரிகள் கடந்த 5 மாதமாக தேடினர்.

கமெராவில் பதிவான உருவத்தை அச்சிட்டு பல பகுதிகளிலும் போஸ்டர் ஒட்டியிருந்ததை அவருடைய இன்னொரு மகள் கடந்த வியாழனன்று பார்த்துவிட்டார்.

உடனடியாக லொத்தரி சீட்டை கண்டுபிடித்த பாட்டி அதிகாரிகளை சந்தித்து அந்தச் சீட்டை கொடுத்தார். ஆனந்த அதிர்ச்சியின் உச்சத்தில் இருந்த ஜூலி பாட்டி கூறுகையில், விபத்தில் இறந்த மகன் ரூடி மீண்டும் கிடைத்தால், இந்த பணம் முழுவதையும் கொடுத்து விடுவேன் என்று கூறி அழுதார்.

மேலும் ஜுலி பாட்டிக்கு மூன்று மகள்கள், 6 பேரக் குழந்தைகள் இருந்தும், மனநிலை பாதிக்கப்பட்ட 5 வயது மற்றும் 7 வயதுள்ள 2 ஆண் குழந்தைகளை தத்தெடுத்து வளர்த்து வருகிறார் ஜூலி. இவரின் நல்ல உள்ளத்தை அரட்டரி அதிகாரிகளும் பாராட்டி பரிசு தொகை வழங்கினர்.

நன்றி தமிழ் source

ஒரு ஏழைத் தாயின் துயரங்களுக்கு விடிவு பிறந்துள்ளது, இந்தப் பணத்தைக் கொண்டு தனித்து வாழும் தாய்மார்களுக்கு உதவி செய்வாரானால் மிகவும் மகிழ்ச்சியடைவேன்!

வறுமையின் வலி இந்த தாய்க்கு தெரியும் எனவே பிறருக்கும் உதவுவார் .....

மேலும் ஜுலி பாட்டிக்கு மூன்று மகள்கள், 6 பேரக் குழந்தைகள் இருந்தும், மனநிலை பாதிக்கப்பட்ட 5 வயது மற்றும் 7 வயதுள்ள 2 ஆண் குழந்தைகளை தத்தெடுத்து வளர்த்து வருகிறார் ஜூலி. இவரின் நல்ல உள்ளத்தை அரட்டரி அதிகாரிகளும் பாராட்டி பரிசு தொகை வழங்கினர்.

நிச்சயம் தர்மம் தலை காக்கும் தலைமுறையினரையும் காக்கும்.

//மேலும் ஜுலி பாட்டிக்கு மூன்று மகள்கள், 6 பேரக் குழந்தைகள் இருந்தும், மனநிலை பாதிக்கப்பட்ட 5 வயது மற்றும் 7 வயதுள்ள 2 ஆண் குழந்தைகளை தத்தெடுத்து வளர்த்து வருகிறார் ஜூலி. இவரின் நல்ல உள்ளத்தை அரட்டரி அதிகாரிகளும் பாராட்டி பரிசு தொகை வழங்கினர்.//

வறுமையிலும் செம்மை என்று இதைத்தான் சொல்வார்களோ ? சூப்பர் பாட்டி ! வளர்க அவரது தொண்டு

பட்டிக்கு கஷ்டத்திற்கு கிடைத்த பரிசு..!

பூவன் wrote:வறுமையின் வலி இந்த தாய்க்கு தெரியும் எனவே பிறருக்கும் உதவுவார் ....

நிச்சயமாக
நல்ல படிப்பினை பகிர்வுக்கு நன்றி