மதங்களை வைத்து மனிதர்களை பார்க்க மாட்டேன் - கமலஹாசன்

மதங்களை வைத்து மனிதர்களை பார்க்க மாட்டேன்: 'விஸ்வரூபம்' படவிழாவில் கமலஹாசன் பேட்டி

கமல் நடித்துள்ள ‘விஸ்வரூபம்’ படம் ‘ஆரோ 3டி’ ஒலி தொழில்நுட்பத்தில் தயாராகியுள்ளது. இதன் டிரெய்லர் வெளியீட்டு விழா சென்னை சத்யம் தியேட்டரில் நடந்தது. டிரெய்லரை வெளியிட்டு கமலஹாசன் நிருபர்களுக்கு பேட்டி அளித்தார். அவர் கூறியதாவது:-

‘விஸ்வரூபம்’ படத்தின் ‘ஆரோ 3டி’ டிரெய்லர் இன்று வெளியிடப்பட்டு உள்ளது. இசை வெளியீட்டு விழாவை முக்கிய நகரங்களில் இன்று நடத்த திட்டமிட்டோம். வானிலை சாதகமில்லாததால் தள்ளி வைக்கப்பட்டுள்ளது. ரசிகர்களை ஏமாற்றக் கூடாது என்பதற்காக 25 ஊர்களில் ‘விஸ்வரூபம்’ டிரெய்லரை ரசிகர்கள் காண்பதற்கு ஏற்பாடு செய்யப்பட்டு உள்ளது.

இங்கு ரீலிஸ் செய்த நேரத்தில் மற்ற ஊர்களில் 30 ஆயிரம் ரசிகர்கள் அரங்குகளில் அமர்ந்து இதை கண்டு இருப்பார்கள். ‘விஸ்வரூபம்’ ரிலீஸ் தேதி இன்னும் முடிவாகவில்லை. இந்தியிலும் படத்தை வெளியிடுகிறோம்.

இவ்வாறு அவர் கூறினார்.

மேலும் கமலிடம் கேட்கப்பட்ட கேள்விகளும் அதற்கு அவர் அளித்த பதில்களும் வருமாறு:-

கேள்வி:- ‘விஸ்வரூபம்’ இஸ்லாமிய தீவிரவாதத்துக்கு எதிரான படமா?

பதில்:- அப்படி நான் படம் எடுப்பேனா? இந்த படம் எந்த மதத்துக்கும் எதிரானது அல்லது. இந்தியாவில் எல்லோரும் ஒற்றுமையாக வாழ வேண்டும் எனபதே என் விருப்பம். நான் காந்தியின் பக்தன். இங்கு எந்த மதத்தினர் உட்கார்ந்து இருக்கிறார்கள் என்று பார்க்க மாட்டேன். மனிதர்களைத்தான் பார்க்கிறேன். மதங்களை கொண்டாடுவது இல்லை. மனிதர்களை கொண்டாடுகிறேன். எந்த மதத்தினரையும் வித்தியாசமாக பார்ப்பது இல்லை. இந்த படமும் அப்படித்தான் இருக்கும். காந்தீய வழியிலேயே எனது அணுகுமுறைகளும் இருக்கும்.

கே:- ‘விஸ்வரூபம்’ ஹாலிவுட் தரத்தில் இருப்பதால் அங்கு கொண்டு போவீர்களா?

ப:- அதற்கான முயற்சிகள் நடக்கிறது.

கே:- ஹாலிவுட் படத்தில் எப்போது நடிப்பீர்கள்?

ப:- ஹாலிவுட் படத்துக்கான கதையை என்னையே எழுத சொல்லி உள்ளனர். கதை எழுதி வைத்துள்ளேன். அதை செதுக்க வேண்டும். அதன்பிறகு நடிப்பேன்.

இவ்வாறு கமலஹாசன் கூறினார்.

முன்னதாக வெளியிடப்பட்ட ‘ஆரோ 3டி’ ஒலி தொழில்நுட்ப டிரெய்லரின் ‘சவுண்ட் சிஸ்டம்’ தியேட்டரில் இருந்தவர்களை வெகுவாக கவர்ந்தது. அனைவரும் கைதட்டி பாராட்டினர்.

நன்றி பகிர்வுக்கு.. இப்போ வரும் அப்போ வரும்ன்னு ஓவரா பில்ட்அப் காட்டிட்டு ஒண்ணுமில்லாம போகாம இருந்தா சரி தான்

ஒரு வழியா நல்லா வந்தா சரி