ஊனம் என்பது வாழ்வின் முடிவல்ல

இறைவன் படைப்புக்கள் பலவிதம். உடல் ஊனமாகப் பிறந்தவர்களை இறைவன் புறந்தள்ளி விட்டான் என்றோ அவர்களைப் பழிவாங்க இந்த ஊனத்தை அளித்தான் என்றோ கருதுவது பெரும் தவறாகும். இறைவன் ஒவ்வொருவருக்கும் ஒவ்வொரு உருவத்தைக் கொடுத்து சோதனை செய்கின்றான் என்பதே பொருத்தமானதாகும்.

உடல் ஊனம் உள்ளவர்கள் மனஊனம் அற்று நல்லவர்களாக, வல்லவர்களாக இருப்பதையும் உடல் ஊனம் அற்றவர்கள் மன ஊனம் பெற்று கொடியவர்களாக, தீயவர்களாக மற்றவர்களுக்கு கேடு செய்பவர்களாக இருப்பதுடன் அவர்களும் அல்லல்பட்டு அலைவதையும் நாம் பார்க்கின்றோம்.

உடல் ஊனம் உள்ளவர்கள் பலதுறைகளில் சிறந்து விளங்கி விற்பன்னர்களாக, ஆசிரியர்களாக, சிற்பக்கலைஞர்களாக, எழுத்தோவியர்களாக, பட வரைஞர்களாக மிளிர்வதை நாம் இன்றும் காணலாம். எமது அண்டை நாடான இந்தியாவில் நாக்பூர் என்னும் ஊரில் உலகிலேயே மிகக்குள்ளமான ஜோதி ஆம் கேத் என்பவர் விளங்குகிறார்.

இவர் உலகிலே மிகக் குள்ளமான பெண்ணாக கின்னஸ்சாதனைப் புத்தகத்தில் இடம்பெற்றிருக்கின்றார். தனது 15 ஆவது வயதில் 59, 69 சென்ரி மீற்றர் உயரமும் 15.25 கி.கிராம் நிறையும் உடைய பெண்ணாகவும் உள்ளார். இனிமேல் இவருக்கு வளர்ச்சி இல்லை என வைத்தியர்கள் கூறியுள்ள நிலையிலும் கற்றலில் சிறந்து விளங்கி எதிர்காலத்தை எதிர்கொள்ள இருக்கிறார்.

வட இந்தியாவில் பிறப்பிலேயே இரு கைகளையும் இழந்த பெண் ஒருவர் தனது காலால் எழுதியும் ஆடைகளை சவர்க்காரம் இட்டு சலவை செய்தும், காலால் பாத்திரத்தில் உள்ள நீரை எடுத்து நீராடுவதையும் தொலைக்காட்சியில் நாம் பார்க்கக் கூடியதாக இருந்ததை அறிவோம். இவரின் மன உறுதியையும், ஆர்வத்தையும், மன எழுச்சியையும் என்னவென்று சொல்வது.

உயரம் 21.5 அங்குலம் உலகில் மிகக் குள்ளமான ஆணான நேபாள நாட்டைச்சேர்ந்த சந்திரடாங்கே 2013 செப்ரெம்பர் மாதம் லண்டனில் வெளியிடப்படவுள்ள கின்னஸ் சாதனைப் புத்தகத்தில் இடம்பெற பங்கேற்கவுள்ளதாகப் பத்திரிகைகள் அறியத் தருகின்றன.

போர் நடைபெற்ற பகுதிகளில் உள்ள மாற்றுத்திறனாளிகள் ஊனமுற்றவர்கள் ஒடுங்கிய மன நிலையில் மூலையில் ஒதுங்கி இராமல் துடிப்போடு சிற்ரிங்வொலிபோல் என்ற இருந்தபடியே விளையாடுகின்ற கரப்பந்தாட்டத்தில் கலந்து கொள்ள உள்ளார்கள்.

ஆசிய பிராந்திய பராஒலிம்பிக் போட்டியில் பங்கெடுக்க வேண்டும் என்ற நோக்கத்தில் இலங்கை சிற்ரிங்வொலிபோல் உட்பட கரப்பந்தாட்ட சம்மேளனத்தின் விளையாட்டுத்துறை பயிற்சியாளர் கொப்ரல் ஜெயசிங்க அவர்களிடம் பயிற்சி பெறுவதாக பத்திரிகைகள் கூறுகின்றன.

உடல் ஊனம் என்பது இயற்கை அவர்களுக்கு அளித்திருக்கும் ஓர் அவதாரம். ஆனால் அவர்கள் மன வலிமையோடு, மன எழுச்சியோடு செயற்பட்டு மன ஊனம் அற்றவர்களாக வாழ்வில் மிளிர்வதைக் கொண்டு உடல் ஊனம் என்பது வாழ்வின் முடிவல்ல என அறுதியிட்டுக் கூறலாம்.

உடல் ஊனம் உள்ளவர்களை மாற்றுத் திறனாளிகளை மனிதநேயம் கொண்ட சமுதாயம் மதிக்க வேண்டும். அரவணைக்கவேண்டும். உடல் ஊனம் என்பது வாழ்வின் முடிவல்ல என்பது வெளிப்படையாகும்.
நன்றி உதயன்

சிறந்த பதிவு. பல நேரங்களில் சாதாரண மனிதர்களை விட மாற்றுத்திரனாளிகளுக்கே அதிக திறமைகள் இருப்பது மறுக்க முடியாத ஒன்று

கரூர் கவியன்பன் wrote:சிறந்த பதிவு. பல நேரங்களில் சாதாரண மனிதர்களை விட மாற்றுத்திரனாளிகளுக்கே அதிக திறமைகள் இருப்பது மறுக்க முடியாத ஒன்று

சில நேரங்களில் இல்லை கவி எப்போதும் அவங்களுக்கு எதாவது ஒரு திறமை மிகுந்து காணப்படும் .....

உண்மைதான் பூவன் , நான் பல நேரங்களில் பார்த்து வியந்தது உண்டு

நல்ல பதிவு...பகிர்வுக்கு நன்றி...

ஊனம் மனதில் உள்ளது..உடலில் அல்ல..

நல்லதொரு பதிவு.
ஊனம் என்பது உடல் குறைபாடுகள் அல்ல, மனதின் குறைபாடுகளே அன்றி வேறில்லை.