ஆசிரியரும் ஒரு மாணவரே

by ச. சந்திரசேகரன் Sat Nov 03, 2012 3:13 am

ஆசிரியரும் ஒரு மாணவரே
(1982 -இல் "ஆசிரியர் தினவிழா" அன்று தமிழகத்தின் அனைத்து அரசினர் மேல்நிலைப் பள்ளிகளின் +2 மாணவர்களுக்கென பொதுவாக நடந்த "கட்டுரைப் போட்டி" யில் முதல் பரிசு பெற்ற கட்டுரை. அன்றைய அறநிலையத் துறை அமைச்சர் மாண்புமிகு ஆர்.எம்.வீரப்பன் தலைமையில் நடந்த "கட்டுரைப் போட்டி".
போட்டியின் தலைப்பு "ஆசிரியரும் ஒரு மாணவரே" )

முன்னுரை :-

"தோன்றிற் புகழோடு தோன்றுக - அக்திலார்
தோன்றலின் தோன்றாமை நன்று".
என்ற வள்ளுவரின் வாய்மொழிக்கேற்ப மாணவர்களால் புகழப்படக்கூடிய ஒரு அற்புதப் பதவி "ஆசிரியர் பதவி. அப்படிப்பட்ட ஆசிரியர் பதவியில் உள்ள ஒவ்வொரு ஆசிரியரும் தானும் கடந்த காலங்களில் ஒரு மாணவர்தான் என மனதில் கொண்டு தன் ஒவ்வொரு செயலையும் செய்ய வேண்டும்.

எதிர்ப்பார்ப்பு:-

ஒவ்வொரு மாணவரும் ஆசிரியரிடம் எவ்வாறு நடந்துகொள்ள வேண்டும் எனில்,
1 . பிற்காலத்தில் தான் ஆசிரியராக ஆகும்பட்சத்தில் தனக்கு ஒரு மாணவர் எப்படி மதிப்பு கொடுக்க வேண்டும் என நினைக்கிறாரோ, அதை மனதில் வைத்து ஆசிரியரிடம் மரியாதையாகவும் பண்போடும் நடந்து கொள்ள வேண்டும்.
அதுபோலவே,
ஒவ்வொரு ஆசிரியரும் மாணவர்களுக்கு கல்வி புகட்டுகையில்,
1 . தான் மாணவராக இருந்த காலங்களில் தன் சில ஆசிரியர்கள் சரியாக பாடம் நடத்தாததினாலும்
2 . சரியாக வகுப்புக்கே வராமல் இருந்ததாலும்,
3 . வந்தாலும் பாடம் நடத்தாமல் வெறுமனே பொழுதை கழித்ததாலும்,
4 . பாடம் நடத்தினாலும் குறிப்பிட்ட காலகட்டத்திற்குள் பாடங்களை முடிக்காததாலும்,
5 . மாணவர்களை தன் சொந்த வேலைகளைச் செய்யப் பயன்படுத்திக் கொண்டதாலும்
தான் பட்ட துயரங்களை எண்ணிப்பார்க்க வேண்டும்.
அதன்படி, மேற்கூறியவாறு நடந்துகொள்ளாமல் ஒரு நல்லாசிரியராக நடந்துகொள்ள வேண்டும்.

மாணவ மனநிலையில் ஆசிரியர் :-

ஒவ்வொரு ஆசிரியரும் தனக்குத் தெரியாத விடயங்களில் மாணவராகிறார். அவ்வாறு மாணவ மனநிலையில் இருந்தாலே, தெரியாததைக் கற்கும் எண்ணம் வரும். தான் ஒரு ஆசிரியர் எனவே தனக்கு எல்லாம் தெரியும் என்ற மனநிலை இருப்பின், கல்லாததை கற்கும் எண்ணம் வாரா.

"கற்றது கைமண்ணளவு,
கல்லாதது உலகளவு"
என்ற பொன்மொழிக்கேற்ப ஒவ்வொரு ஆசிரியரும் தான் கற்றது குறைவு தான், இன்னும் கற்க வேண்டியது இந்தப் பாரளவு உள்ளது என மனதில் கொண்டு வகுப்பில் பாடம் நடத்துகையில், அவர் மாணவனின் கருத்துகளுக்கும் மதிப்பளிப்பார். அந்த கருத்துகளில் தான் கண்ட புதுமையை ஏற்று, தானும் கற்றுத் தெளிவடைவார்.

புதிய சமுதாயம் படைப்பவர் :-

வருங்கால சமுதாயத்தை படைக்கும் உன்னதமான பதவி ஆசிரியர் பதவியாகும். எவ்வாறெனில்,
இன்றைய இளைஞ்சர்கள், நாளைய தலைவர்கள். எனவே இன்றைய மாணவர்களை பண்பானவர்களாக உருவாக்கக்கூடிய உன்னத பொறுப்பு ஆசிரியர்களுக்கு உள்ளது. எனவே, ஒவ்வொரு ஆசிரியரும் இதை மனதில் வைத்து மாணவர்களுக்கு கல்வி புகட்ட வேண்டும்.

உதவி :-

"ஆசிரியர் மாணாக்கருக்காற்றும் உதவி - அவைதனில்
முந்தி யிருப்பச் செயல்"
என்ற புதுக்குரளுக்கேற்ப, ஒவ்வொரு ஆசிரியரும் மாணவருக்கு ஆற்றும் மகத்தான உதவி யாதெனில் "தன் மாணவனை அவைதனில் முதன்மையானவனாக விளங்கச்செய்வதே ஆகும்.

அதுபோல்,

"மாணவன் ஆசிரியர்க்காற்றும் உதவி - இவனாசான்
என்நோற்றான் கொல் எனுஞ் சொல்"
என்பதற்கிணங்க ஒவ்வொரு மாணவரும் ஆசிரியர்க்கு காட்டும் நன்றி யாதெனில், "இப்படிப்பட்ட மாணவனைப் பெற இவனுடைய ஆசிரியர் என்ன தவம் செய்தாரோ? என உலகமே போற்றும்படியாக நடந்துகொள்ள வேண்டும்.

முடிவுரை :-

இவ்வாறாக, ஆசிரியர் பணி அறப்பணி என்பதை உணர்ந்து ஒவ்வரும் ஆசிரியரும் தன்னலம் பாராது கல்வி புகட்ட வேண்டும். மாணவரும் இந்நிலை உணர்ந்து பாடம் பயில வேண்டும்.

by ஹர்ஷித் Sat Nov 03, 2012 3:24 am

புதிய குறளுடன் கூடிய கட்டுரை மிக அருமையாக இருக்கின்றது.பரிசு பெற்ற மாணவனின் பெயரும் பள்ளியின் பெயரும் குறிப்பிட்டிருந்தால் இன்னும் சிறப்பாக இருந்திருக்கும்

by **கே. பாலா** Sat Nov 03, 2012 8:43 am

நல்ல பதிவு ....மிக்க நன்றி

by ச. சந்திரசேகரன் Sat Nov 03, 2012 9:32 am

ஜேன் செல்வகுமார் wrote:புதிய குறளுடன் கூடிய கட்டுரை மிக அருமையாக இருக்கின்றது.பரிசு பெற்ற மாணவனின் பெயரும் பள்ளியின் பெயரும் குறிப்பிட்டிருந்தால் இன்னும் சிறப்பாக இருந்திருக்கும்

மாணவனின் பெயர்:ச. சந்திரசேகரன்
பள்ளியின் பெயர்:அரசினர் மேல்நிலைப் பள்ளி, கோடம்பாக்கம், சென்னை.

தங்கள் பாராட்டுகளுக்கு நன்றிகள்.

by ஹர்ஷித் Sat Nov 03, 2012 9:38 am

ச. சந்திரசேகரன் wrote:
ஜேன் செல்வகுமார் wrote:புதிய குறளுடன் கூடிய கட்டுரை மிக அருமையாக இருக்கின்றது.பரிசு பெற்ற மாணவனின் பெயரும் பள்ளியின் பெயரும் குறிப்பிட்டிருந்தால் இன்னும் சிறப்பாக இருந்திருக்கும்
மாணவனின் பெயர்:ச. சந்திரசேகரன்
பள்ளியின் பெயர்:அரசினர் மேல்நிலைப் பள்ளி, கோடம்பாக்கம், சென்னை.

தங்கள் பாராட்டுகளுக்கு நன்றிகள்.

உடனடியாக பதிலளித்ததர்க்கு நன்றிகள்.அம்மாணவனுக்கும் பாராட்டுகள்.

by ச. சந்திரசேகரன் Sat Nov 03, 2012 3:39 pm

ஜேன் செல்வகுமார் wrote:
ச. சந்திரசேகரன் wrote:
ஜேன் செல்வகுமார் wrote:புதிய குறளுடன் கூடிய கட்டுரை மிக அருமையாக இருக்கின்றது.பரிசு பெற்ற மாணவனின் பெயரும் பள்ளியின் பெயரும் குறிப்பிட்டிருந்தால் இன்னும் சிறப்பாக இருந்திருக்கும்
மாணவனின் பெயர்:ச. சந்திரசேகரன்
பள்ளியின் பெயர்:அரசினர் மேல்நிலைப் பள்ளி, கோடம்பாக்கம், சென்னை.

தங்கள் பாராட்டுகளுக்கு நன்றிகள்.

உடனடியாக பதிலளித்ததர்க்கு நன்றிகள்.அம்மாணவனுக்கும் பாராட்டுகள்.

அடியேனை நேரடியாகப் பாராடக்கூடாதா?

by **ராஜா** Sat Nov 03, 2012 4:00 pm

பாராட்டுக்கள் ஐயா ,

ச. சந்திரசேகரன் wrote:
ஜேன் செல்வகுமார் wrote:உடனடியாக பதிலளித்ததர்க்கு நன்றிகள்.அம்மாணவனுக்கும் பாராட்டுகள்.
அடியேனை நேரடியாகப் பாராடக்கூடாதா?

சபாஷ் சரியான போட்டி புன்னகை

by **சிவா** Sun Nov 04, 2012 9:00 am

ச. சந்திரசேகரன் wrote:
ஜேன் செல்வகுமார் wrote:புதிய குறளுடன் கூடிய கட்டுரை மிக அருமையாக இருக்கின்றது.பரிசு பெற்ற மாணவனின் பெயரும் பள்ளியின் பெயரும் குறிப்பிட்டிருந்தால் இன்னும் சிறப்பாக இருந்திருக்கும்
மாணவனின் பெயர்:ச. சந்திரசேகரன்
பள்ளியின் பெயர்:அரசினர் மேல்நிலைப் பள்ளி, கோடம்பாக்கம், சென்னை.

தங்கள் பாராட்டுகளுக்கு நன்றிகள்.

பாராட்டுக்கள் திரு.ச.சந்திரசேகரன்.

by ச. சந்திரசேகரன் Sun Nov 04, 2012 1:40 pm

சிவா wrote:
ச. சந்திரசேகரன் wrote:
ஜேன் செல்வகுமார் wrote:புதிய குறளுடன் கூடிய கட்டுரை மிக அருமையாக இருக்கின்றது.பரிசு பெற்ற மாணவனின் பெயரும் பள்ளியின் பெயரும் குறிப்பிட்டிருந்தால் இன்னும் சிறப்பாக இருந்திருக்கும்
மாணவனின் பெயர்:ச. சந்திரசேகரன்
பள்ளியின் பெயர்:அரசினர் மேல்நிலைப் பள்ளி, கோடம்பாக்கம், சென்னை.

தங்கள் பாராட்டுகளுக்கு நன்றிகள்.

பாராட்டுக்கள் திரு.ச.சந்திரசேகரன்.

தங்கள் பாராட்டுகளுக்கு மிக்க நன்றிகள் ஐயா.