இறைவனை துதித்து அந்தாதி நூறு – நாகசுந்தரம்

by **நாகசுந்தரம்** Thu Nov 01, 2012 5:07 pm

First topic message reminder :

பொது

எளிமையான இறைவனாம் எந்தனுக்கு சொந்தமாம்
களிப்பெய்தும் கடவுளாம் கார்த்திகேயன் முதல்வனாம்
விளித்தபோது வந்துமே வினைவேறாய் அறுப்பனாம்
அளிப்பதில் ஆண்டவன் அருளுவதில் மன்னனாம்
களிறுஎன்னை காப்பதை கருத்தாக கொள்ளுமே (1)

by **நாகசுந்தரம்** Mon Nov 05, 2012 6:16 pm

இலக்குமி பற்றி

தந்தவரே அறிவராம் தாயவளின் தன்மையை
அந்தகனும் அஞ்சுவான் அறியபொருள் அதனாலே
எந்தமனமும் விரும்பிடும் அந்தஇறைவி அவளையே
சொந்தபந்தம் எல்லாமும் சுகமாய் வைத்திடுவாயே
விந்தையான உந்தனை விவேகத்தால் அறிவோமே (81)

by **நாகசுந்தரம்** Mon Nov 05, 2012 6:17 pm

மேதினியில் வாழ்வதற்கு மிக்கபொருள் வேண்டுமே
ஆதரவாய் அதையளிக்கும் அறியஇறை அவளன்றோ
போதுமென்ற மனம்வராமல் பார்ப்பதிந்த பொருளையே
வாதுசெய்ய வந்தோரையும் வழியனுப்பி வைக்குமே
சாதுசனம் இவர்களையும் சாயவைக்கும் பொருளதே (82)

by **நாகசுந்தரம்** Mon Nov 05, 2012 6:17 pm

பொருளதே அவள்வடிவம் பொங்கும் ஞானம்வேறதோ
அருளும் பொருளும் அனைத்துமிங்கே ஒன்றுதான்
கருப்பொருளை அறிவதே கடவுளின் காட்சியாம்
திருமகளாய் வருகையிலே துன்பமெலாம் தீருமே
விருவிருப்பாய் ஆகிடும் வாழ்க்கைஅவள் அருளினால் (83)

by **நாகசுந்தரம்** Mon Nov 05, 2012 6:17 pm

ஆல்போல் தழைத்துவாழ் ஆன்றோரும் வாழ்த்துவர்
நூல்எழுதி நின்றாலும் விலைஅதற்கு வைப்பரே
கால்பணம் என்றாலும் கால்கடுக்க நிற்பரே
மாலவரின் மங்கையாம் மனிதரை மயக்குமே
தூலமாக அறியலாம் திருமகளின் தன்மையை (84)

by **நாகசுந்தரம்** Mon Nov 05, 2012 6:18 pm

ஐந்துபத்து என்று கணக்கு அகிலத்தில் போடுவார்
நைந்துபோன உடலெரிக்க நாலுபணம் கேட்பரே
பைந்தமிழில் பாடினால் பொருளதை அளிப்பரே
விந்தைதான் உலகிதில் வேறாய்பணத்தை நினைப்பதே
சிந்தையிலே கொள்வமே சீர்மகளின் சிறப்பையே (85)

by **நாகசுந்தரம்** Mon Nov 05, 2012 6:18 pm

ஏதுமில்லை என்றுசொன்னால் எவரும் மதிப்பதில்லையே
வாதுமில்லை சூதுமில்லை செல்வம் இல்லாதிருந்திட்டால்
போதுமில்லை மனிதருக்கு பொருள்தன்னை அறியவே
ஆதவனும் உதிப்பது அவளருளால் என்றுமே
காதில்மணி தரித்தவள் காப்பாய் கடவுளாகியே (86)

by **நாகசுந்தரம்** Mon Nov 05, 2012 6:19 pm

ஆகிவந்த பொருளவள் அவனியை ஆள்பவள்
ஏகிடலாம் பெருமையை அவளது அருளினால்
ஊகித்து அறிந்திடு உற்றவளின் உண்மையை
வாக்கிலும் மனதிலும் உலகிலும் உறைவது
ஏக்கமும் அகன்றிடும் இலக்குமியின் அருளினால் (87)

by **நாகசுந்தரம்** Mon Nov 05, 2012 6:19 pm

நாலான வேதமும் நவிலுகின்ற பொருளவள்
பாலிலும் பருப்பிலும் புகுந்துநிற்கும் ருசியவள்
உலகிலே உயர்வினை உதவியாய் செய்பவள்
கலகம் வரவைத்தாலும் கலக்கத்தினை அகற்றுவாள்
நிலவினோடு பிறந்தவள் பாற்கடலில் பிறந்தவள் (88)

by **நாகசுந்தரம்** Mon Nov 05, 2012 6:19 pm

தவளம் போன்ற மேனியள் திருமகள்
கவளம் கிடைக்க வைப்பவள் கருப்பொருள்
உவந்திடுமே உலகமும் உயன்றவள் உண்மையள்
சிவந்திடுமே கைகளும் சீலமாக ஈன்றவள்
தவத்தினால் அடைபவள் தாயாக இருப்பவள் (89)

by **நாகசுந்தரம்** Mon Nov 05, 2012 6:19 pm

இருப்பவள் இன்மையில் மறுமைக்கு மலரவள்
அருள்வதில் ஆண்டவள் அவனிக்கு அணியவள்
திருமாலின் துணையவள் தீமைதனை கொல்பவள்
பெருமைமிக பெற்றவள் புயலாக வருபவள்
அருமையினை பகன்றிட்டேன் அருளினை தருபவள் (90)