இறைவனை துதித்து அந்தாதி நூறு – நாகசுந்தரம்

by **நாகசுந்தரம்** Thu Nov 01, 2012 5:07 pm

First topic message reminder :

பொது

எளிமையான இறைவனாம் எந்தனுக்கு சொந்தமாம்
களிப்பெய்தும் கடவுளாம் கார்த்திகேயன் முதல்வனாம்
விளித்தபோது வந்துமே வினைவேறாய் அறுப்பனாம்
அளிப்பதில் ஆண்டவன் அருளுவதில் மன்னனாம்
களிறுஎன்னை காப்பதை கருத்தாக கொள்ளுமே (1)

by **நாகசுந்தரம்** Mon Nov 05, 2012 12:25 pm

முருகனைப் பற்றி

ஆற்றுப்படை கொண்ட ஆண்டவனே அருளாளா
தேற்றிடுவாய் எம்மையே திருநோக்கால் தூயவனே
சாற்றிட்டோம் பாமாலை சகத்தினிலே தோன்றிடுவாய்
மாற்றிடுவாய் மனமதனை மங்களாமாய் மலர்பவனே
ஆற்றில் அவதரித்த அன்புடைய குமரோனே (41)

by **நாகசுந்தரம்** Mon Nov 05, 2012 12:26 pm

குமரோனே சேவல் கொடியோனே கொற்றவனே
அமரா பட்டினத்தை அமரர்க்கு அளித்தவனே
குமரா எனக்கூற கூற்றுவனை கடிந்தவனே
தமதென்ற எண்ணத்தை தகர்க்கும் தன்மையனே
சமராம் எந்தனம்மனம் சீலமாய் செய்திடுவாய் (42)

by **நாகசுந்தரம்** Mon Nov 05, 2012 12:26 pm

வாய்ஆறு வீரமிகு தோள்ஆறு தூயவனே
நோய்வாது போக்கடிக்கும் நல்லசிவன் மைந்தனே
பேய்குணத்தை விரட்டியே பக்குவமாய் செய்திடு
வேய்கொண்ட குன்றத்திலே வசிக்கின்ற வீரனே
தாயாகி வந்தெம்மை தடுத்தாட் கொண்டிடுவாய் (43)

by **நாகசுந்தரம்** Mon Nov 05, 2012 12:26 pm

கொண்டிடுவாய் கரங்கள் பனிரெண்டு காத்திடவே
ஆண்டிடுவாய் அரசனாக அமரருக்கு அகிலத்தில்
விண்டுரைக்க போதுமோ உன்புகழை எம்வாயால்
தண்டபாணி தெய்வமே தத்துவத்தை தானளிப்பாய்
அண்டியவர் ஆட்கொள்ளும் அன்புமிக்க அரசனே (44)

by **நாகசுந்தரம்** Mon Nov 05, 2012 12:26 pm

சனிமுதலாம் சீர்கோள்கள் வினையறுக்கும் வித்தகனே
பனிமூண்ட மலைவாழும் மன்னவனின் மகன்நீயே
தனியாக நிற்கின்ற தூயவனே திருமகனே
கனிக்காக குவலயத்தை வலம்வந்த கொற்றவனே
இனிபோதும் இத்துன்பம் எம்முன்னே வந்துவிடு (45)

by **நாகசுந்தரம்** Mon Nov 05, 2012 1:44 pm

விடுதலை செய்தாயே வரம்தரும் பிரம்மனையே
படுத்திய அசுரர்தமை போரதனில் வென்றாயே
அடுத்திடும் துன்பமெனில் ஆண்டவனே பணிந்திடுவோம்
கடுத்திடும கன்மநோயை கைத்தடியால் கொல்பவனே
சடுதியிலே வந்தேநீ சாத்திரத்தை உணரவைப்பாய் (46)

by **நாகசுந்தரம்** Mon Nov 05, 2012 1:44 pm

உணரவைத்த உண்மையினை உள்ளத்திலே கொள்வோமே
திணரவைத்தான் தீமையினை திருமுருகன் பணிவோமே
அனலினிலே அவதரித்தோன் அண்மையிலே வருவோமே
சினமதனை கொண்டு அசுரர்தனை அழித்தவனை
மனமதனில் கொண்டுமே மண்ணிதிலே வாழ்வோமே (47)

by **நாகசுந்தரம்** Mon Nov 05, 2012 1:45 pm

வாழ்வோமே வயலோனை வாழ்த்தியே வாழ்க்கையினை
ஊழ்வினையை அழித்திடுவான் உத்தமனாம் குமரனவன்
பாழ்மனமே பணிந்துவிடு புலவரவர் புகழ்வோனை
காழ்புணர்ச்சி அழித்துவிடு கந்தனவன் கருணையினால்
ஏழான நம்பிறவி எடுத்திடுவோம் முடிந்திடுமே (48)

by **நாகசுந்தரம்** Mon Nov 05, 2012 1:45 pm

மேலோர் பணிகின்ற முருகனே முதல்வனே
நூலோர் இயற்றிடுவார் நும்புகழ் தன்கவியில்
வேலாயுதம் தரித்தோய் வேடுவ மறுமகனே
நாலாம் நல்வேதம் நவிலுகின்ற நாயகனே
பாலும் பழமளித்தோம் பாக்கள் தருவாயே (49)

by **நாகசுந்தரம்** Mon Nov 05, 2012 1:45 pm

ஏக்கம் தவிர்த்தோனே ஏகாந்தம் இருப்போனே
தாக்கியே பகைவரை தொடர்ந்து அழிப்போனே
போக்கியே விடுவாயே போகாத எம்வினையை
சூக்குமப் போருள்நீயே சுந்தர முகத்தோனே
ஊக்கம் தந்திடுவாய் உன்பதம் தரிசித்தோம் (50)