இறைவனை துதித்து அந்தாதி நூறு – நாகசுந்தரம்

by **நாகசுந்தரம்** Thu Nov 01, 2012 5:07 pm

First topic message reminder :

பொது

எளிமையான இறைவனாம் எந்தனுக்கு சொந்தமாம்
களிப்பெய்தும் கடவுளாம் கார்த்திகேயன் முதல்வனாம்
விளித்தபோது வந்துமே வினைவேறாய் அறுப்பனாம்
அளிப்பதில் ஆண்டவன் அருளுவதில் மன்னனாம்
களிறுஎன்னை காப்பதை கருத்தாக கொள்ளுமே (1)

by **நாகசுந்தரம்** Fri Nov 02, 2012 3:18 pm

சிவனைப்பற்றி

மேதினியில் மேலவன் முகமைந்து கொண்டவன்
ஆதவனாய் ஒளிர்பவன் அக்கினியாய் அசைபவன்
பூதகணம் சூழ்ந்தவன் புவியினையே அழிப்பவன்
பேதமையை போக்கியே பெரும்குருவாய் வருபவன்
நாதபிந்து கலையதுவாய் நடுவீட்டில் உள்ளவன் (21)

by **நாகசுந்தரம்** Sat Nov 03, 2012 7:30 pm

உள்ளதனை உள்ளபடி உள்ளத்தில் உணருவோம்
கள்ளமில்லா உள்ளம்கொண்டு கடவுளவர் காணுவோம்
தள்ளாத போதுமிங்கே தயவுடனே போற்றுவோம்
பள்ளத்தினில் வீழாமல் பக்கமவர் சேருவோம்
அள்ளள்ள குறையாமல் அவரருளை அண்டுவோம் (௨௨)

by **நாகசுந்தரம்** Sat Nov 03, 2012 7:32 pm

ஓமென்ற மந்திரத்தில் ஊடாடி நிற்பவன்
தானென்ற தனிமையில் திருவாக திகழ்பவன்
கூனை நிமிர்த்துகின்ற கருத்ததனை கொண்டவன்
வானென்ற வெளியிலே ஒளியாக ஒளிர்பவன்
கனன்றுநிற்கும் தீயினை கையிலே கொண்டவன் (23)

by **நாகசுந்தரம்** Sat Nov 03, 2012 7:34 pm

வனப்புமிக கொண்டுமே வேடம்தன்னை புனைந்தனை
தனக்கினை இன்றியே தரணியிலே திகழ்ந்தனை
மனதுக்கினிய மந்திரத்தை மேனியாக தரித்தனை
அனைவராலும் அன்புடன் அழைத்திட வருவையே
உன்னையே பணிந்திட்டேன் உன்னருள் தருவையே (24)

by **நாகசுந்தரம்** Sat Nov 03, 2012 7:36 pm

வையகம் படைத்தனை வேந்தனாய் காத்தனை
தையலை தலையிலே தோதாக வைத்தனை
ஐயம்தனை நீக்கியே அறிவுதனை தந்தனை
உய்யும்வழி உணர்த்தினை ஓங்கார பொருளினை
பெய்திடும் அருளினை பேராக கொண்டனை (25)

by **நாகசுந்தரம்** Sat Nov 03, 2012 7:40 pm

கொண்டனை பாதியாய் கொற்றவள் அன்னையை
தண்டனை தருவையே தவறினை செய்திட்டால்
மண்டையில் நீரினை மங்கையாய் தரித்தனை
உண்டனை விடத்தினை உலகினை காத்தனை
குண்டனை வைகையை குடித்திட செய்தனை (26)

by **நாகசுந்தரம்** Sat Nov 03, 2012 7:43 pm

செய்தனை மனமதை செம்மையாய் சீர்பெற
மெய்தனில் சாம்பலை மேவிட நிறைத்தனை
பொய்மையில் வாழ்ந்திடும் பொய்யனை காத்தனை
உய்ந்திட உரைத்திடு உன்னையே நம்பினோம்
ஐயனே அருளிடு அன்னையாய் துதித்தனம் (27)

by **நாகசுந்தரம்** Sat Nov 03, 2012 7:45 pm

தனத்தினை தந்திடும் தெய்வம்நீ என்பரே
தினம்தினம் துதித்தனம் தூய்மையின் சிகரம்நீ
இனமது எமக்கிங்கே ஏற்றுநீ உகந்தனை
கனத்திடும் மனம்தனை குளிர்த்திடும் குன்றம்நீ
வனத்தினில் தவம்செயும் முனிவரின் மனமும்நீ (28)

by **நாகசுந்தரம்** Sat Nov 03, 2012 7:47 pm

முன்னியே உந்தனை மேதினி மறந்தனம்
சென்னியில் கங்கையை தரித்தனை போற்றினோம்
வன்னியில் மகிழுகின்ற கணபதியின் தந்தையே
இன்னமும் தாமதம் எமக்கருள ஏனைய்யா
அன்னையாய் வந்திடு அருளினை தந்திடு (29)

by **நாகசுந்தரம்** Sat Nov 03, 2012 7:49 pm

திடமெனக் கருளிடு தீந்தமிழ் தந்திடு
கடவுளே போற்றினோம் கடமையை உணர்ந்தனம்
சுடலையில் இருப்போனே சுந்தர வடிவினாய்
தடமெது என்பதை தாயாய் வந்தருளிடு
சுடுகின்ற வெய்யிலும் சுற்றமும் மறந்தனம் (30)