இறைவனை துதித்து அந்தாதி நூறு – நாகசுந்தரம்

by **நாகசுந்தரம்** Thu Nov 01, 2012 5:07 pm

First topic message reminder :

பொது

எளிமையான இறைவனாம் எந்தனுக்கு சொந்தமாம்
களிப்பெய்தும் கடவுளாம் கார்த்திகேயன் முதல்வனாம்
விளித்தபோது வந்துமே வினைவேறாய் அறுப்பனாம்
அளிப்பதில் ஆண்டவன் அருளுவதில் மன்னனாம்
களிறுஎன்னை காப்பதை கருத்தாக கொள்ளுமே (1)

by **நாகசுந்தரம்** Fri Nov 02, 2012 12:45 pm

சக்தியை பற்றி

இலைஎன்று சொல்லாத இனியவள் சக்தியே
மலைமகள் என்றபெயர் மாதாவுக்கு உள்ளதாம்
உலையினில் உணவுபோல் உயிரினை காப்பவள்
கலைமகள் என்றிடுவார் கவிக்கவள் அரசியாம்
நிலையாக நின்றிட நமக்கருள் செய்பவள் (11)

by **நாகசுந்தரம்** Fri Nov 02, 2012 12:46 pm

வள்ளுவன் குறள்மூலம் வாசித்த பரம்பொருள்
கள்ளமில்லா கம்பனவன் காட்டிய பரம்பொருள்
பள்ளத்தில் விழுவோரை எழுப்பிடும் இறைபொருள்
துள்ளிவரும் கவிதையில் தாவிநிற்கும் பரம்பொருள்
தள்ளிவைத்த பொருளிலும் மேவிநிற்கும் மன்னவள் (12)

by **நாகசுந்தரம்** Fri Nov 02, 2012 12:48 pm

மன்னவள் என்னவள் மேதினியை ஆள்பவள்
தன்னைத்தான் அறிந்திடவே தத்துவத்தை தருபவள்
உன்னையும் என்னையும் உயர்த்திடும் உயிரவள்
சன்னமாக கேட்கலாம் சக்தியவள் குரலினை
பின்னமாக இருப்பதெலாம் பேரோன்றாய் ஆக்கிடும் (13)

by **நாகசுந்தரம்** Fri Nov 02, 2012 1:04 pm

கிடுகிடுக்கும் அசுரரை கிழித்தெறிந்து கொன்றவள்
அடுத்துவந்த மனிதருக்கு ஆலமான பிடிப்பவள்
கடுத்திடும் கன்மத்தை கடிந்துமே கொல்பவள்
படுத்துநோயால் வாடினும் பராசக்தி மறப்பனோ
கெடுக்கும் மாயை மறைப்பாயோ அறியேனே (14)

by **நாகசுந்தரம்** Fri Nov 02, 2012 2:44 pm

அறியேனோ உன்னைநான் அழிவதற்கு முன்னமே
வறியவன் என்னைநீ வேறாய் எண்ணலாகுமோ
அறிவிலே மூத்தவள் அன்னையின் குணத்தவள்
முறித்தவள் மாய்கயை மங்களம் அருள்பவள்
குறித்தநாளில் போவதற்குள் கும்பிட்டு வாழ்வனே (15)

by **நாகசுந்தரம்** Fri Nov 02, 2012 2:45 pm

வனத்தினில் வாழ்பவள் வாழ்வினில் ஊழவள்
மனத்தினில் நுழைபவள் மக்களை காப்பவள்
தினம்தினம் எண்ணுவேன் தீமையை தகர்ப்பவள்
சினம்தனை அழிப்பவள் சீர்தூக்கி பார்ப்பவள்
உனைநினைந் தழைக்கிறேன் ஓடிநீ வருவையோ (16)

by **நாகசுந்தரம்** Fri Nov 02, 2012 2:46 pm

வருபவை வரட்டுமே வந்துநீ நிற்கையில்
தருவதை தந்திடு தத்துவம் நீயன்றோ
குருவாக வந்துமே குணம்யாவும் தருவையோ
அருளினை தருவதில் உணக்கினை யாருண்டோ
பொருள்தனை புரிந்திட்டேன் பராசக்தி உண்மையே (17)

by **நாகசுந்தரம்** Fri Nov 02, 2012 2:58 pm

உண்மை என்பதிங்கு உன்னைவிட்டால் வேறில்லை
கண்மைபோல கருதநீ கருத்தினில் வருவையோ
மண்ணின்மீது மீளவும் பிறந்திடாமை செய்வையோ
பெண்மையான உந்தனை பெருமையாக பேசுவேன்
விண்மீன்போல விளங்கிடும் வேதபொருள் கண்டேனே (18)

by **நாகசுந்தரம்** Fri Nov 02, 2012 2:58 pm

கண்டேனே கண்டேனே கடவுளுனை கண்டேனே
விண்டுறைத்த வீரசக்தி வாக்கில்வர கண்டேனே
உண்டசோறு உள்ளத்தை உண்மையாக்க கண்டேனே
அண்டமெலாம் அவளுருவாய் ஆனதனை கண்டேனே
கண்டபேர்கள் சொல்வதில்லை கடவுளவள் ஆனதால் (19)

by **நாகசுந்தரம்** Fri Nov 02, 2012 3:00 pm

ஆலமரம் அவளன்றோ அரசமரம் அவளன்றோ
கோலம்கொண்ட குமரியவள் கொற்றமெலாம் உலகன்றோ
நாலுமறை நவிலுகின்ற நாட்டமெலாம் அவளன்றோ
நாலுமைந்தும் கொண்டசக்ரம் நல்லவீடும் அவளதே
வேலைகொண்ட வீரனின் அன்னையவள் அறிவமே (20)