ஒரு ஊர்ல ஒரு கம்பியூட்டர் இன்ஜினீயர்!

by **Muthumohamed** Thu Nov 01, 2012 4:14 pm

First topic message reminder :

என் கூட ப்ளஸ் டூ படிச்ச கணேஷ் போன் பண்ணி இருந்தான்.
எடுத்த எடுப்புல, ” டேய்… நீ என்ன படிச்சிருகே?” இப்படி அவன்
கேட்டதும், எனக்குத் தூக்கி வாரிப்போட்டது. பொதுவா, என் படிப்பு
சம்பந்தமா யாராச்சும் கேட்டா எனக்கு அப்படித்தான் ஆகும்.
அப்புறம் அவனுக்கு னக்கும் நடந்த உலக மகா உரையாடல்
இதோ…
-

”ஏன்டா, என்ன விஷயம்?”

”நீ முதல்ல சொல்லு”

”நான் இந்த உலக இலக்கியம், இந்திய இலக்கியம் எல்லாம் படிச்சு
இருக்கேன்”

”டேய்… நான் கேட்டது அது இல்ல. நீ காலேஜ்ல என்ன டிகிரி படிச்சே ?”

”ஓ.. . அதைக் கேக்கிறியா..? நான் எம்.சி.ஏ. படிச்சசு இருக்கேன்.”

” அது கம்பியூட்டர் சம்பந்தமான படிப்பா?”

” ஆமா. ”

” டிகிரி வாங்கிட்டியா? இல்ல, ஏதாச்சும் அரியர்ஸ் இருக்கா?”

” ஹேய், யாரைப் பார்த்து… நான்தான் காலேஜ் ஃபர்ஸ்ட்.”

” அப்ப உன் திறமையை டெஸ்ட் பண்ண வேண்டிய நேரம் வந்துடுச்சசு
மச்சி.”

” அப்படின்னா’ (ஐயையோ… சாஃப்ட்வேர் ஏதாச்சும் டெவலப் பண்ணச்
சொல்லுவானோ?)

” என் பொண்ணு படிக்கிற ஸ்கூல்ல…”

” ஸ்கூல்ல..?”

” தெர்மோகோல்ல கம்பியூட்டர் பண்ணிட்டு வரச் சொல்லி இருக்காங்க.
கொஞ்சம் வந்து செஞ்சுக் கொடேன்.”

” அடி செருப்பால… புல்லு புடுங்க பில்கேட்ஸ் வேணுமாடா உனக்கு?”

” டென்ஷன் ஆகாதடா… உன் படிப்பை மதிச்சி எவனாவது உனக்கு
வேலை கொடுத்தானா? நானாவது இந்த வேலை கொடுத்தேனு
சந்தோஷப்படுவியா… அதை விட்டுட்டு…”

” ஹி… ஹி… ஹி… தெர்மோகோல் ரெடியா இருக்கா மச்சி?”
-
==========================================
நன்றி: படித்ததில் பிடித்தது (முகநூல்)

by ஹர்ஷித் Sat Dec 15, 2012 1:20 pm

அருண் wrote:தொழில் தர்மத்தை வெளியில் சொல்லகூடாது பாஸ்..!

அருண் என் பாப்பாக்கு பள்ளிக்கூடத்துல.......... சிரி

by **அருண்** Sat Dec 15, 2012 1:33 pm

ஹர்ஷித் wrote:
அருண் என் பாப்பாக்கு பள்ளிக்கூடத்துல..........

ரொம்ப குப்பையை கிளராதிங்க விடுங்க விடுங்க.! புன்னகை

by அச்சலா Sat Dec 15, 2012 3:49 pm

by **Muthumohamed** Mon Dec 17, 2012 4:19 pm

என்னங்க…பையனும் வர்றேங்கறான்…கூட்டிட்டுப்
போங்க!
-
அவன் எதுக்கடி உண்ணாவிரதத்துக்கு?
-
பிரியாணி சாப்பிடணும்ங்கிறான்!
-
>>சி.சாமிநாதன்

by **Muthumohamed** Mon Dec 17, 2012 4:20 pm

தலைவருக்கு கலர் வாஸ்து ரொம்ப ஆட்டுதுப்பா!
-
என்..என்னாச்சு?
-
எந்த விட்டுல மஞ்சள் நீராட்டு விழான்னாலும்
உடனை கிளம்பிடறாரு!
-
>ஆனந்தசீனிவாசன்

by **Muthumohamed** Mon Dec 17, 2012 4:20 pm

தலைவர் சுத்த விவரம் கெட்ட ஆளா இருக்காரு..!
-
எப்படி சொல்றே?
-
அவங்க நமக்கு ‘தண்ணி’ தல்லன்னா, நாம
அவங்களுக்கு சைடிஷ் தரக் கூடாதுன்னு சொல்றரே!
-
>ஆ.சரஸ்வதி
நன்றி: வாரமலர்

by **Ahanya** Mon Dec 17, 2012 4:43 pm

by **Muthumohamed** Mon Dec 17, 2012 5:27 pm

மகளிர் அணித்தலைவி, என்ன கலர் ஜாக்கெட்
போட்டிருக்காருன்னு தலைவர் ஏன் விசாரிக்கிறாரு?
-
அதுக்கு மேட்சா சட்டை போடத்தான்!
-
>சி.பி.செந்தில்குமார்

by **Muthumohamed** Mon Dec 17, 2012 5:27 pm

தலைவர் என்ன முட்டாள்தனமா அறிக்கை
விட்டிருகாரு?
-
என்னன்னு?
-
காவிரியிலிருந்து தண்ணீர் தராத கர்நாடகத்திற்கு,
நெய்வேலியிலிருந்து ஒருசொட்டு நெய் கூட தர
மாட்டோம்னு!

>எஸ்.தாசன்

by **Muthumohamed** Mon Dec 17, 2012 5:28 pm

உங்க தலைவருக்கு கவுரவ டாக்டர் பட்டம்
கொடுக்கப் போனவங்ககிட்டே…’சித்தாவலு’
டாக்டர் பட்டம் கொடுங்கன்னு
கேக்ககுறாரே…ஏன்?
-
அவருக்கு இங்கிலீஷ் தெரியாது…அதான்!
-
>எஸ்.ஆர் ரமணன்

நனிறி: வாரமலர்