பரமக்குடி தமிழனின் சாதனை

by **கரூர் கவியன்பன்** Thu Nov 01, 2012 3:33 pm

பரமக்குடியை சேர்ந்த வாலிபர் ஒருவர் காற்றில் இருந்து மின்சாரம் தயார் செய்து அதன்மூலம் செல்போனை சார்ஜ் ஏற்றி வருகிறார். ராமநாதபுரம் மாவட்டம், பரமக்குடி ொன்னையாபுரத்தைச் சேர்ந்தவர் பிலவேந்திரன் மகன் பீட்டர்ஜான். எலக்ட்ரிகல் பணி செய்து வரும் இவருக்கு புது கண்டிபிடிப்புகளை தயார் செய்வதில் தனி ஆர்வம். தற்போது அவர் காற்றிலிருந்த மின்சாரம் உருவாக்கி அதன்மூலம் செல்போன் சார்ஜ் செய்யும் கருவியை கண்டுபிடித்துள்ளார்.

இந்த செல்போன் சார்ஜர் கருவியை பயணத்தின்போது ஜன்னல் ஓரம் வைத்தால் போதும். ஜன்னல் வழியாக வரும் காற்று, செல்போன் சார்ஜரில் உள்ள விசிறியை சுற்றும். அந்த விசிறி மின்சாரம் உற்பத்தி செய்யும் டைனமோவை சுற்றும். டைனமோ சுற்றுவதால் ஏசி மின்சாரம் உற்பத்தியாகிறது. செல்போனை டிசி மின்சாரம் மூலமே சார்ஜ் செய்யமுடியும். இதையடுத்து கிடைக்கும் ஏசி மின்சாரத்தை டிசி மின்சாரமாக மாற்ற சிறிய டையோடு பயன்படுத்தப்பட்டுள்ளது.

காற்றின் வேகம் அதிகரிக்கும்போது இதனுடன் இணைத்துள்ள செல்போன் சார்ஜ் ஆகிறது. இதற்கு தயார்செய்ய அதிகபட்சமாக ரூ.350 வரை செலவாகிறது. சைக்கிள் டைனமோ(6 வோல்ட்), தகடால் ஆன விசிறி, டையோடு(4007), வயர், சிறிய பெட்டி ஆகிய பொருட்களை கொண்டு இதை தயாரிக்கலாம். பஸ், ஆட்டோ, கார், பைக் கோன்ற வாகனங்களில் நெடுந்து£ரம் பயணம் செய்யும் பயணிகளுக்கு இது ஒரு வரப்பிரசாதமாக அமையும் என அவர் கூறினார்.

by **சிவா** Thu Nov 01, 2012 3:53 pm

நான் பள்ளி செல்லும் பொழுது சைக்கிளில் உள்ள டைனமோ இப்படித்தான் (ஆனால் காற்றில் அல்ல) மின்சாரம் உற்பத்தி செய்து லைட் எரியச் செய்யும்! இதையெல்லாம் கண்டுபிடிப்பு என்று கூறுவதை ஏற்றுக் கொள்ள முடியாது!

காரில் செல்லும் பொழுது ஏன் காற்றின் வழி மொபைலை சார்ஜ் செய்ய வேண்டும், அதில் தான் சார்ஜர் இணைக்கப்பட்டுள்ளதே!

by அசுரன் Thu Nov 01, 2012 4:01 pm

சைக்கிளில் லைட் இல்லைன்னா போலீசு புடிக்கும் அது ஒருகாலம்...

by **சிவா** Thu Nov 01, 2012 4:05 pm

அசுரன் wrote:சைக்கிளில் லைட் இல்லைன்னா போலீசு புடிக்கும் அது ஒருகாலம்...

என் சைக்கிள்ல லைட் மட்டும் தான் இல்ல, ஆனால் அவன்கிட்ட சைக்கிளே இல்லை! (இந்த நகைச்சுவை இப்பொழுது உள்ள குழந்தைகளுக்குப் புரியவில்லை என்றால் பார்த்துக் கொள்ளுங்களேன்)

by அசுரன் Thu Nov 01, 2012 4:12 pm

சிவா wrote:
அசுரன் wrote:சைக்கிளில் லைட் இல்லைன்னா போலீசு புடிக்கும் அது ஒருகாலம்...

என் சைக்கிள்ல லைட் மட்டும் தான் இல்ல, ஆனால் அவன்கிட்ட சைக்கிளே இல்லை! (இந்த நகைச்சுவை இப்பொழுது உள்ள குழந்தைகளுக்குப் புரியவில்லை என்றால் பார்த்துக் கொள்ளுங்களேன்)

பாஸ் வொய் திஸ் கொலவெறி புன்னகை

by Sponsored content

பரமக்குடி தமிழனின் சாதனை

பரமக்குடி தமிழனின் சாதனை

www.karurkaviyanban.blogspot.in

Re: பரமக்குடி தமிழனின் சாதனை

Re: பரமக்குடி தமிழனின் சாதனை

Re: பரமக்குடி தமிழனின் சாதனை

Re: பரமக்குடி தமிழனின் சாதனை

Re: பரமக்குடி தமிழனின் சாதனை