இயற்கை போற்றி சில பாடல்கள் - கிரிகாசன்

by **kirikasan** Wed Oct 31, 2012 3:50 pm

First topic message reminder :

அந்தத் இழையில் புதிதாக தொடங்க முடியவில்லை. அனுமதி மறுக்கிறது , இதோ கடவுள் வாழ்த்தும் ஈகரைக்கு நன்றியும் இது கணக்கில் சேராது. இதை புதிதாக எங்கு சேர்க்க வேண்டுமென்று ஆரம்பித்து விடுங்கள். உடன் தொடர்கிறேன்.

சக்தி வணக்கம்

மலையும் நதியும் மறையுதி வெய்யோன்
மதியும் முகில்வானம்
மலர்கள்,சோலை மாங்குயில் கீதம்
மங்கல மணியோசை
கலையும் கணிதம் கற்பனை நாதம்
காலம் எனயாவும்
கட்டியமைத்துக் காக்கும் சக்தி
கற்பனை தா அம்மா

ஈகரை வாழ்த்து

நாலும் பலதும் நனிதேனாக
நற்சுவை பொருள் கொண்டு
போலும் நடையில் ராஜ கம்பீர
புகழும் வாய்த்திங்கு
மேலும் பலதாய் கிளைகள் கூட்டி
மின்னும் பொன்னாக
நாளும் வளரும் ஈகரை வாழ்த்தி
நானும் கவி கொண்டேன்

நன்றிகள் இது ஆரம்பம்...

by **kirikasan** Wed Oct 31, 2012 10:57 pm

10 எழில்

கதிர்கள் நடமாடக் குருவி இசைபாடக்
காற்று உறவாடக் கழனி எழில்கூடும்
மதியவெயில் கூடி மந்தி விளையாடி
மரத்தில் கிளைதாவ மகிழ்ந்து வனம்காணும்
புதிய அலைதோன்றிப் புரண்டு வளைந்தோட
புனலின் எழில்கூடி பரவும்கடல்மேனி
எதிலும் குறையாத புகழின் மகன்போல
எழுந்த மலைமுகிலின் இணைவும் அழகாகும்
.

by **kirikasan** Thu Nov 01, 2012 2:55 pm

11 சலனம்

மனதில் ஆடும் சலனங்களோ - இந்த
மலர்கள் ஆடும் சுனைநீரும்
புனலில் சலசல அலையெழுதே -அது
புதிதாய் புதிதாய் உயிர் பெறுமோ
தினமும் வருமோர் இளங்கதிரோ அது
தேகத்தில்பர வசம்தருமோ
கனவில் கொள்ளும் காட்சியென -அதில்
காணும் பிம்பம் இருந்திடுமோ

by **kirikasan** Thu Nov 01, 2012 3:01 pm

12 காலை

தகதக என ஒளி மின்னும்
தரணியில் எழுஞ்சுடர் பின்னும்
இகம் இகமுழுவ்தும் கொள்ளும்
இயற்கையின் ஒளிதனை உலகும்
சுக சுக அனுபவம் கொள்ளும்
சுதந்திரக் காற்றிடை துள்ளும்,
மிகமிக ஆனந்தமென்னும்
மெல்லிய காலையின் வண்ணம்

.

by **kirikasan** Thu Nov 01, 2012 3:08 pm

13 அதிசயம்

மெல்லச் சுழலுது பூமி அது
மேலே மிதக்குது ஓடி
சொல்லத் தெரியாத கோடி இந்த
சூழும் கோளங்களும் ஆடி
பல்வகை கற்களும் ஓடி அவை
பட்டுவிடா தொன்றாய் தேடி
நல்ல விதமென காணும் இதை
நம்ப முடியுதா, வானம்

by **kirikasan** Thu Nov 01, 2012 3:15 pm

14 . அன்பு

காலை புலர்ந்தது காகம் கரையுது
கண்கள் விழித்தெழடா
சாலை நடந்திடும் காளைவண்டிசத்தம்
சல்சல் சலங்கையடா
மூலை வளவு மரத்தில் குருவிகள்
மூக்கை இடிக்குதடா - அதில்
முட்டை போடும்பெட்டை செட்டைகோத அதை
மற்றது பார்க்குதடா

by **kirikasan** Thu Nov 01, 2012 3:24 pm

15. மலரும் கதிரும்

தளிர்த்து செடிகள் குருத்துவர
தகித்தது வானில் சுடரொளிதான்
களித்து கதிரோ சுடுவதுமேன்
கன்னம்சிவந்து மலராட
விளித்த இலையும் வெகுண்டுகதிர்
வேலை இதுவேன் சினந்ததுவே
குளிர்ந்த கடலில் செங்கதிரோன்
குற்றம் கண்டு வீழ்ந்ததுவோ

by **kirikasan** Fri Nov 02, 2012 1:16 am

16 மன அழகு

வான் நிலவென்றால் பிறைமதியழகு
வரு மழைதூறல் விழுவதுஅழகு
தேன்மலரென்றால் துவளுதல் அழகு
திரியும் தென்றல் உருவமில் அழகு
மானதின் கண்ணில் மருளுதல் அழகு
மனமதி எண்ணம் மாறுதலழகு
வான்முகில் திரளும் வடிவமுமழகே
வரும் இடராகின் துணிவது அழகே
****************
குறிப்பு
விரைவாக இட முடியவில்லை. கற்பனை பஞ்சமல்ல . வீட்டில் இருந்துகொண்டு இப்படியான போட்டிக்குவருவதில் சிக்கலுண்டு.. அடிக்கடி தொல்லைகள் இன்று ப்கல் முழுவதும் ஏதும் சிந்திக்கவிடாமல் செய்துவிட்டது. 100 கவிதைகள் செய்வேன் ஆனால் எப்போதுமுடியும் என்பது சக்திக்குத்தான் தெரியும்

by **kirikasan** Fri Nov 02, 2012 1:33 am

17. என்ன லாபம்

தேயாத வெண்ணிலா திரியாத தென்றலும்
தூவாத மழைமேகம் ஓடிப்
பாயாத நீர்நதி பறவாத குருவிகள்
பாடாத பாவலன் யாவும்
வேயாத கூரையும் விடியாத காலையும்
வெய்யிலெண்ணி விரியாத பூவும்
மேயாத புள்ளிமான் மிதக்காத கப்பலும்
மேதினி கொண்டென்ன லாபம்?