ஆன்மீக சிந்தனைகள் » கிருபானந்த வாரியார்

by தாமு Mon Oct 12, 2009 6:10 am

First topic message reminder :

மனைவியிடம் கோபிக்காதீர்கள்

1,

நாம் செய்த நல்வினை, தீவினை ஒன்றுக்கு ஆயிரமாகப் பெருகி வரும். வயலில் இட்ட விதை ஒன்று பலவாக வருவதுபோல் வினைகளும் பன்மடங்கு வளர்ந்து வரும்.

பகை தொலைவில் இருக்கலாம். அடுத்த வீட்டில், எதிர்வீட்டில் இருக்கக்கூடாது. இருந்தால் அது நமக்கு அஷ்டமத்துச் சனி. மிக்க ஆபத்தைத் தரும்.

மனிதன் வாழ்கின்ற வாழ்க்கை பிறருக்கும், நாட்டுக்கும் பயனுள்ளதாக இருக்க வேண்டும்.

மனைவியைக் கோபிக்கும் ஆண்கள் இருக்கக்கூடாது. மனைவி கண்ணீர் சிந்தினால் அந்தக் குடும்பம் தழைக்காது.

ஒரு மனிதனோடு பழகும்போது அளந்து பழக வேண்டும். பால் வாங்கும் போதும், துணி எடுக்கும் போதும் அளந்து தானே வாங்குகிறோம். அதுபோல் யாரிடம் பழகினாலும் அளந்து பழகாவிட்டால் துயரம் வந்து சேரும்.

நமது உடம்பின் அளவு கண். கண்ணை மட்டும் பார்த்தாலே அவன் எப்படி உள்ளவன் என்று கணக்கிட்டுவிடலாம்.

இருள் இருவகைப்படும். ஒன்று புற இருள், மற்றொன்று அக இருள். இதற்கு ஆணவம் என்று பேர். புறஇருள் தன்னைக் காட்டும், ஏனைய பொருள்களை மறைக்கும். ஆணவ இருள் தன்னையும் மறைத்து, மற்ற எல்லாவற்றையும் மறைத்து நின்று பெருந்துயரத்தைச் செய்யும்.

தங்கம் இளகினால் அதில் ரத்தினக்கல் பதியும். அதுபோல் நம் உள்ளம் உருகினால் உருகிய உள்ளத்தில் இறைவன் ஒன்றி விடுவான்.

எதனையும் பலமுறை சிந்தித்துச் செய்ய வேண்டும். ஒருவர் போன வழியிலேயே, சிந்திக்காமலேயே பின்பற்றிச் செல்வது மூடத்தனம்.

எங்கும் நிறைந்த இறைவனை எங்கும் எளிதாகக் கிடைக்கக்கூடிய பூவினாலும், நீரினாலும் நாம் வழிபட வேண்டும். வழிபாட்டிற்கு அன்பும், ஆசாரமும் இரண்டு கண்கள் போன்றவை.

by தாமு Mon Oct 12, 2009 7:29 am

நன்றி மீனு, கிருபை ஆன்மீக சிந்தனைகள் » கிருபானந்த வாரியார் - Page 3 678642

by தாமு Fri Oct 16, 2009 9:57 am

தீபாவளி -திருமுருக கிருபானந்த வாரியார்

தீபாவளிஎன்னும்நன்னாள்

–“தீபாவளி என்னும் நன்னாளைப் பொன்னாளாக யாண்டுங்
கொண்டாடுகிறார்கள். ஆனால் அதன் உண்மையறிந்தவர்கள்
ஒரு சிலரேயாவார்கள்.
பெரும்பாலோர், நரகாசுரனைக் கண்ணபிரான் சங்கரித்தார்.
அந்த அரக்கனை அழித்த நாளே தீபாவளி என்று கூறிக்
கொண்டிருக்கிறார்கள்.
நரகாசுரனைச் சங்கரித்த நாள் அதுவாக இருக்கட்டும்.
ஆனால் கேவலம் ஒரு கொடியவனைக் கொன்ற நாளுக்கு
ஒரு கொண்டாட்டம் நிகழ்வது யாண்டும் எக்காலத்தும்
இருந்ததில்லை.
அப்படியிருக்குமாயின்,
இரணியைனக் கொன்ற நாள்,
இராவணனைக் கொன்ற நாள்,
கம்சனைக் கொன்ற நாள்,
இடும்பனைப் – பகனைக் கொன்ற நாள்,
துரியோதனனைக் கொன்ற நாள்,
அவ்வாறே அந்தகாசுரன் சரந்தராசுரன்,
இரண்யாட்சன், திருவணாவர்த்தன் இப்படிப் புகழ் படைத்த
அரக்கர்கள் ஒவ்வொரு வரையுங் கொன்ற நாட்களையெல்லாம்
கொண்டாடுவதாயின், ஆயுளே அதற்குச் சரியாகி விடும்.
ஆகவே நரகாசுரனைக் கொன்றதற்காகத் தீபாவளி ஏற்பட்டதன்று.
தீபம் = விளக்கு, ஆவளி -=வரிசை, தீபத்தை வரிசையாக
வைத்துச் சிவபெருமானை வழிபடுவதற்கு உரிய நாள்.
தீபாவளி என உணர்க.

தீபங்களில் ஜோதியாக விளங்கும் சிவபெருமானை, நிரம்பவும்

விளக்கேற்றி வணங்கினார்கள் நமது முன்னோர்கள்.
திருக்கார்த்திகையில் விளக்கேற்றி வணங்குகின்றார்களன்றோ?
“விளக்கீடு காணாதே போதியோ பூம்பாவாய் என்பது ஞான
சம்பந்தர் திருவாக்கு.”
———————————————-
- திருமுருக கிருபானந்த வாரியார்.

--அன்புடன்
நன்றி அ.இராமநாதன்

by kirupairajah Fri Oct 16, 2009 10:00 am

தாமு wrote:தீபாவளி -திருமுருக கிருபானந்த வாரியார்

தீபாவளிஎன்னும்நன்னாள்

தீபம் = விளக்கு, ஆவளி -=வரிசை, தீபத்தை வரிசையாக
வைத்துச் சிவபெருமானை வழிபடுவதற்கு உரிய நாள்.
தீபாவளி என உணர்க.

தீபங்களில் ஜோதியாக விளங்கும் சிவபெருமானை, நிரம்பவும்

விளக்கேற்றி வணங்கினார்கள் நமது முன்னோர்கள்.
திருக்கார்த்திகையில் விளக்கேற்றி வணங்குகின்றார்களன்றோ?
“விளக்கீடு காணாதே போதியோ பூம்பாவாய் என்பது ஞான
சம்பந்தர் திருவாக்கு.

தீபாவளி கொண்டாத்திற்கான அறியாத சிறந்த விளக்கம். நனறி தாமு!