பெண் சிசு கொலை;

by வித்யாசாகர் Mon Oct 12, 2009 1:29 am

First topic message reminder :

Chocy wrote:உடனடி உதவி தேவை
பெண் சிசுக் கொலை பற்றிய கட்டுரை யாரவது தாருங்களேன் !

பெண்சிசு கொலை;

என் பத்துமாத சுமப்பில்
என் பிரபஞ்சமாய் பூத்தவளே;
என் பெண்மைக்கு - நெற்றி பொட்டிட்டு
எனை அம்மாவாய் பெற்றவளே;

ஊர் தூற்றிய மலடிக்கு - உன்
ஒற்றை பிறப்பில் உயிர் வார்த்தவளே;
உயிர் பிரிந்து செல்கையில் - என்
கால்மாட்டை நனைத்து காலனை சபிப்பவளே;

என் இரவுபகல் வலி தின்று - என்
ரத்தத்தில் சமைந்தவளே;
வாந்தியெடுத்த வேதனைக்கெல்லாம் - அம்மா
அம்மாவென அழைப்பவளே;

கோவில்குளம் சுற்றிவர - என்
சாமியாட்டம் பிறந்தவளே;
நான் கண் திறந்துப் பார்க்கும் முன்னே
நீ கண்ணடஞ்சிப் போனதென்ன;

அருகம்புல் அறுப்பது போல்
உன் உயிரிங்கே அருந்ததென்ன;
நான் பெற்றபிள்ளை ஒற்றை பிள்ளை
பெண்ணென்பதால் கொன்றதென்ன;

உனக்கு ரத்தம் பாய்ச்சிய உடம்பெல்லாம்
வெடித்து உயிரற்று சிதறாதா;
உனக்கு பால் தராத மார்பிரண்டும்
அறுபட்டுத் துடிக்காதா;

பத்துமாதம் சுமந்த கணம்
நெஞ்சிலிருந்தே நீங்கலையே;
உன் உயிர் தின்று யொழிந்த - கொலை
என்னையும் சேர்த்து கொல்லலையே;

என் பத்துமாத சுமப்பில்
பிரபஞ்சமாய் பூத்தவளே;
என் பெண்மைக்கு நெற்றி பொட்டிட்டு
எனை அம்மாவாய் பெற்றவளே;

எனைப் பெற்ற தாயிற்கு
நான் மட்டுமென்ன ஆண்பிள்ளையா????
உன்னை கொன்ற பாவிக்கு
பிறந்த வழி ஆணுறுப்பா????

பெண் மட்டுமில்லாம
ஆண்பிள்ளை பிறப்பானா?????
ஆணுக்கு பெண்ணின்றி
துணையேது புரியாதா????

ஏய்............. மனிதம் கொல்லும் மானுடமே
இன்னும் எத்தனை பெண்களை -
கொல்வாய்???
எத்தனை தலைமுறைக்குக் கொல்வாய்??????

ஒன்று புரி -
நீ பெண்சிசு கொல்கையில் -
இறப்பது பெண் மட்டுமல்ல;
நீயும் தான்!!
-----------------------------------------------------------
வித்யாசாகர்

by வித்யாசாகர் Mon Oct 12, 2009 4:27 pm

விரைவில் "கள்ளிப் பாலில் எம அவதாரம்" என ஒரு கதை பதிக்கிறேனம்மா, படித்து பாருங்கள். அங்ஙனம் எண்ணம் கொள்பவருக்கு கொடுங்கள். இது போன்ற சமூக அவலங்களுக்கு ஒரு நல்ல விழிப்பு தரும் கதையது.

தங்களை போன்றோரின் பற்றும் விழிப்புணர்வும் தானம்மா நம் நாளைய நல் வாழ்க்கைக்கு இன்று செய்யும் வல்லிய புரட்சி!

நிறைய படியுங்கள். உடனுள்ள சகோதரிகளையும் நிறைய படித்து தெளிவாக சிந்திக்க சொல்லுங்கள். ஒவ்வொரு அடியையும் சிந்தித்து சரியென்றால் மட்டுமே பூமியில் பதிக்க, இனி வரும் கால 'சகோதரிகள்' பழகிக் கொண்டால். இதுபோன்ற அறிவிலிகள் தானாகவே ஒதுங்கி ஒன்றுமில்லாமல் போவார்கள்..மிஞ்சுவது நம் மனிதம் தொலைக்காத மனித உறவுகளாக இருக்கும்!

by kirupairajah Mon Oct 12, 2009 4:37 pm

எது கேட்டாலும் அட்சயபாத்திரம் போல் உங்கள் கவித்திறமையை சிறப்பாக வெளிக்காட்டி ஈகரைக்கு தருகிறீர்கள், பார‌ட்டுக்கள் வித்யாசாகர்!

by மீனு Mon Oct 12, 2009 4:38 pm

பெண் மட்டுமில்லாம
ஆண்பிள்ளை பிறப்பானா?????
ஆணுக்கு பெண்ணின்றி
துணையேது புரியாதா????

மீனுவும் பெண்தானே....
அழுகை

சிசுக்களை கொலை செய்பவர்களை மீனு சுட்டுத்தள்ளூ!

by kirupairajah Mon Oct 12, 2009 4:41 pm

ஏன் மீனு இப்போதெல்லாம் எடுத்ததிற்கெல்லாம் சுட வாறிங்க, என்ன நடந்தது

by மீனு Mon Oct 12, 2009 4:43 pm

kirupairajah wrote:ஏன் மீனு இப்போதெல்லாம் எடுத்ததிற்கெல்லாம் சுட வாறிங்க, என்ன நடந்தது

மீனுவுக்கு ஆக்கங்கள் சுடனும்..இல்லை என்றால் ஆட்களை சுடனும்..

by kirupairajah Mon Oct 12, 2009 4:46 pm

மீனு ஆக்கங்களை சுடும், ஆனால் ஆட்களை ஒருபோதும் சுடாது என்பது உண்மைச்செய்தி

by வித்யாசாகர் Mon Oct 12, 2009 5:06 pm

நன்றி என் அன்பின் கிருபை!

by kirupairajah Mon Oct 12, 2009 5:13 pm

நன்றி எல்லாம் மீனுக்குதான் உரித்துடையது வித்தியாசாகர்!

by மீனு Mon Oct 12, 2009 5:25 pm

என்ன எல்லோரும் மீனுமேல் இத்தனை அன்பா..மீனு ரொம்ப லக்கி..
நன்றி வித்யாசாகர்..நன்றி கிருபை..மீனு யார் மனதையும் சுட்டதில்லை..ஆனா தெரியாம சுட பண்ணி இருக்கலாம் அல்லவா ?