பணமே! பணமே! பணமே!

yarlpavanan · yarlpavanan Wed Oct 31, 2012 7:46 am

உலகம் உருளுவதை
இரவு, பகல் வருவதால் தானே
உணருகிறோம்...
பணமே!
வியர்வை சிந்தி - ஏன்
செந்நீர் கொட்டியும் கூட
உழைத்தாலும்
உழைப்புக்கேற்ற கூலியாகக் கூட
எங்கள் பக்கம் வரமறுப்பதேன்?
பணக்காரின் ஆடைகளுக்குள்ளே
மறைந்து விட்டாயோ...?
அரசியல்வாதிகளின் கைப்பைக்குள்
ஒளிந்து விட்டாயோ...?
புகைத்தல், மது, விலைப்பெண்(மாது)
விற்பனையாளரின் வைப்பில் சேர்கிறாயோ...?
சுடும் நாய்(Hot Dogs),
களிக்கறிஅப்பம்(Pizza Cut)
விற்பனையாளரின் வைப்பில் சேர்கிறாயோ...?
களியாட்டம், கொண்டாட்டம் என
துள்ளிசை, நாடக, திரைப்பட அரங்கு
மகிழ்வளிக்கும்(உல்லாச விடுதி) ஓய்வகம் போன்ற
முதலாளிகளின் வைப்பில் சேர்கிறாயோ...?
கடவுளுக்குத் தெரிந்தாலும்
ஏழைகளிடமும் உழைப்பாளிகளிடமும்
ஒட்டிக் கொள்ள மறுத்து
எங்கெல்லாம் போய் உறவு வைக்கிறாயோ
எவரெவர் கைகளில் தவழ்கிறாயோ
இதுவரை எனக்கும் தெரியவில்லையே!
ஏழைகளிடமும்
உழைப்பாளிகளிடமும்
ஒட்டிக் கொள்ளாமல்
எங்கெங்கும்
எவரெவரிடமும்
எட்டிப் பாயும் பணமே
எப்படியும்
உன்னை நம்ம இயலாதே!
உண்டு, உறங்க
எண்சாண் உடலளவு
நிலம் கூட இல்லாத
ஏழைகளிடமும்
உழைப்பாளிகளிடமும்
உன்னை வைத்துப் பேண
கருங்கல்லு வைப்பகமோ
இரும்பு வைப்பகமோ
நிலக் கீழ் இருப்பிடமோ
இருபத்து நான்கு மணி நேர
மெய்க்காவலர்களையும் கூட
அமைத்துத் தர முடியாமை கண்டோ
பணமே - நீ
எங்கெங்கும் போய்
எவரெவரோடோ இணைந்து
கூடிக்குலாவுவது சரியோ...!

பணமே! பணமே! பணமே!

பணமே! பணமே! பணமே!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக