325 லிட்டர் தாய்ப்பால் தானம் கொடுத்து அமெரிக்க பெண் கின்னஸ் சாதனை.

by பூவன் Tue Oct 30, 2012 11:10 am

அமெரிக்காவில் உள்ள வடக்கு டெக்சாஸ் மாகாணத்தைச் சேர்ந்த தாய் ஒருவர் 86 கேலன்கள் ( 325.54 லிட்டர்) தாய்ப் பாலை தானமாக கொடுத்து கின்னஸ் சாதனைப் புத்தகத்தில் தனது பெயரை இடம் பெறச் செய்துள்ளார்.

அலிசியா ரிச்மேன் என்ற 28 வயதுடைய அந்தப் பெண் க்ரன்பரி நகரில் வசித்து வருகிறார். இவர் கடந்த 2011ம் ஆண்டு ஜூன் மாதம் முதல் 2012ம் ஆண்டு மார்ச் வரை கிட்டத்தட்ட 86 கேலன் தாய்ப்பாலை வடக்கு டெக்சாஸில் உள்ள தாய்ப்பால் வங்கிக்கு தானமாக கொடுத்திருக்கிறாராம்.

அலிசியாவிற்கு 19 மாதத்தில் ஆண்குழந்தை ஒன்று உள்ளது. அந்த குழந்தைக்கு தேவையான பால் போக மீதமுள்ள பாலைத்தான் பம்ப் செய்து தானமாகக் கொடுத்துள்ளார். இதன் மூலம் குறைப் பிரசவத்தில் பிறந்த குழந்தைகளுக்கும், தாய்ப் பால் கிடைக்காத குழந்தைகளுக்கும் அது பேருதவியாக இருந்துள்ளது. இதற்காகவே அவருடைய பெயர் கின்னஸ் சாதனை புத்தகத்தில் இடம் பிடித்துள்ளது.

இது கடவுள் தனக்கு அளித்த வரம் என்று கூறியுள்ள அலிசியா, தாய்ப்பால் தனக்கு அதிகமாக சுரப்பதனால்தான் அது கிடைக்காத குழந்தைகளுக்கு தானமாக தரமுடிகிறது என்றும் அவர் கூறியுள்ளார்.

நன்றி தமிழ் source

by ஜலஜா சிவகுமார் Tue Oct 30, 2012 11:56 am

நம்ம ஊர்ல பக்கத்து வீடு குழந்தை அழுதா கூட ஒரு சொட்டு பால் கொடுக்க யோசிப்பாங்க .
இத நான் நிறைய இடத்தில பார்த்திருக்கிறேன் .
பக்கத்து வீடு குழந்தைய விடுங்க தன் சொந்த குழந்தைக்கு கொடுக்கவே யோசிக்கிறாங்க நம்ம தாய்மார்கள் .எப்ப குழந்தை புட்டி பால் குடிக்கும் நம்ம லீவ் முடிஞ்சி ஆபீஸ் போகலாம் ன்னு காத்துட்டு இருக்காங்க
இத பார்த்தாவது திறுந்தட்டும்

by **அருண்** Tue Oct 30, 2012 12:07 pm

by **ராஜா** Tue Oct 30, 2012 12:53 pm

தாய் என்ற வார்த்தைக்கு சரியான உதாரணமாக திகழ்கிற இந்த சகோதரிக்கு எனது வணக்கங்கள்

by **ஜாஹீதாபானு** Tue Oct 30, 2012 2:42 pm

சூப்பர் .... மகிழ்ச்சி

by **கரூர் கவியன்பன்** Tue Oct 30, 2012 5:06 pm

பெண்மையையும் தாய்மையையும் ஒரு சேர காண்கிறேன் தங்களிடம்

by அசுரன் Tue Oct 30, 2012 11:41 pm

ஒரு சிலரே கடவுளின் நேரடி அவதாரங்கள் அவர்களில் இவரும் ஒருவர்... இட்டார் பெரியோர் இடாதார் இழிகுலத்தோர்...

by sureshyeskay Wed Oct 31, 2012 8:43 am

பிரசவ உந்துதலின் போது மட்டுமே அபரிமிதமாக சுரக்கும் ஒரு சில harmone கள் Caesarian செய்தால் எப்படி கிடைக்கும். இந்த harmone கள் தான் பால் சுரப்பதைத்தூண்டுவதால் பெரும்பாலும் விருப்பமிருந்தாலும் பால் தரவியலாத நிலை என்ன செய்வது. காலத்தின் கோலம்.