மூன்று தலைமுறை இவரால் வாழ்ந்தது - வாழ்த்தலாம் வாங்க

by **அகல்** Mon Oct 29, 2012 6:51 pm

மூன்று தலைமுறைகளுக்கு பாடல் எழுதி தமிழ் திரை இசைக்கு நீங்கா பெருமை சேர்த்த முடிசூட மன்னன் ஐயா கவிஞர் வாலி அவர்களுக்கு, ஈகரை நண்பர்களின் 82 வது இனிய பிறந்த நாள் வாழ்த்துக்கள். உங்களது கலைச்சேவை இன்னும் தமிழுக்கு தேவை. இயற்கை உங்களை ஆசிர்வதிக்கட்டும் ஐயா... வாழ்க பல்லாண்டு..!

வாழ்த்துங்கள் தோழர்களே... நான்காவது தலைமுறையும் இவரால் வாழட்டும்...!

மூன்று தலைமுறை இவரால் வாழ்ந்தது - வாழ்த்தலாம் வாங்க Vaali

by **சிவா** Mon Oct 29, 2012 6:54 pm

இனிய பிறந்த நாள் வாழ்த்துகள் ஐயா!

by பூவன் Mon Oct 29, 2012 7:02 pm

இனிய பிறந்த நாள் வாழ்த்துக்கள் அய்யா ......

by **கரூர் கவியன்பன்** Mon Oct 29, 2012 7:11 pm

உருவத்திற்கு மட்டுமே
வயதாகிப் போனாலும்
உன் கவிதை வரிகள்
காலத்தையும் துள்ளி
விளையாடச் செய்கிறது
கனவுகளுக்கும் கனவுகாணச் சொல்கிறது
தமிழுக்கு நீ சேர்த்திட்ட பெருமை
தாயகம் உள்ளவரை மறவாது
மாமணியே

வாழ்த்த வயதில்லை இருந்தபோதிலும் வணக்கங்களுடன் வாழ்த்துகள் அய்யா

by காதல் ராஜா Mon Oct 29, 2012 7:40 pm

82 அகவை நிறைவு செய்திருக்கும் வாலி தமிழ்த் திரையுலகிற்கும், இலக்கிய வெளிக்கும் இணையில்லாத இடத்தையே நிரப்பியுள்ளார்..

கூர்த்த மதியும், குறைவில்லா நினைவாற்றலும் கொண்டவர்..

எதுகை மோனையில் இவரின் சொல் விளையாட்டுக்கள் பிரசித்தி பெற்றவை..

காதலர் தினம் திரைப்படத்தின் பாடல் வரிகளில் என்னை இரசிக்க வைத்த இவரது வரிகளை உதாரணமாய் இடுகிறேன்..

"அல்லி விழியோரம் அஞ்சனத்தைத் தீட்டி
அந்தி வண்ணப் பின்னல் மீது தாழை மலர் சூட்டி
ஆதி முதல் அந்தம் ஆபரணம் பூட்டி
அன்னம் இவள் மேடை வந்தாள் மின்னல் முகம் காட்டி"

என் வாழ்த்துக்களும், வணக்கங்களும்..

by **T.N.Balasubramanian** Mon Oct 29, 2012 10:34 pm

ஆடை அணியாத ஆகர்ஷிக்கும் வரிகள்,
சிலேடையுடன் வாரி வழங்கும் வாலி(பர்)
தாடையில் கை வைத்து கொடுக்கும் pose
மேடையில் அமர்ந்தபோதேல்லாம்.

என்னை மிகவும் கவர்ந்த/ தாக்கம் ஏற்படுத்திய ஒரு கவிதை.
மண்ணில் முளைத்தாலும்
மனிதனில் முளைத்தாலும்,
புற்று வளர்ந்து விட்டால்,
பால் ஊற்றத்தான் வேண்டும்.

ரமணியன்