மாணவர்களை அடித்தால் ஆசிரியர்களுக்கு 3 ஆண்டு சிறை

மாணவர்களை அடித்தால் ஆசிரியர்களுக்கு 3 ஆண்டு சிறைத்தண்டனை விதிக்க வகைசெய்து மத்திய அரசு சட்டம் கொண்டு வருகிறது.

புகார்கள்

பள்ளிக்கூடங்களில் ஆசிரிய, ஆசிரியைகள் மீது பல்வேறு விதமான புகார்கள் சமீப காலமாக எழுந்து வருகின்றன. மாணவர்களை அடிப்பதாகவும், குறித்த கடையில்தான் சீருடைகள், புத்தகங்கள், நோட்டு புத்தகங்கள் வாங்க கூறுவதாகவும், தங்களிடம் டிïசன் படிக்குமாறு கட்டாயப்படுத்துவதாகவும் குற்றச்சாட்டுகள் வருகின்றன.

இந்த பிரச்சினைகளை முடிவுக்கு கொண்டு வர மத்திய அரசு, `பள்ளிக்கூடங்களில் நேர்மையற்ற நடவடிக்கைகள் தடுப்புச்சட்டம்' என்ற பெயரில் ஒரு சட்டத்தை இயற்றுகிறது.

வரைவு மசோதா

இதற்கான வரைவு மசோதா தயாராக உள்ளது. இதில் இடம் பெற்றுள்ள முக்கிய அம்சங்கள் வருமாறு:-

*மாணவர்களை அடிக்கக்கூடாது. அவர்கள் தகுதிவாய்ந்த தேர்வுகளை எழுதுவதற்கு தடை விதிக்கக்கூடாது.

*குறைவாக மதிப்பெண் பெற்றதற்காக மாணவர்களை பள்ளியிலிருந்து நீக்கக்கூடாது. அதேபோன்று வேண்டும் என்று மாணவர்களை `பெயில்' ஆக்கக்கூடாது.

நன்கொடை வசூலிக்கக்கூடாது

*பள்ளிக்கூடம் பற்றிய குறிப்பேட்டுக்கு கட்டணம் வசூலிக்கக்கூடாது. மாணவர் சேர்க்கை தேர்வுக்கும் கட்டணம் விதிக்கக்கூடாது. இது தொடர்பான அனைத்து தகவல்களையும் (பள்ளிக்கூடம் பற்றியது, மாணவர் சேர்க்கை தொடர்பானது) இணைய தளத்தில், பள்ளிக்கூட விளம்பர பலகையில் இடம் பெற செய்ய வேண்டும்.

*பள்ளிக்கூட பருவங்களின் இடையில் கட்டணம் வசூலித்தால் அதுவும் ஆராயப்படும்.

*விதிமுறை மீறி கேபிடேஷன் கட்டணம், நன்கொடை வசூலிக்கக்கூடாது.

நோய் காரணமாக நீக்கக்கூடாது

*பள்ளிக்கூடங்கள் தவறான தகவல்களை விளம்பரங்களாக வெளியிட்டால் அதுவும் தண்டனைக்குரிய குற்றம்.

*6-ம் வகுப்பு, 9-ம் வகுப்பு, 11-ம் வகுப்பு ஆகியவற்றில் மாணவர்களுக்கு நுழைவுத்தேர்வு நடத்தி சேர்க்கலாம்.

*எச்.ஐ.வி., எய்ட்ஸ் போன்ற நோய்கள் தாக்கிய மாணவர்களை, நோயை காரணம் காட்டி பள்ளிகளிலிருந்து நீக்க தடை விதிக்கப்படுகிறது.

3 ஆண்டு சிறை

மாணவர்களை அடித்தால் ஆசிரியர்களுக்கு 3 ஆண்டுவரை சிறைத்தண்டனை விதிக்கப்படும் அல்லது அபராதம் விதிக்கப்படும். சில நேரங்களில் இரண்டும் விதிக்கப்படும்.

இந்த வரைவு மசோதா, நவம்பர் 1-ந்தேதி டெல்லியில் நடக்கவுள்ள மத்திய கல்வி ஆலோசனை வாரிய கூட்டத்தில் முன்வைக்கப்படும். அதன்பின்னர் அதை சட்டமாக்க மத்திய அரசு உரிய நடவடிக்கை எடுக்கும்.


தினத்தந்தி

படிப்புக்கு இருந்த கண்டிப்பு என்ற ஒரு ஆயுதம் பறி போய்விட்டதா ??

நல்ல சட்டம் ! ஸ்சுத்தம்.... நல்லாயிருப்பாங்க எல்லாரும்..அருமையான சட்டம்.

அசுரன் wrote:நல்ல சட்டம் ! ஸ்சுத்தம்.... நல்லாயிருப்பாங்க எல்லாரும்..அருமையான சட்டம்.

ஐயா ஜாலி அசுரன் அய்யா இனி அடிக்க முடியாது .....

அசுரன் wrote:நல்ல சட்டம் ! ஸ்சுத்தம்.... நல்லாயிருப்பாங்க எல்லாரும்..அருமையான சட்டம்.

இனிமேல் சிறந்த மாணவர்களை உருவாக்க வேண்டும் என்ற ஆசிரியர்களின் எண்ணம் இந்தச் சட்டத்தின் மூலம் சீர்குழைந்துவிடும் என்றால் அது மிகையாகாது!

சிவா wrote:

அசுரன் wrote:நல்ல சட்டம் ! ஸ்சுத்தம்.... நல்லாயிருப்பாங்க எல்லாரும்..அருமையான சட்டம்.

இனிமேல் சிறந்த மாணவர்களை உருவாக்க வேண்டும் என்ற ஆசிரியர்களின் எண்ணம் இந்தச் சட்டத்தின் மூலம் சீர்குழைந்துவிடும் என்றால் அது மிகையாகாது!

இன்னைக்கு கூட ஒருத்தனை திட்டி தண்டனை கொடுத்தேன். இப்ப இந்த சட்டத்தை நினைத்தால் வெறுப்பா இருக்கு... தவறு செய்பவனை எப்படி திருத்துவது... கெமிஸ்டிரி லேபில் கேஸ் திறந்துவிட்டு ஆசீடை அதில் வீசினான் ஒரு பணக்கார மாணவன். அவனை திட்ட வேன்டாமா? அவனை திட்டினால் ஆசிரியருக்கு ஜெயிலா? நல்ல சட்டம்

அண்ணா சத்தம் போட்டு சொல்லாதீங்க ???
அப்புறம் இதுக்கும் சட்டம் போடுவாங்க ???

இனிமேல் நல்ல மாணவர்களை தமிழகத்தில் பார்க்கவும் முடியாது,அதேபோல் திறமையான ஆசிரியர்களையும் பார்க்க முடியாது.இனிமேல் தமிழன் ஆதி காலத்தில் இருந்தது போல் கல்லாதவனகவே இருப்பான்.

காலத்தின் கோலமிது.