இது உங்கள் இடம்..!

**அருண்** · **அருண்** Mon Oct 29, 2012 1:30 pm

First topic message reminder :

நன்றி: வாரமலர்

வேண்டாம் சுய வைத்தியம்!

என் நண்பனை, தற்செயலாக மருத்துவமனையில் சந்தித்தேன். உடல்நிலை மோசமாகி பலவீனமாகி விட்டான். என்ன பிரச்னை என்று விசாரித்தேன்.
அவனுக்கு ஓயாமல் இருமல் இருந்ததாம். இன்னொரு நண்பர், "பிராந்தியுடன் மிளகுத் தூள் கலந்து சாப்பிடு, இருமலும், சளியும் பறந்து விடும்...' என்று கூறினாராம். அவர் கூறியபடியே இவனும் மிளகுத்தூள் போட்டு பிராந்தி சாப்பிட்டிருக்கிறான். தொண்டையும், வயிறும் புண்ணானதுதான் மிச்சம். அதற்கு தான் சிகிச்சை பெற வந்திருக்கிறான்.
சுய வைத்தியம் எனும் பெயரில், இது போன்ற வைத்தியத்தை பின்பற்றி, உடலை கெடுத்து கொள்ளாதீர். அதோடு, இலவச அறிவுரை என்ற பெயரில், தயவு செய்து மருத்துவ ஆலோசனை வழங்காதீர்கள் நண்பர்களே!

— ஷோபனாதாசன், சிவகங்கை.

**அருண்** · **அருண்** Tue Jul 16, 2013 12:26 pm

கல்வி சுற்றுலாவா? இதையும் கொஞ்சம் பரிசீலிக்கலாமே!

சில தனியார் பள்ளிகளில், கல்வி சுற்றுலா என்ற பேரில் லண்டன், பாரிஸ், ஜெர்மனி, பிரான்ஸ், சிங்கப்பூர், துபாய் என்று அயல் நாட்டு இடங்களைக் குறிப்பிட்டு, மாணவர்களிடையே ஆசையை வளர்த்து, பெற்றோரிடமிருந்து பெருந்தொகையை வசூலிக்கின்றனர்.

இதில், வசதி படைத்த பெரும் பணக்கார பெற்றோரின் பிள்ளைகள் மட்டுமே, பங்கேற்க முடிகிறது. மற்ற மாணவர்களால் இதில் பங்கு பெற முடிவதில்லை. கல்வி சுற்றுலா செல்வதற்கு, இந்தியாவில் எவ்வளவோ முக்கியமான இடங்கள் இருக்கின்றன.

இந்திய பண்பாடு, கலாசாரம் மற்றும் நம் நாட்டின் வெவ்வேறு மாநிலங்களில் வாழும் மக்களின் வாழ்க்கை முறை, தாஜ்மஹால், செங்கோட்டை போன்ற சரித்திர புகழ் பெற்ற இடங்களின் சிறப்பு, இவைகளை பற்றிய அறிவை, பெறும் விதத்தில் மாணவர்களின் கல்வி சுற்றுலா அமைய வேண்டும்.

அப்போதுதான்... நாளைய தலை முறைகளான, இன்றைய மாணவ சமுதாயத்தால், இந்தியா வல்லரசாக மாற, பல நல்ல திட்டங்களை உருவாக்க முடியும். கல்வி சுற்றுலா, எல்லா தரப்பு மாணவர்களும், பங்கு கொள்ளும் விதத்தில் இருக்க வேண்டும்.

சமீபத்தில், "டிவி' சேனல் ஒன்றில், சில மாணவர்களிடையே, "ராஜஸ்தான் எங்கு உள்ளது? அந்த மாநிலத்தை பற்றி நாலு விஷயங்கள் சொல்லுங்கள்...' என்று, நிகழ்ச்சி நடத்துகிறவர் கேட்ட போது, யாரும் சரியாக பதில் அளிக்கவில்லை என்பது, மிகவும் வேதனைக்கும், வெட்கத்துக்கும் உரியதாக இருந்தது. கல்வி சுற்றுலா அழைத்துச் செல்லும் பள்ளிகள் யோசிக்குமா?

— கோ.சிவகுமார், முகப்பேர்.

யினியவன் · யினியவன் Tue Jul 16, 2013 12:33 pm

அருண் அதைவிடக் கொடுமை காலேஜ் மாணவர்களிடம், அலுவலகத்தில் வேலை செய்பவர்கள் இவர்களிடம் ஒரு தொலைக்காட்சி கேள்வி கேட்டது:

கன்னடம் எந்த மாநிலத்தில் பேசுகிறார்கள் அப்புறம் இன்னும் இதேபோல் கேள்விகள் பல - அவர்கள் சொன்ன விடைகளை நான் இங்கே சொன்னால் என்னை அடி முட்டால்ன்னு சொல்லிடுவீங்க.

இன்றைய நிலை இதுதான் - ஜெனெரல் நாளெட்ஜ், காமன் சென்ஸ் இவை எல்லாம் கிலோ என்ன விலை என்று தான் கேட்கணும்.

பூவன் · பூவன் Tue Jul 16, 2013 12:37 pm

கன்னடம் எந்த மாநிலத்தில் பேசுகிறார்கள் அப்புறம் இன்னும் இதேபோல் கேள்விகள் பல - அவர்கள் சொன்ன விடைகளை நான் இங்கே சொன்னால் என்னை அடி முட்டால்ன்னு சொல்லிடுவீங்க.

ஆமாம் கன்னடம் கனடா அங்க மட்டும் தான் பேசராங்க இதில் என்ன சந்தேகம் புன்னகை

அப்புறம் கம்போடியா .

**அருண்** · **அருண்** Tue Jul 16, 2013 12:42 pm

உண்மை தான் யினி அண்ணா!
இப்போது ஆங்கிலம் புலைமை மட்டும் இருந்தால் போதும் எதையும் செய்து விடலாம் என்று நினைக்கிறார்கள்.!

**அருண்** · **அருண்** Tue Jul 16, 2013 12:46 pm

பூவன் wrote:
ஆமாம் கன்னடம் கனடா அங்க மட்டும் தான் பேசராங்க இதில் என்ன சந்தேகம் அப்புறம் கம்போடியா .

பூவன் கன்னடம் கர்நாடகாவில் தாய்மொழி!

**அருண்** · **அருண்** Tue Jul 16, 2013 12:49 pm

அக்கம் பக்கத்தாரை நம்புங்க!

என் தோழி ஒருத்தி, குடும்பத்துடன் நான்கு நாட்கள் சுற்றுலா கிளம்பினாள். அதை தெருவிலுள்ள அனைவரிடமும் கூறி, அண்டை வீட்டுக்காரியிடம், வீட்டுச் சாவியை கொடுத்து, தினமும் மாலை வீட்டுக்குள் விளக்கு போட்டு, பின் அணைக்குமாறு சொல்லி விட்டு கிளம்பினாள்.

"தெரு பூராவும் தம்பட்டம் அடித்து, பக்கத்து வீட்டுல சாவியையும் கொடுத்துட்டு போறியே, எல்லாரும் பொறாமைபடுவாங்களே... கமுக்கமா போக வேண்டியது தானே, சாவியை வேற கொடுத்துட்டு போற... எதையாவது எடுத்துட்டு போனா என்ன செய்வ...' என, கேட்டேன்.

"பைத்தியக்காரி... எல்லாருக்கும் தெரிஞ்சதுனால, முன் பின் தெரியாதவங்க யாரும் வீட்டுப்பக்கம் நடமாடுனா, எல்லாருமே என்ன ஏதுன்னு விசாரிப்பாங்க, பக்கத்து வீட்டுல சாவி இருக்கறதால, நமக்கு தான் நல்லது. நம்மளை நம்பி சாவி கொடுத்துருக்காங்களேன்னு... அவங்க வீட்டை விட, நம்ம வீட்டை கவனமாக பார்த்துக்குவாங்க. வீடு தேடி யார் வந்தாலும், மரியாதையா பதில் சொல்லி அனுப்புவாங்க.

ஆள் இல்லாத வீட்டுக்கு அண்டை விட்டுக்காரங்களையும், தெருக்காரங்களையும் விட, வேறு யாரும் பாதுகாப்பாக இருக்க முடியாது. ஒரு தடவை, இப்படி செய்து பார், புரியும்...' என்றாள்.

யோசித்துப் பார்த்தபோது, இதுவும் சரியாகத்தான் இருக்கும் என்று தோன்றியது.

— ஜி.ராஜரத்னா, தர்மாபுரம்.

பூவன் · பூவன் Tue Jul 16, 2013 12:50 pm

அருண் wrote:
பூவன் wrote:
ஆமாம் கன்னடம் கனடா அங்க மட்டும் தான் பேசராங்க இதில் என்ன சந்தேகம் அப்புறம் கம்போடியா .

பூவன் கன்னடம் கர்நாடகாவில் தாய்மொழி!

ஓ அப்படியா , புன்னகை

Spoiler:

**அருண்** · **அருண்** Tue Jul 16, 2013 12:57 pm

எனக்கும் லைட் ஆஹ் டவுட்டு இருந்தது பூவன்.!

பூவன் · பூவன் Tue Jul 16, 2013 1:15 pm

அருண் wrote:எனக்கும் லைட் ஆஹ் டவுட்டு இருந்தது பூவன்.!

வேணும்னா நம்ம கத்தாரில் இருக்கும் அண்ணாவை கேளுங்க அங்கே கூட கன்னடம் தான்

**அருண்** · **அருண்** Mon Jul 22, 2013 12:43 pm

தோழியிடம் பேசும் போது...

"கோ-எட்' கல்லூரியில், பயிலும் மாணவன் நான். எங்கள் கல்லூரி மாணவி ஒருத்தியின் நட்பு, எனக்கு கிடைத்தது. இருவரும் பொதுவான விஷயங்கள் பேசுவதோடு, ஓட்டலில் காபி, டிபன் சாப்பிடுவது வரை பழகினோம். ஒரு நாள் போனில் பேசும் போது, "எங்கள் வீட்டுக்கு வந்து, ஒரு நாள் தங்கி விட்டுப் போயேன்!' என, விளையாட்டாக கேட்டேன். "ச்சீ... ஆசையைப் பாரு... குரங்கு, பிசாசு...' என, என்னை செல்லமாகத் திட்டினாள்.

உடனே, அவள் என்னோடு நெருக்கமாக பழகுவதாக கருதிய நான், போனிலேயே, ஒரு முத்தம் தருமாறு கேட்டேன். சட்டென போனை, "கட்' செய்து விட்ட அவள், அதன் பின், என்னோடு பேசாமல், என் நட்பையும் துண்டித்து விட்டாள்.

இப்போது நட்பை இழந்த வேதனையில் நான் துடிக்கிறேன். இளைஞர்களே... உங்கள் தோழியரின் நெருக்கத்தை, சரியாக கணிக்காமல், அவசரப்பட்டு இது போல உரிமையோடு பேசி விடாதீர்கள். இது, நட்பையே பாதித்து விடும். பேச்சிலும், செய்கையிலும் சற்று கண்ணியம் இருக்கட்டும். அது, நட்பை பலப்படுத்தும்.

— ஆர். மோகன்ராம், ஸ்ரீவில்லிபுத்தூர்.

Sponsored content · Sponsored content

இது உங்கள் இடம்..!

இது உங்கள் இடம்..!

Re: இது உங்கள் இடம்..!

Re: இது உங்கள் இடம்..!

Re: இது உங்கள் இடம்..!

Re: இது உங்கள் இடம்..!

Re: இது உங்கள் இடம்..!

Re: இது உங்கள் இடம்..!

Re: இது உங்கள் இடம்..!

Re: இது உங்கள் இடம்..!

Re: இது உங்கள் இடம்..!

Re: இது உங்கள் இடம்..!

Re: இது உங்கள் இடம்..!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக