நம்மை நோக்கிய சுட்டு விரல்கள் நம் நன்மைக்கே!

“பார்த்து சார்! உங்க மனைவியின் புடவைத் தலைப்பு சக்கரத்துல சுத்திக்கிடப்போகுது” என்று சாலையில் ஒருவர் எச்சரித்தால் “ரொம்பத் தாங்க்ஸ் சார்” என்கிறார் உரியவர்.
“உங்க காரின் கதவு சரியா சாத்தலை பாருங்க’ என்று சிக்னலில் அருகே நிற்பவர் சொன்னால் அசடுவழியப் புன்னகைத்து நன்றிப் பார்வை பார்க்கிறோம். “சார் பாண்ட் ஜிப்பைப் போடுங்க சார்!” என்று பொது இடத்தில் ஒருவர் சொன்னால் அசடு வழியச் சிரித்து நன்றி சொல்கிறோம். “உங்க பொட்டு கோணலா இருக்கு” என்றால் “தாங்க்ஸ்” என்கிறோம் மனப்பூர்வமாக. ஆனால் “நீங்க நடத்துகிறது நல்லா இல்லை” என்று ஒருவர் சொன்னால் “நீங்க ரொம்ப ஒழுங்காக்கும்?” என்று விஷயத்தைத் திசை திருப்புகிறோம்.
“எப்பவும் நல்லாப் பேசுவீங்க. இன்னைக்கு ரொம்ப ஏமாத்திட்டீங்க” என்று அரங்கிலிருப்பவர் அருகே வந்து குறை சொன்னால், “நீங்க இங்க வந்து நின்று பேசிப் பாருங்க, அப்பத்தான் அதுல உள்ள கஷ்டம் புரியும்” என்று கடுப்படிக்கிற பேச்சாளர்கள் உண்டு.
வங்கி வாசலில் “சார்! உங்க பணம் கீழே கிடக்கு” என்பவன் உங்களது ஒட்டு மொத்தப் பணத்தை அபகரிக்கப் போகிறவன். அவனுக்குக் கூட நன்றி சொல்கிறோம். ஆனால் “பணத்தைத் தொழில்ல இப்படியா இறைப்பது? என்று எவரேனும் நம் நலன் கருதிக் கேட்டால் “போய்யா உன் வேலையைப் பார்த்துக்கிட்டு! எம் பணம் என்ன வேணும்னா பண்ணுவேன்! நீ யாருய்யா என் விஷயத்தில தலையிட?” என்று ஒரு நலம் விரும்பியை ஒரே நமிடத்தில் அந்தியனாக ஆக்கிவிடுகிறோம்.
கம்பெடுத்து விளாசுகிற ஆசிரியர் (இந்தக் காலத்தில் முடியுமா என்ன?), கரண்டியைப் பழுக்கக் காய்ச்சி உடம்பில் சூடு போடுகிற தாய் (இதுவும் நடக்காது) சுவரில் தலையை மோதுகிற தந்தை என இவர்கள் அக்கறையின் பாலும் அன்பாலும் செய்வதைப் பிள்ளைகளாக இருந்த காலத்தில் தவறாகவே உணர்ந்தோம்.
சுட்டுவிரல்களின் முனைகள் சூடாக இருக்கலாம். ஆனால், அதன் பின்னணியில் உள்ள அக்கறையை ஏன் உணர மறுக்கிறோம். கோபம் காட்டி, திசை திருப்பி எதிராளியைக் காயப்படுத்தி தவறுகளைத் தொடர்கிறோம். பேஷ்! பேஷ்!

இனி உணர்வோம்

மிக நன்று யாழவன்!

சுட்டுவிரல்களின் முனைகள் சூடாக இருக்கலாம். ஆனால், அதன் பின்னணியில் உள்ள அக்கறையை ஏன் உணர மறுக்கிறோம். கோபம் காட்டி, திசை திருப்பி எதிராளியைக் காயப்படுத்தி தவறுகளைத் தொடர்கிறோம்.

அருமை..யாழவன்..

மீனு wrote:சுட்டுவிரல்களின் முனைகள் சூடாக இருக்கலாம். ஆனால், அதன் பின்னணியில் உள்ள அக்கறையை ஏன் உணர மறுக்கிறோம். கோபம் காட்டி, திசை திருப்பி எதிராளியைக் காயப்படுத்தி தவறுகளைத் தொடர்கிறோம்.

அருமை..யாழவன்..