காந்தி தேசத் தந்தை இல்லை… அப்படி பட்டம் கொடுப்பது அரசியல் சாசனத்துக்கு எதிரானது! – உள்துறை அமைச்சகம்

kitcha · kitcha Sat Oct 27, 2012 11:10 am

டெல்லி: நாட்டு விடுதலைக்காகப் போராடிய மகாத்மா காந்திக்கு ‘தேசத் தந்தை’ என்ற பட்டம் அளிக்க அரசியல் சட்டத்தில் இடம் இல்லை என்று உள்துறை அமைச்சகம் தெரிவித்துள்ளது.

உத்தரப் பிரதேச மாநிலம் லக்னோவைச் சேர்ந்த 6-ம் வகுப்பு மாணவி ஐஸ்வர்யா. இந்த மாணவிக்கு ஒரு சந்தேகம். காந்திக்கு தேசத் தந்தை என்ற பட்டத்தைத் தந்தது யார்? இதனை அரசியல் சாசனம் அங்கீகரித்துள்ளதா?

இந்த சந்தேகத்தை அந்த மாணவி தன் பெற்றோரிடம் கேட்டிருக்கிறாள். அவர்களுக்கு பதில் தெரியவில்லை. உடனே தன் ஆசிரியர்களிடம் கேட்டாள். அவர்களுக்கும் சரியான பதில் தெரியவில்லை. வழக்கில் உள்ள சொல் என்பதால், காந்திதான் நம் தேசத் தந்தை என்று கூறியுள்ளார்கள். ஆனாலும் இந்த பதிலில் அவர்களுக்கே திருப்தி இல்லாததால், தகவல் அறியும் உரிமைச் சட்டத்தை நாடியுள்ளனர்.

மகாத்மா காந்தி பற்றிய தகவல்களை தருமாறு இந்த RTI சட்டத்தின் கீழ் மனு அனுப்பினார் ஐஸ்வர்யா. அதில் மகாத்மா காந்திக்கு தேசத் தந்தை என்று பட்டம் வழங்கவில்லை என்று தெரிவிக்கப்பட்டிருந்தது.

பின்னர் மகாத்மாவைத் தேசத் தந்தை என்று முறைப்படி அறிவிக்க கோரி குடியரசுத் தலைவருக்கும், பிரதமருக்கும் ஐஸ்வர்யா கடிதம் எழுதினார். மேலும் இது தொடர்பாக மீண்டும் தகவல் அறியும் உரிமை சட்டத்தின் கீழ் மனு தாக்கல் செய்தார்.

இதற்கு பதிலளித்த உள்துறை அமைச்சகம், “மகாத்மா காந்தியை தேசத் தந்தை என குடியரசுத் தலைவர் அறிவிப்பது தொடர்பாக எந்த நடவடிக்கையும் மேற்கொள்ளப்படவில்லை. அரசியல் சாசன சட்டம் பிரிவு 18(1)-ன்படி யாருக்கும் எந்த விதமான பட்டத்தையும் அளிக்க இயலாது. கல்வித் துறை மற்றும் ராணுவத்தைச் சார்ந்தோருக்கு மட்டுமே பட்டங்களை கொடுக்க முடியும். காந்திக்கு தேசத் தந்தை என்று பட்டமளித்தால் அது அரசியல் சாசனத்துக்கு எதிரானதாக போய்விடும்,” என்று கூறியுள்ளது

அசுரன் · அசுரன் Sat Oct 27, 2012 11:49 am

இவங்க கொள்ளை அடிக்கிறது மட்டும் தேசிய சட்டத்துக்கு எதிரானது இல்லையா? போங்கய்யா நீங்களும் உங்க சட்டமும். புன்னகை

**அகல்** · **அகல்** Sat Oct 27, 2012 12:15 pm

அசுரன் wrote:இவங்க கொள்ளை அடிக்கிறது மட்டும் தேசிய சட்டத்துக்கு எதிரானது இல்லையா? போங்கய்யா நீங்களும் உங்க சட்டமும்.

அட விடுங்கண்ணே.. யானை போறது தெரியாது ஆனா கட்டெறும்புக்கு கண்ணி வைப்பானுக இந்த கலவாணி பயலுக....

sureshyeskay · sureshyeskay Sat Oct 27, 2012 3:35 pm

மலைய வுட்டுருவாணுக ...... பிடிச்சிகிருவாணுக போக்கத்தவணுக

Sponsored content · Sponsored content

காந்தி தேசத் தந்தை இல்லை… அப்படி பட்டம் கொடுப்பது அரசியல் சாசனத்துக்கு எதிரானது! – உள்துறை அமைச்சகம்