ஆர்கே கவிதைகள்

பிறந்தநாள்



விண்மீன்களை தாங்கிய வான்வெளியே...
குளிரினை அருளிய பணிதுளியே...
இருளினை அழகாக்கிய நிலவொளியே...
எனக்கென இன்று நீ பிறந்தாயோ...
என் இதயத்தை உனதாக்கி கொண்டாயோ.
 

வாழ்வின் வண்ணம்



மேக கூட்டங்களின் கருநீலம் நீ..
மங்கள சந்தனத்தின் மஞ்சள் நீ..
மல்லிகை பூவின் வெண்மை நீ..
ரோஜா பூவின் சிவப்பும் நீ..
வயல்வெளியின் பசுமை நீ..
என் வாழ்வின் அத்தனை வண்ணமும் நீ..
என் கவிதைகளின் மொத்த எண்ணமும் நீ..
 

கண்ணோடு கண்



வானிலே சிறகடித்து பறக்கும் பறவைகள்…
எழுப்புமணியை இசைக்கும் சேவலின் கூவல்...
திரைசீலைகளை தாண்டி வீசும் இளந்தென்றல்...
ஜன்னலோரம் கேட்கும் மழலையின் அழுகை...
புல் நுனியின் ஓரமாய் மிளிரும் பனித்துளி...
தூரமாய் கேட்கும் அருள்மிகு சுப்ரபாதம்...
காலை கதிரவனின் மெல்லிய வெப்பம்...
இவைகள் எவையும் நினைவுகளை சிதறடிக்கவில்லை...
உன் கண்ணோடு கண் நோக்கும் நேரத்தில்...
 

கவிஞன்



எண்ணங்களுக்கும் பேனாவிற்குமான வார்த்தை போர்
மொழிக்கும் கவிஞனுக்குமான வார்த்தை யுத்தம்
மன ஓட்டத்தை வென்றிட துடிக்கும் எழுத்தோட்டம்
எழுத்தோட்டதை வென்றிட துடிக்கும் மன ஓட்டம்
முடிவில் எழுத்தையும் மனதையும் வீழ்த்தி
வென்றவன் அவனே ஆகிறான் கவிஞன்...
கவிஞன் அழிவதில்லை கவிதையும் அழிவதில்லை
பாவாக வாழ்கிறான் என்றும் நம் மொழியோடு!!!!
 

வெண்பா



வெண்பா எழுத தெரியாததால் என்
அன்பால் எழுதுகிறேன்
பெண்பாலின் இலக்கணம் நீ என்று

 

என்னவோ மாயம் செய்து விட்டாய்



கடந்து வந்த பாதை
முற்களாய் நெருடியது !!
கடக்க போகும் சோலை
பூக்களாய் வருடியது !!
என்னவோ மாயம் செய்து விட்டாய் !!
மனதின் காயம் ஆற்றி விட்டாய் !!
மாயங்கள் செய்தது உன் கண்ணோ !!
தீபங்கள் ஏந்தி வந்த என் பெண்ணோ !! 


நல்லதோர் சமூகம் அமைத்திடுவோம்



எத்தனை பெரியார்கள்
இம்மண்ணில் தோன்றினாலும்
எத்தனை பாரதிகள்
இங்கு வந்து முழங்கினாலும்
நமக்குள் நாமே உணரும்வரை
ஒழிய போவதில்லை
மதம், சாதி என்னும் தொற்று வியாதி

மனிதனை மனிதன்
தரம் பிரித்து பார்க்கும்
கொடிய விஷம் அன்றோ
இதை விட கொடிய
நினைப்பு ஒன்று உலகில் உண்டோ

உந்தன் செயல்கள் தானே
உனக்கு தரும்
உயர்வும் தாழ்வும்
பிறப்பால் வருவதல்ல
உயர்வு தாழ்வு பாகுபாடு

சாதிகள் இல்லையடி பாப்பா
என்பது பாப்பாக்களுக்கு மட்டுமல்ல
மனதளவில் வளராத சாதிவெறி
பிடித்த வெறியர்களுக்கும் தானே.

மதம் பிடித்த யானைகளை சுட்டு
கொல்வது முறை என்றால்
மதம் பிடித்த மனிதர்களும்
கொல்லபட வேண்டியவர்கள் தானே

நாளை வரும் தலைமுறைக்கு
தவறான முன்னுதாரணமாய்
அமைந்து விடாமல்
நல்லதோர் சமூகம்
அமைத்து தந்திடுவோம்
அனைவரும் சமமாய் வாழ...


காத்திருக்கிறேன் உனக்காக நான்



காத்திருக்கிறேன் உனக்காக நான்
என் வீட்டு மொட்டை மாடியில்
பார்வைகள் முழுதும் கருமேகங்களை நோக்கி

மின்னல்கள் நடத்திய வானவேடிக்கையும்
இடி ஒசைகளின் இன்னிசை கச்சேரியும்
உன்னை வரவேற்க தயாராயின

சில் காற்றில் நான் உரைய
முகத்தில் இட்டாய் முதல் முத்தம்
சாரல் துளியாய் என்னிடம் வந்தாய்

மழை துளியாய் என் மீது நீ பொழிந்தாய்
ஸ்பரிசத்தை முழுதாய் நனைய செய்தாய்
உடலையும் உள்ளத்தையும் குளிர்த்து விட்டாய்

காத்திருக்கிறேன் உனக்காக நான்
என் வீட்டு மொட்டை மாடியில்....

சொட்டு நீர்



நீர் வளம் காக்க மானுடம்
செயலிட்ட சொட்டு நீர் பாசனம்
பச்சை தாவரங்களுக்கு மட்டில்லை இனி
பட்சிகளுக்கும் தான் பொருந்தும்

ஏன் வெறுப்பை வீசுகிறாய்



இந்த உயிரற்ற மரங்கள் கூட என்
காதலை புரிந்தது போல
என் மீது பூக்களை வீசுகிறது.
உயிருள்ள பெண்ணே நீ மட்டும்
என் காதலை புரிந்து கொள்ளாமல்
ஏன் வெறுப்பை வீசுகிறாய்.

நான் சொதப்புவேன்



நான் சொதப்பும் ஒவ்வொரு முறையும்
என்னை பார்த்து சிரிக்கும் பெண்ணே
நான் இன்னும் ஆயிரம் முறை சொதப்புவேன்
உன் சிரிப்பை பார்த்து கொண்டே இருப்பதற்காக...