இளைமை ஊஞ்சல் - 6 கதாநாயகிகள் இணைந்து நடித்த திகில் படம்

by **சிவா** Wed Oct 24, 2012 4:57 pm

ஸ்ரீ ப்ரியம் கிரியேஷன்ஸ் என்னும் பட நிறுவனம், `இளமை ஊஞ்சல்' என்ற பெயரில் ஒரு படம் தயாரிக்கிறது.

அடர்ந்த காடுகளில் உருவான திகில் படம் இது. நமீதா, கிரண், மேக்னா நாயுடு, கீர்த்தி சாவ்லா, ஆர்த்தி, ஷிவானி ஆகிய 6 கதாநாயகிகள் நடித்து இருக்கிறார்கள்.

பிறைசூடன் எழுதிய பாடல்களுக்கு, கார்த்திக் பூபதிராஜா இசையமைத்து இருக்கிறார். ஜே.ஜி.கிருஷ்ணன் ஒளிப்பதிவு செய்திருக்கிறார். பட வினியோகஸ்தர் எஸ்.ஆர்.மனோகரன் தயாரிக்க, `மங்கை' அரிராஜன் கதை-திரைக் கதை-வசனம் எழுதி டைரக்டு செய்துள்ளார்.

படத்தை பற்றி டைரக்டர் அரிராஜன், தயாரிப்பாளர் மனோகரன் ஆகிய இருவரும் கூறியதாவது:-

``திடுக்கிடும் திருப்பங்களும், மர்ம முடிச்சுகளும் நிறைந்த `சஸ்பென்ஸ்' படம் இது. 5 இளம்பெண்களை தீவிரவாதிகள் கடத்தி சென்று, அடர்ந்த காட்டுக்குள் சிறை வைக்கிறார்கள். அந்த ஐந்து பெண்களையும் மீட்பதற்கு ஒரு பெண் போலீஸ் அதிகாரி தன் உயிரை பணயம் வைத்து காட்டுக்குள் செல்கிறார்.

5 பெண்களையும் அவர் மீட்டாரா, இல்லையா? என்பதே கதை. இதில், பெண் போலீஸ் அதிகாரியாக நமீதா நடித்து இருக்கிறார்.

இந்த படத்தின் கதைக்கு கவர்ச்சி தேவை என்பதால், இதில் நடித்திருக்கும் நடிகைகள் கதையின் தன்மையை புரிந்துகொண்டு, உடல் அழகை வெளிப்படுத்தியிருக்கிறார்கள்.

ஒகேனக்கல், பெங்களூர், மைசூர், ஐதராபாத் ஆகிய இடங்களில் படப்பிடிப்பு நடந்திருக்கிறது.''