மலடியின் குழந்தை

ருக்மணி · ருக்மணி Wed Oct 24, 2012 5:17 pm

வானத்தில் மலர்ந்த
மலர் போல
வையத்தில் வீழ்ந்த
நட்சத்திரம் போல
காலையில் உதிக்கும்
நிலவு போல
மாலையில் மிளிரும்
சூரியன் போல
முரண்பாடு ஆனது
குழந்தை மீதான
என் ஆசையும்...

காண கொடுத்த
கண்களை
கண்ணீர் சிந்த
பயன்படுத்துவதில்
பயனேதும் இல்லை.
பண்பட்டது நெஞ்சம்.....

அமைத்தேன் ஒரு ராஜாங்கம்
அதில் ஆனேன் ராணி..
என் நாட்டில்
எத்தனை எத்தனை
குட்டி இளவரசர்கள்
குட்டி இளவரசிகள்..
காண கண் கோடியும்
கேட்க லட்சம் காதுகளும்
வேண்டினேன் இறைவனை...

வேளைக்கு ஒரு குழந்தை
என்னை மகிழ்வித்தது
தாலாட்ட ஒன்று
சோறூட்ட ஒன்று
சமாதானபடுத்த ஒன்று
அரவணைக்க ஒன்று
மழலை மொழியில் பாட ஒன்று
கை கோர்த்து ஆட ஒன்று
பள்ளிக்கு அனுப்ப ஒன்று
பாடம் கற்று கொடுக்க ஒன்று
என்று விதவிதமாய்
மழலைகள் பட்டாளம்
என்னை கொள்ளையிட்டது...

பிள்ளையில்லா குறை நீங்கி
பிள்ளைகளுக்கு குறைவில்லா
நிலை வந்தது
என் ராஜாங்கத்தில்...
பூந்தேரில் பவனி வந்தனர்
குட்டி இளவரசர்கள்...
பொன்னூஞ்சலில் ஆடினர்
குட்டி இளவரசிகள்...
இவையெல்லாம் நடந்தது
என் கனவில் அல்ல..
நிஜம் தான்...
கடவுளின் குழந்தைகள் இல்லத்தில்...

அசுரன் · அசுரன் Wed Oct 24, 2012 6:06 pm

கடவுளின் சேவை... கடவுளின் இல்லத்தை பராமரிப்பதும் ஒரு புண்ணியமே.. தாய் தந்தையற்றவர்களுக்கு தெய்வமே துணை.. நெஞ்சை வருடும் கவிதை.. சோகத்திலும் சுகம்

இந்த பதிவைத் துவங்கியவர் நன்றி கூறியுள்ளார் அசுரன்

பூவன் · பூவன் Wed Oct 24, 2012 8:31 pm

கண்ணீர் கவிதை , கண்ணீருக்கு மதிப்பில்லாமல் போனது கண்கவரும் இந்த மழலைகளின் சிரிப்பிலே ...
மகிழ்ச்சி

**அகல்** · **அகல்** Wed Oct 24, 2012 8:46 pm

ஏக்கங்களை தூரப்போட்டு எதார்த்தத்தைக் கற்றுக்கொள்ள தூண்டும் வரிகள்.. அருமை.. கவிதையை விட எனக்கு தலைப்பு மிகவும் பிடித்தது... வாழ்த்துக்கள் ருக்மணி..

**கரூர் கவியன்பன்** · 23/09/2012

அருமையான வரிகளால் அர்த்தங்களை ஆழம் வரை சென்று பதம் பார்த்தது அருமை. நன்று

தர்மா · தர்மா Wed Oct 24, 2012 10:45 pm

கவிதை அருமை ஆனால் தலைப்பு பிடிக்கவில்லை பெண்ணை அவ்வார்தையால் கூப்பிடுவது சகிக்கமுடியாது. பெண் சக்தி, சரஸ்வதி லக்ஷ்மி அதுவே அழகு அவளுக்கு குழந்தை இல்லாவிட்டாலும்

ஜலஜா சிவகுமார் · 05/10/2012

ஒவ்வொரு பெற்றோர்க்கும்
குறைந்தது
இரண்டு குழந்தைகள் கொடுத்த இறைவன்
ஒரு சில குழந்தைகளுக்கு
பெற்றோரை கொடுக்கவில்லை
ஏன் தெரியுமா ?
அவர்களுக்கு பதிலாக
வாழும் இறைவனாக
இப்படி
சில குழந்தை இல்லாத தம்பதிகளை
அனுப்பி உள்ளார்
மரத்தை வைத்தவன் தண்ணீர் ஊற்றுவான்
அனாதை குழந்தைகளை உருவாக்கியவன்
பெற்றோர்களையும் சேர்த்து தான் உருவாக்குகிறான்

**ஜாஹீதாபானு** · **ஜாஹீதாபானு** Thu Oct 25, 2012 3:27 pm

வரிகள் அருமை சூப்பருங்க

**பார்த்திபன்** · 24/07/2011

நல்ல கவிதை. வாழ்த்துகள்!

ருக்மணி · ருக்மணி Fri Oct 26, 2012 10:10 am

தர்மா wrote:கவிதை அருமை ஆனால் தலைப்பு பிடிக்கவில்லை பெண்ணை அவ்வார்தையால் கூப்பிடுவது சகிக்கமுடியாது. பெண் சக்தி, சரஸ்வதி லக்ஷ்மி அதுவே அழகு அவளுக்கு குழந்தை இல்லாவிட்டாலும்

தோழரே எனக்கும் பெண்ணை அப்படி விளிப்பதில் உடன் பாடு இல்லை.. எனினும் கவிதைக்கு தலைப்பு தேடும் போது இது தான் தோன்றியது .. கருத்துக்களுக்கு நன்றி

Sponsored content · Sponsored content

மலடியின் குழந்தை

மலடியின் குழந்தை

Re: மலடியின் குழந்தை

Re: மலடியின் குழந்தை

Re: மலடியின் குழந்தை

Re: மலடியின் குழந்தை

www.karurkaviyanban.blogspot.in

Re: மலடியின் குழந்தை

Re: மலடியின் குழந்தை

Re: மலடியின் குழந்தை

Re: மலடியின் குழந்தை

மலடியின் குழந்தை

Re: மலடியின் குழந்தை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக