நீங்கள் வெறுப்பது தொடர்ந்து நிகழ்கிறதா?

நீங்கள் விரும்புகிறீர்களா விரும்பவில்லையா என்பதை உணராமலேயே உங்கள் வட்டத்தினர் உங்கள்முன் சில செயல்களை நிகழ்த்திக் கொண்டே இருக்கிறார்கள்.
நீங்களோ உங்கள் உணர்வுகளை வெளிக்காட்டாமலேயே இருக்கிறீர்கள். சில நேரங்களில் உணர்வுகளை வெளிகாட்டினால் சண்டை வந்துவிடும். பிரச்னையாகிவிடும் என்று உங்களுக்குள் நினைத்துக் கொள்கிறீர்கள். உங்களைத் சுற்றியிருப்பவர்களோ உங்கள் உணர்வுகள் வெளிப்படாததாலோ என்னவோ அதே தவறைத் தொடர்ந்து செய்து கொண்டிருக்கிறார்கள்.
சில நேரம் நீங்கள் சமாதானம் அடைந்தாலும் உள்ளுக்குள் நீங்கள் வெறுப்புணர்வையும் சலிப்பையும் சேமித்துக் கொண்டே வருகிறீர்கள்.
இது வம்பான விஷயம். காரணம் உங்கள் மனம் உங்கள் கட்டுப்பாட்டில் இல்லாத நேரத்தில் வார்த்தைகள் வெடித்துச் சிதறும்.
எப்படித் தெரியுமா?
“நானும் போனால் போகட்டும்னு பொறுமையா இருந்தா, நீ பண்ற அக்கிரமத்துக்கு அளவே இல்லாமல் போயிட்டிருக்கு. என்ன நினைச்சிட்டிருக்கே உன் மனசுல? பொறுமையைச் சோதிக்கிறதுக்கும் ஓர் எல்லை வேண்டாமா?” என்று ஆரம்பித்து கூரை வரை குதிக்கிறீர்கள்.
இந்த எரிச்சல் நிகழ்ச்சி மீண்டும் நிகழாது என்று நீங்கள் நம்ப இடமிருந்தால் விட்டு விடுங்கள். திரும்பவும் நிகழும் என்றால், இது எனக்குப் பிடிக்கலை என்பதை மிக மென்மையாக ஆரம்பித்திலேயே உணர்த்திவிடலாம்.
நீங்கள் பலர்முன் கேலி செய்யப்படும்போது நம்மால் ஒரு சிரிப்பலை எழுந்ததே என மகிழும் மனப் பக்குவம் உங்களுக்கு இல்லை என்றால் உங்களைக் கேலி செய்பவரை இச்சம்பவம் ஓய்ந்தபிறகு தனியே அழைத்துச் சொல்லிவிடலாம். நீங்கள் இதைத் தவறாக எடுத்துக் கொள்ளவில்லை என்று அவராகக் கற்பனை செய்து கொள்ளும் போதுதான் தவறுகள் தொடர்கின்றன.
ஆக, தவறு உங்களிடமிருந்துதான் ஆரம்பிக்கிறது என்பேன்!

தீதும் மன்றும் பிறர் தர வாரா !தங்களின் கருத்து சரியே!

யாழவன் wrote:சில நேரங்களில் உணர்வுகளை வெளிகாட்டினால் சண்டை வந்துவிடும். பிரச்னையாகிவிடும் என்று உங்களுக்குள் நினைத்துக் கொள்கிறீர்கள்.

ஆக, தவறு உங்களிடமிருந்துதான் ஆரம்பிக்கிறது என்பேன்!

சிந்தனையை தூண்டுகிறது!
நல்ல பதிவு, நன்றி யாழவன்!

வணக்கம்
சகோதரி சோக்கி
யாதும் ஊரே யாவரும் கேளிர் என்ற கணியன் பூங்குன்றனின் பாடலில் வருகிறது இந்த வரிகள்'
அது இவ்வாறு இருக்க வேண்டும்
தீதும் நன்றும் (மன்றும் அல்ல) பிறர் தர வாரா
என் சகோதரி எழுத்தில் பிழை இருக்கலாகாது என்ற நோக்கத்தில் எழுதினேன்
அன்புடன்
நந்திதா

அது எழுத்து பிழை அக்கா மனிக்கவும் .இனி வராமல் பார்த்துக்கொள்வேன் .கண்டிக்க தங்களுக்கு உரிமை உண்டு.

இது எனக்குப் பிடிக்கலை என்பதை மிக மென்மையாக ஆரம்பித்திலேயே உணர்த்திவிடலாம்.