ஆர்கா எனப்படும் கில்லர்வேல்ஸ்

by **சிவா** Wed Oct 24, 2012 1:48 pm

திமிங்கல வகைகளில் பயமுறுத்தக் கூடியது ஆர்கா எனப்படும் கில்லர்வேல்ஸ் வகைகள். பொதுவாக கடலுக்குள் வெள்ளைச்சுறா தான் ஆபத்து என்பார்கள். இது அதையும் வேட்டையாடி விடும். அதனால் எந்தச் சுறா என்றாலும் இந்தச் சுறாவைப் பார்த்தால் உயிர் காக்கும் ஓட்டத்தை தொடங்கி விடும்.

இந்த ஆர்கா வகைகள் கூட்டமாய் வேட்டையாடும். இவை டால்பின் வகை என்றாலும், டால்பின்களைப் பார்த்தாலும் இரையாக்கிக் கொண்டுவிடும்.

இந்த ஆர்காவின் குட்டிகளை சுறாக்கள் வேட்டையாட முயலும். அப்போது தாய் ஆர்கா அவற்றை ஒரே முட்டாக முட்டித் தள்ளி தலை குப்புற திருப்பிப் போட்டு விடும். அதன்பிறகு அந்த சுறா மீண்டும் திரும்பி இயல்புக்கு வருவதற்கு நேரம் பிடிக்கும். அதற்குள் அந்த சுறா உயிரோடு இருக்குமா என்பது சந்தேகம். இதனால் குட்டி ஆர்காக்களை வேட்டையாட வரும் சுறாக்கள் ரொம்பவும் யோசிக்கும். சுற்று வட்டாரத்தில் தாய் ஆர்கா கண்ணில் படவில்லை என்று தெரியவந்த பிறகே அதை வேட்டையாடத் துணியும்.

ஆர்கா திமிங்கலம் சீல்களை விரும்பி உண்ணும். சீல்களை இவை பிடிப்பதே தனியழகு. ரொம்ப கிட்டத்தில் ஓசைப்படாமல் வந்து திடீரென தண்ணீரை அதிரடியாக கலக்கும். இந்த திடீர் அதிர்ச்சியில் நிலை குலைந்து போகும் சீல்கள், என்ன ஏதென்று சுதாரிப்பதற்குள் ஆர்காவின் வயிற்றுக்குள் இரையாக இருக்கும்.

சமயத்தில் மனிதர்களையும் இவை தாக்கும் என்பது மட்டும் தான் இந்த சுறாக்களின் சாகசத்தை ரசிக்க முடியாமல் செய்கிறது.

தினத்தந்தி