இப்போ -1

புத்தர் என்பதன் பொருள் விழித்து கொண்டவர் என அர்த்தப்படும் ஆனால் புத்தரின் வாழ்வை காணுங்கள் தனது மனைவி குழந்தை தேசம் இவற்றை விட்டு செல்கிறார் ஒரே ஒரு விஷயம் மட்டுமே அவரது இந்த துறவுக்கு காரணம் அது மரண பயம். மரணத்தை வெல்லும் வழி தேடியே புத்தர் கானகம் செல்கிறார் பல்வேறு தவங்கள் புரிந்து வேறு பல சமய வழிமுறைகளை நாடியும் அவற்றால் அவருக்கு பயனில்லை. இறுதியில் புத்தர் ஞானம் பெற்றார் அது இந்த கணம் மட்டுமே நிஜம். இதுதான் ஜென் மதத்தின் பிரதான ஆணிவேர் என கூட கூறலாம், இன்னுமொரு விஷயம் ஜென் மதத்தின் பிறப்பிடம் இந்தியா, ஆமாம் தியான் என்ற சமஸ்க்ரித்த சொல்லே ஜென் ஆனது இது எப்படி சாத்தியமெனில் புத்தருடைய பாலி மொழியில் தியானம் என்ற பொருளுக்கு ஜனா என்ற சொல்லை பயன்படுத்தினார். பிறகு போதி தருமர் புத்த சமயத்தை சீனாவில் பரப்பினார், அங்கிருந்து ஜப்பான் சென்ற ஜனா ஜென் ஆகா உருவெடுத்து இன்று அதனை புதிய விஷயமாக நாம் காண்கிறோம்.

இந்த நொடி என்பதை ஜென் எப்படி பார்க்கிறது என பார்ப்போம். தனது சத்சங்கத்தில் புத்தர் ஒரு வினாவை உதிர்க்கிறார் "ஒரு மனிதனின் வாழ்நாள் எவ்வளவு " இதற்க்கான பதிலை ஒவ்வொருவரும் ஒவ்வொரு வகையில் கூறுகின்றனர், ஐம்பது, நூறு, அறுபது, எழுபது, என்பது, அத்தனையும் மறுத்த புத்தரின் பதில் "மனிதனின் மூச்சு காற்று மட்டுமே அவனது ஆயுள்" ஆம் மூச்சு காற்று நிகழ்காலத்தில் இயங்க வேண்டும். இதுதான் சூட்ச்சுமம், வாழ்கின்ற வாழ்வை முழுவதும் அனுபவி, இந்த நொடியை ஏற்று கொள், இன்னுமொரு வகையில் சொல்வதானால் சரணடைந்து விடுங்கள்.

சரணடைந்து விடுங்கள் என சொல்வது சிலருக்கு ஒவ்வாத விஷயமாக தோன்றலாம் ,அதாவது சரணடைதல் என்றால் இருப்பதை ஏற்று கொள், இந்த நொடியை ஏற்று கொள்ளுங்கள், அப்படியே என்பதே. இந்த கணத்தில் நீங்கள் உயிர்ப்புடன் இருங்கள். உங்கள் உடலில் இருக்கும் செல்கள் ஒவ்வொரு நிமிடமும் கோடிக்கணக்கில் புதியதும் பழையதுமாக பிறந்தும் இறந்தும் கொண்டுள்ளது , நீங்கள் மட்டும் என் பழைய மனிதராக வாழ வேண்டும்?

முக்கியமான கேள்வி இந்த நிமிடம் வாழ்வது சரி , ஆனால் எனக்கு என்று சில கடமை உள்ளது அல்லவா பொருளீட்ட வேண்டும். இதெல்லாம் செய்ய வேண்டுமென்பதை நினைவில் கொள் என சில நண்பர்கள் கூறலாம். முதலாவதாக அவர்களுக்கு கூற விரும்புவதெல்லாம் நீங்கள் கனா கண்டு கொண்டும், கவலையில் ஆழ்ந்தும் இருந்தால் உங்கள் செயல் திறன் மாட்டுப்படும் நதியை போல பிரவாகம் கொள்ள வேண்டிய உங்கள் வாழ்வு தேங்கி சாக்கடையாக மாறி விடும் என்பதையும் நினைவில் கொள்ளுங்கள் இதற்க்கான வழி முறைகள் தான் என்ன?

நல்ல தொடர் தொடரட்டும்

நீண்ட இடைவெளிக்கு பிறகு மனியஜித்தின் பதிவை காண்கிறேன் , தொடரட்டும்

//நீங்கள் கனா கண்டு கொண்டும், கவலையில் ஆழ்ந்தும் இருந்தால் உங்கள் செயல் திறன் மாட்டுப்படும் நதியை போல பிரவாகம் கொள்ள வேண்டிய உங்கள் வாழ்வு தேங்கி சாக்கடையாக மாறி விடும் என்பதையும் நினைவில் கொள்ளுங்கள் //

unara vendiya varigal