இணையதளம் மூலம் பெண்களை இழிவுபடுத்தினால் உடனடி கைது; 3 ஆண்டுகள் ஜெயில்

**சிவா** · **சிவா** Tue Oct 23, 2012 1:55 pm

இணையதளம் மூலம் அவதூறு பரப்பி பெண்களை இழிவு படுத்தினால், உடனடியாக ஜாமீனில் வெளிவர முடியாமல், கைது செய்யப்படுவார்கள் என்றும், கோர்ட்டில் குற்றம் நிரூபணமானால், 3 ஆண்டுகள் ஜெயில் தண்டனை கிடைக்கும் என்றும், போலீஸ் கமிஷனர் ஜார்ஜ் தெரிவித்தார்.

இதுதொடர்பாக அவர் நேற்று மாலை நிருபர்களுக்கு அளித்த ஒரு பேட்டியில் கூறியதாவது:-

கடும் நடவடிக்கை

பாடகி சின்மயி கொடுத்த புகார் அடிப்படையில் வழக்குப்பதிவு செய்து 2 பேர் கைது செய்யப்பட்டுள்ளனர். மேலும் 3 பேரை இந்த வழக்கில் தேடி வருகிறோம். இது போல் இணையதளத்திலும், பேஸ்புக்கிலும் பெண்களை இழிவு படுத்தி தகவல் அனுப்பினால் தயவு தாட்சண்யம் இல்லாமல் கடும் நடவடிக்கை எடுக்கப்படும். இதுபோன்ற சம்பவங்களில் குற்றவாளிகள் யார் என்பதை கண்டுபிடித்து போலீசாரால் நடவடிக்கை எடுக்க முடியாது என்று நினைக்கிறார்கள். அது தவறு. இது போன்ற புகார்களில் குற்றவாளிகளை எளிதில் பிடித்து விடுவோம்.

சென்னை சைபர் கிரைம் போலீசில் இது போன்ற 19 புகார் மனுக்கள் தற்போது விசாரணையில் உள்ளது. இன்று(நேற்று) கூட பிளஸ்-2 மாணவி ஒருவரை, இது போல் இணையதளத்தில் அவதூறு பரபரப்பி தொல்லை கொடுத்ததால், அவர் கடுமையான பாதிப்புக்கு உள்ளாகி இருக்கிறார் என்று அவரது பெற்றோர் புகார் கொடுத்துள்ளனர். கடந்த 2 மாதங்களாக அவர் எந்தவித செயல்பாடும் இல்லாமல் மன ரீதியாக பாதிப்படைந்துள்ளார்.

காதலன்-காதலி

சமீபத்தில் இளம்பெண் ஒருவரும் என்னிடம் புகார் கொடுத்தார். காதலை நிராகரித்ததால், தனது காதலன், பேஸ்புக்கில் நான் ஏற்கனவே திருமணமாகி விட்டதாக தவறான தகவலை பரப்பி விட்டதாக தெரிவித்தார். இந்த தவறான தகவலை காதலன் வெளியிட்டதால், அந்த பெண்மணி தற்கொலைக்கு முயன்றுள்ளார்.

மதுரை மற்றும் செஞ்சியில் இது போன்ற பிரச்சினையில் சிக்கி 2 பெண்கள் தற்கொலை செய்துள்ளனர். இதுபோல் பிரச்சினை வரும்போது, பெண்கள் தவறான முடிவுக்கு போகக்கூடாது. துணிச்சலாக போலீசுக்கு புகார் கொடுக்க வரவேண்டும். குற்றவாளிகளை நாங்கள் கைது செய்து, ஜாமீனில் வெளிவர முடியாத தகவல் தொழில்நுட்ப சட்டம் மற்றும் பெண்கள் வன்கொடுமை தடுப்பு சட்டத்தின் கீழ் ஜெயிலில் அடைப்போம்.

3 ஆண்டுகள் ஜெயில்

இந்த சட்டப்பிரிவுகளில் குற்றம் நிரூபணமானால் அபராதத்தோடு 3 ஆண்டுகள் கோர்ட்டில் ஜெயில் தண்டனை கிடைக்கும். இது போன்ற வழக்குகளை விசாரிக்கும் சென்னை சைபர் கிரைம் போலீஸ் மேலும் பலப்படுத்தப்படும். தற்போது சைபர் போலீசில் 2 உதவி கமிஷனர்கள் உள்பட 25 போலீசார்தான் உள்ளனர்.

இவ்வாறு கமிஷனர் ஜார்ஜ் தெரிவித்தார். பேட்டியின் போது, உளவுப்பிரிவு இணை கமிஷனர் வரதராஜு உடன் இருந்தார்.

தினத்தந்தி

balakarthik · balakarthik Tue Oct 23, 2012 1:59 pm

என்னத்தான் கடுமையான சட்டம் இருந்தாலும் தண்டனை இருந்தாலும் இந்த மாதிரி பெண்களும் கொஞ்சம் ஜாக்கிரதையாக இருக்கவேண்டியதுத்தான் இதில் முக்கியம் ஊசி இடம் கொடுக்காமல் நூல் எப்படி நுழையும்

**ராஜா** · **ராஜா** Tue Oct 23, 2012 2:02 pm

balakarthik wrote:என்னத்தான் கடுமையான சட்டம் இருந்தாலும் தண்டனை இருந்தாலும் இந்த மாதிரி பெண்களும் கொஞ்சம் ஜாக்கிரதையாக இருக்கவேண்டியதுத்தான் இதில் முக்கியம் ஊசி இடம் கொடுக்காமல் நூல் எப்படி நுழையும்

மிகச்சரி , பாலாகார்த்திக் . இவர்களாக தங்களின் தலையில் மண்ணை அள்ளிபோட்டுகொண்டு மற்றவர்களை குறை சொல்வார்கள்

balakarthik · balakarthik Tue Oct 23, 2012 2:08 pm

ராஜா wrote:மிகச்சரி , பாலாகார்த்திக் . இவர்களாக தங்களின் தலையில் மண்ணை அள்ளிபோட்டுகொண்டு மற்றவர்களை குறை சொல்வார்கள்

ஆமாம் தல இவுங்களே எல்லா தகவல்களையும் கொடுப்பது அப்புறம் ஊருக்கு போனது டூருக்கு போனது பிறந்தநாள் வளர்ந்த நாலுன்னு எல்லா புகைப்படங்களையும் பதிவது அப்புறம் இப்படி குமுறி குமுறி அழுவது இதுங்க கிட்ட பேஸ்புக் ட்விட்டர் என்னான்னு தெரியாதுன்னு சொல்லுங்க ஏதோ வேற்று கிரக வாசியைபோல் ஏளனமாக பாப்பாங்க அப்புறம் இத செஞ்சான் அதா செஞ்சானுன்னு மெகா சீரியலை ஆரம்பிச்சுடுவாங்க

மொட்ட மாடியில வத்தல் செய்வது எப்படிங்கற புக்க படிக்கும்பொழுதே பிகரை கரெக்ட் பண்ணுற பசங்க பேஸ்புக்கை கண்டா சும்மாவா இருப்பாங்க

**அகல்** · **அகல்** Tue Oct 23, 2012 2:17 pm

ஆமா இணையதளம் மூலம் ஆண்களை இழிவுபடுத்தினால் உடனடி கைது; 3 ஆண்டுகள் ஜெயில் இதெல்லாம் இல்லையா..?? குறைந்த பட்சம் மூணு நாலாவது இருக்கா..?? தெரிஞ்சா கொஞ்சம் சொல்லுங்கோ.. ஹி ஹி...

அசுரன் · அசுரன் Tue Oct 23, 2012 2:22 pm

இணையதளம் மூலம் ஆண்களை இழிவுபடுத்தினால் சர்ப்ரைஸ் கிப்ஃடாம் புன்னகை

balakarthik · balakarthik Tue Oct 23, 2012 2:22 pm

அகல் wrote:ஆமா இணையதளம் மூலம் ஆண்களை இழிவுபடுத்தினால் உடனடி கைது; 3 ஆண்டுகள் ஜெயில் இதெல்லாம் இல்லையா..?? குறைந்த பட்சம் மூணு நாலாவது இருக்கா..?? தெரிஞ்சா கொஞ்சம் சொல்லுங்கோ.. ஹி ஹி...

அதுக்கெல்லாம் நீங்க சரி பட்டு வரமாடிங்கனு நினைக்கிறாங்களோ என்னவோ அகல்

சென்னையன் · சென்னையன் Tue Oct 23, 2012 2:34 pm

அகல் wrote:ஆமா இணையதளம் மூலம் ஆண்களை இழிவுபடுத்தினால் உடனடி கைது; 3 ஆண்டுகள் ஜெயில் இதெல்லாம் இல்லையா..?? குறைந்த பட்சம் மூணு நாலாவது இருக்கா..?? தெரிஞ்சா கொஞ்சம் சொல்லுங்கோ.. ஹி ஹி...

ஆம் கரெக்க்டா சொன்னீர்கள்.அப்படி நடந்தால்.நாம் மனதை தேற்றி கொள்ள 3 ஆண்டுகள் டாஸ்மார்க சரக்கை இலவசமாய் தர பேசி கொண்டு உள்ளார்கள்.

**அகல்** · **அகல்** Tue Oct 23, 2012 2:45 pm

எனக்கென்னவோ ஆண்கள் வன்கொடுமைச் சட்டம் இனி இயற்றவேண்டிய கட்டாயம், கட்டாயம் வருமுனு தோணுது புன்னகை

...

balakarthik · balakarthik Tue Oct 23, 2012 2:47 pm

அகல் wrote:எனக்கென்னவோ ஆண்கள் வன்கொடுமைச் சட்டம் இனி இயற்றவேண்டிய கட்டாயம், கட்டாயம் வருமுனு தோணுது ...

அய்யய்யோ அப்புறம் கதை அல்ல நிஜம் , சொல்வதெல்லாம் உண்மை போன்ற நிகழ்சிகளை ஆண்கள் தொகுத்து வழங்குவார்களா

Sponsored content · Sponsored content

இணையதளம் மூலம் பெண்களை இழிவுபடுத்தினால் உடனடி கைது; 3 ஆண்டுகள் ஜெயில்

இணையதளம் மூலம் பெண்களை இழிவுபடுத்தினால் உடனடி கைது; 3 ஆண்டுகள் ஜெயில்

Re: இணையதளம் மூலம் பெண்களை இழிவுபடுத்தினால் உடனடி கைது; 3 ஆண்டுகள் ஜெயில்

Re: இணையதளம் மூலம் பெண்களை இழிவுபடுத்தினால் உடனடி கைது; 3 ஆண்டுகள் ஜெயில்

Re: இணையதளம் மூலம் பெண்களை இழிவுபடுத்தினால் உடனடி கைது; 3 ஆண்டுகள் ஜெயில்

Re: இணையதளம் மூலம் பெண்களை இழிவுபடுத்தினால் உடனடி கைது; 3 ஆண்டுகள் ஜெயில்

Re: இணையதளம் மூலம் பெண்களை இழிவுபடுத்தினால் உடனடி கைது; 3 ஆண்டுகள் ஜெயில்

Re: இணையதளம் மூலம் பெண்களை இழிவுபடுத்தினால் உடனடி கைது; 3 ஆண்டுகள் ஜெயில்

Re: இணையதளம் மூலம் பெண்களை இழிவுபடுத்தினால் உடனடி கைது; 3 ஆண்டுகள் ஜெயில்

Re: இணையதளம் மூலம் பெண்களை இழிவுபடுத்தினால் உடனடி கைது; 3 ஆண்டுகள் ஜெயில்

Re: இணையதளம் மூலம் பெண்களை இழிவுபடுத்தினால் உடனடி கைது; 3 ஆண்டுகள் ஜெயில்

Re: இணையதளம் மூலம் பெண்களை இழிவுபடுத்தினால் உடனடி கைது; 3 ஆண்டுகள் ஜெயில்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக