மழைநீர் சேகரிப்பு போல சூரிய மின்சாரம் கட்டாயமாக்கப்படும். ஜெயலலிதா அதிரடி அறிவிப்பு.

முதலமைச்சர் ஜெயலலிதா இன்று வெளியிட்ட 'தமிழ்நாடு சூரியசக்தி கொள்கை'யில் வீட்டுக் கூரைகளில் சூரிய சக்தி கருவிகள் பெருமளவில் பொருத்த நடவடிக்கை மேற்கொள்ளப்படும் என தெரிவிக்கப்பட்டுள்ளது.

இது தொடர்பாக தமிழக அரசு வெளியிட்டுள்ள செய்தி குறிப்பில்,"2015 ஆம் ஆண்டுக்குள் சூரிய சக்தி மூலம் 3 ஆயிரம் மெகாவாட் மின்சாரம் உற்பத்தி செய்ய இலக்கு நிர்ணயிக்கப்பட்டுள்ளது.மின் உற்பத்தி அடிப்படையிலான ஊக்கத்தொகை வழங்கவும் முதல்வர் உத்தரவிட்டுள்ளார். அரசு உள்ளாட்சி அலுவலக கட்டிடங்களில் சூரிய சக்தி கருவி பொருத்தவும் திட்டமிடப்பட்டுள்ளது.

சூரிய சக்தி பூங்காக்களை உருவாக்குதல், வீட்டு உபயோக மின் நுகர்வோர்கள் மேற்கூரை சூரியசக்தி அமைப்புக்களை நிறுவ ஊக்குவிக்கும் வகையில் மின் உற்பத்தி அடிப்படையிலான ஊக்கத்தொகை அளித்தல் ஆகியவை சூரியசக்தி கொள்கையின் சிறப்பு அம்சங்களாகும்.


அனைத்து புதிய அரசு கட்டடங்கள் / உள்ளாட்சி நிறுவனங்களின் கட்டடங்களில் சூரிய சக்தி மேற்கூரை சாதனங்கள் அமைப்பது கட்டாயமாக்கப்படும்.

தற்போதுள்ள அரசு மற்றும் உள்ளாட்சி நிறுவனங்களின் கட்டடங்களில் சூரிய சக்தி மேற்கூரை சாதனங்கள் அமைப்பது படிப்படியாக செயல்படுத்தப்படும்.

உள்ளாட்சி நிறுவனங்களின் அனைத்து தெரு விளக்குகள் மற்றும் குடிநீர் வழங்கும் அமைப்புகள் படிப்படியாக சூரிய சக்தியைக் கொண்டு இயக்கப்படும்.

பெரும் தொழிற்சாலைகள் மற்றும் உயர் அழுத்த மின் நுகர்வோர் குறிப்பிட்ட சதவீத மின்சாரத்தை சூரிய சக்தி மின்சாரத்திலிருந்து பயன்படுத்த வேண்டும்.சூரிய சக்தி சாதனங்களைத் தயாரிப்பவர்களுக்கு ஊக்கத் தொகை அளிக்கப்படும்” என மேலும் தெரிவிக்கப்பட்டுள்ளது.

நன்றி தமிழ் source

இந்த அதிரடி முடிவ அம்மா திடமா செயல் படுத்தினா ரொம்ப ரொம்ப நல்லாருக்கும்.

அந்தர் பல்டி அடிக்கும் அம்மா இந்த விஷயத்தில தயவுசெய்து அந்தர் பல்டி அடிச்சுடாதீங்க.