இறை வழிபாடு தொடர்பான தமிழ்ப் பெயர்கள்!

by **சாமி** Sun Oct 21, 2012 9:26 pm

இறைவழிபாடு தொடர்பான அனைத்தும் முன்னர் தமிழிலேயே இருந்தன. பின்னர் வேற்றவர் மொழியாலும், வேற்றவர் ஆட்சியாலும், வேற்றுச் சமயங்களின் நுழைவாலும் தமிழ்வழிபாடு பாதிக்கப்பட்டது. அதை மீட்டெடுக்க வேண்டிய கடமை நமக்கு உள்ளது. வழிபாடு தொடர்பான தமிழ்ப்பெயர்களை இந்தத் திரியில் பதிவு செய்ய உள்ளேன்.

தமிழ் வழிபாடு இருந்ததைப்பற்றி திருஞானசம்பந்தரும் பின்வரும் பாடல்களில் தெரிவிக்கிறார்.
"செந்தமிழர் தெய்வமறை நாவர் செழுநற்சுவை தெரிந்த அவரோடு
அந்தமில் குணத்தவர்கள் அர்ச்சனைகள் செய்ய அமர்கின்ற அரனூர்"
என்ற பாடலால் திருவீழிமிழலையிலும்
"ஊறும் இன்தமிழால் உயர்ந்தோர் தொழுது ஏத்தும் தில்லை"
என்ற பாடலால் தில்லையிலும் தமிழ் வழிபாடு நடந்துகொண்டிருந்ததைக் குறிப்பிடுகிறார்.

1) ஏழு கன்னியர்கள்

தமிழ்ப் பெயர்கள் (வடமொழிப்பெயர்கள்)
அயமங்கலை (பிராம்மி)
பெருந்தலைவி (மகேஸ்வரி)
காரழகி (கௌமாரி)
ஆழிமாலழகி (வைஷ்ணவி)
நிலநலக்கேழலாள் (வாராகி)
பேரிந்திரை (மகேந்திரி)
சுடலைத்தலைவி (சாமுண்டி)

(தொடரும்)

மிகவும் நன்று சாமி அவர்களே...தொடருங்கள் மகிழ்ச்சி

by பூவன் Sun Oct 21, 2012 10:03 pm

செந்தமிழ் பெயர்கள் அழகு ....

by ஆரூரன் Mon Oct 22, 2012 10:02 am

சாமி wrote: 1) ஏழு கன்னியர்கள்

தமிழ்ப் பெயர்கள் (வடமொழிப்பெயர்கள்)
அயமங்கலை (பிராம்மி)
பெருந்தலைவி (மகேஸ்வரி)
காரழகி (கௌமாரி)
ஆழிமாலழகி (வைஷ்ணவி)
நிலநலக்கேழலாள் (வாராகி)
பேரிந்திரை (மகேந்திரி)
சுடலைத்தலைவி (சாமுண்டி)

எவ்வளவு அழகாக உள்ளது தமிழ்ப்பெயர்கள். அதுமட்டுமல்லாமல் புரியவும் செய்கி றது.

by **சாமி** Wed Oct 24, 2012 7:22 pm

2) சுழிமுனையில் உள்ள சக்கரங்கள் ஆறு. அதனை ஆங்கிலத்தில் PLEXUSE என்பர். வடமொழியில் ஆதாரங்கள் என்பர். தமிழில் இந்த சக்கரங்களை முடிச்சுக்கள் என்றும், பூவிதழ்கள் என்றும் கூறுவர்.

தமிழ் – வடமொழி – ஆங்கிலம்
புருவநடு – ஆஞ்ஞை – MEDULLARY PLEXUSE
கண்டம் – விசுத்தி - CERVICAL PLEXUSE
இதயம் – அநாகதம் - DORSAL PLEXUSE
கொப்பூழ் – மணிபூரகம் - LUMBAR PLEXUSE
கருவாய் – சுவாதிட்டானம் - SACRAL PLEXUSE
மூலம் – மூலாதாரம் - COCCYGEAL PLEXUSE

(தொடரும்)

by **சாமி** Fri Oct 26, 2012 11:18 pm

3) ஈற்றெழு கோடி மந்திரங்கள்:
தமிழில் உள்ள ‘ஈற்றெழு கோடி மந்திரங்களை’ வடமொழியாக்கம் செய்தவர்கள் ‘எழு’ என்ற சொல்லை ஏழு என்பதாகக் கொண்டு சப்தகோடி மந்திரங்கள் என்று கூறிவிட்டனர். எழு என்பது எழுகின்ற என்ற பொருளிலும் வரும்; ஏழு என்ற பொருளிலும் வரும்.

தமிழ் - வடமொழி
போற்றி – நம:
தெறிக்க, சிலிர்க்க - பட்
கடிதொழிக - ஹும்பட்
நிறைக, சூழ்க, காக்க - வௌஷட்
நீங்குக, தன்மை மாறுக - வஷட்
வருக, எழுந்தருள்க - ஸ்வாஹா
பெறுக - ஸ்வதா

இங்கே வடமொழியில் சப்தகோடி என்பதில் வரும் கோடி எண்ணிக்கையைக் குறித்ததன்று. அது இறுதி என்ற பொருளில் வருவது.
(தொடரும்)

by sureshyeskay Fri Oct 26, 2012 11:30 pm

கோயிலில் ஸ்வாகா என்பதிற்குபதிலாக எழுந்தருள்க என அர்ச்சித்தால் தித்திப்பாய் இருக்குமே

by **சாமி** Sat Oct 27, 2012 7:16 am

sureshyeskay wrote:கோயிலில் ஸ்வாகா என்பதிற்குபதிலாக எழுந்தருள்க என அர்ச்சித்தால் தித்திப்பாய் இருக்குமே

உண்மைதான் நண்பரே! இந்த விழிப்புணர்வு இப்போது பெருகி வருகிறது. இதற்கு பயன்படும் 'தமிழ் ஆகம வழிபாட்டு புத்தகங்களும்' அதிகம் உள்ளன.

by **சாமி** Wed Nov 21, 2012 8:45 pm

4 ) தமிழ் நாண்மீன் (நட்சத்திரம்)

புரவி (அசுவினி )
அடுப்பு (பரணி)
ஆரல் (கிருத்திகை)
சகடு (உரோகிணி)

மான்றலை (மிருகசீரிடம்)
ஆதிரை (திருவாதிரை)
கழை (புனர்பூசம்)
வாவி (பூசம்)

அரவு (ஆயில்யம்)
கொடுநுகம் (மகம்)
கணை (பூரம்)
உத்திரம் (உத்தரம்)

கை ((-((அத்தம்)
ஆடை (சித்திரை)
விளக்கு (சுவாதி)
முறம் (விசாகம்)

பனை (அனுஷம்)
துளங்கொளி (கேட்டை)
குருகு (மூலம்)
உடைகுளம் (பூராடம்)

கடைகுளம் (உத்திராடம்)
ஓணம் (திருவோணம்)
காக்கை (அவிட்டம்)
செக்கு (சதயம்)

நாழி (பூரட்டாதி)
முரசு (உத்திரட்டாதி)
தோணி (ரேவதி)

(அடைப்புக் குறிக்குள் இருப்பது வடமொழி )

(தொடரும்)