அந்தக் காஃபி விடுதியில்

by **ரா.ரா3275** Sun Oct 21, 2012 3:55 pm

கடும் கோடையில்
திடீர் சாரலாய்
பேருந்து சிக்னலில்
பெயர் வைத்துக்கொண்டோம் இருவரும்
பெயர் வைத்தாய் என்பதே சரி
இருந்தும் உரிமையில் பன்மை ஆனதுஒருமை

அந்தக் காஃபி விடுதியில்
முரணாய் அருந்திய
பழச்சாறு சூடாக இன்னும்
தொண்டைக்குழியில் இறங்காமலேயே

அவ்வப்போது சந்திக்கையில்
அருகருகே நிலவும்
அபரிமித அன்புஷ்ணம்
உபரியாக வழியும் உடலுஷ்ணம்
இரண்டையும் ஜெயித்து
எப்போதும் இறுமாப்பாய்த் துடிக்கும்
இருதயத் த(தா)ளங்கள்

எந்த முகமும்
முகவரியும் ஏற்காததால்
எப்படி ஒரு கம்பீரம்
இந்த முரணழகுறவுக்கு

இருவரும் உணர்ந்து
அடைகாக்கும் இதை
இருவரில் எவரேனும் உடைத்துவிட
இயல்பு பேணா பயம் இருவருக்கும்
இருந்தும் உனக்கே அதிகம் அந்தப் பயம்

உருவம் எதுவும் தராமல்
காப்பேன் உடையாமல் நான்
என்னுடையதை எப்போதும்
உடைக்கவியலாது உன்னால்

உன்னுடையது மட்டும் உடைந்துவிடுமா?
உனது ஒருமுக பயமே அதைக் காக்கும்

அந்தக் காஃபி விடுதியில் Wpid-picplz-2011-09-01-14-47-048

அந்தக் காஃபி விடுதியில் Wpid-picplz-2011-09-01-14-47-048

by யினியவன் Sun Oct 21, 2012 4:25 pm

அடடா சூப்பர் ராரா.

அந்த காப்பி விடுதியில் ன்னு தலைப்ப பார்த்ததும்
அங்க பில்லு கட்டாம நீங்க ஓடினத பத்தியதுன்னு நெனச்சுட்டேன்.

பச்ச லைட்ட தான் போட்டுட்டாங்களே அப்புறம் என்ன பயம் சாரே?

by **ரா.ரா3275** Sun Oct 21, 2012 4:35 pm

யினியவன் wrote:அடடா சூப்பர் ராரா.

அந்த காப்பி விடுதியில் ன்னு தலைப்ப பார்த்ததும்
அங்க பில்லு கட்டாம நீங்க ஓடினத பத்தியதுன்னு நெனச்சுட்டேன்.

பச்ச லைட்ட தான் போட்டுட்டாங்களே அப்புறம் என்ன பயம் சாரே?

ஹாஹா...உங்க குசும்பு குறையப் போறதே இல்ல...
நன்றி அண்ணா...
நமக்கு பச்சைன்னாலே எப்பவும் பயம்ணே....