(இராமநாதபுரம் - கீழக்கரை சாலையில் இரு ஊர்களின் பெயர்கள்)
பால்க்கரை
மோர்க்குளம்

>>>>>>>>>>>>>>>>>>>>>>>>>>>>>>>>
(விருதுநகர் மருத்துவமனை ஒன்றில்)
வேலை நேரம் - வெற்றியின் விலை
சிந்தனை நேரம் - அறிவின் ஊற்று
தொழும் நேரம் - ஞானத் திறவுகோல்
விளையாடும் நேரம் - இளமை ரகசியம்
வாசிக்கும் நேரம் - உயர்வின் ஏணி
நன்மை செய்யும் நேரம் - மகிழ்ச்சியின் வழிகாட்டி
குடும்பத்துக்கான நேரம் - உறவின் பொக்கிஷம்
ஓய்வின் நேரம் - புதுவலிமைக்கு வாசல்
மகிழும் நேரம் - வாழ்வுக்கு ஊக்கம்
பயண நேரம் - இதமான அனுபவம்

<<<<<<<<<<<<<<<<<<<<<<<<<<<<<<<<<
(விருதுநகர் ராமமூர்த்தி சாலைக்கு அருகில் உள்ள காலனியில் எழுதப்பட்டிருந்த வாசகம்)
இத்தெருவில் நாய்கள் ஜாக்கிரதை
தடுப்பூசி போட்ட அந்நியர்கள் மட்டுமே உள்ளே வரவும்.

>>>>>>>>>>>>>>>>>>>>>>>>>>>>>>>>>
(கோவை போத்தனூரில் ஒரு கடையின் பெயர்)
கடவுள் அரிசி மண்டி

<<<<<<<<<<<<<<<<<<<<<<<<<<<<<<<<<
(வாழப்பாடி நர்சரிப் பள்ளி வளாகத்தில் எழுதப்பட்டிருந்த பொன்மொழி)
பெற்றோர்களே!
குழந்தையின் அறிவு கூர்வாள்;
அதை மழுங்கச் செய்யாதீர்கள்
குழந்தையின் ஆற்றல் போர்வாள்;
அதைத் துருப்பிடிக்க வைக்காதீர்கள்.
பள்ளிக்கு அனுப்புங்கள்;
வெற்றிவாகை சூடச் செய்கிறோம், கல்வியில்.

>>>>>>>>>>>>>>>>>>>>>>>>>>>>>>>>>>
(நாகர்கோவில் பேருந்தில் இரு கல்லூரி மாணவர்கள்)
""மாப்ளே, ஒரு பஞ்ச் டயலாக் சொல்லு பார்ப்போம்''
"புலிக்குப் பின்னாடி போன மானும்
ஃபிகருக்குப் பின்னாடி போன ஆணும்
பிழைச்சதா சரித்திரம் இல்லை''

<<<<<<<<<<<<<<<<<<<<<<<<<<<<<<<<<<<
(நெய்வேலியில் ஒரு வீட்டில் இரு நண்பர்கள்)
"என்னடா... போன் பேசிட்டு ஒரு மாதிரி ஆயிட்டே?''
"ஊர்ல இருந்து மச்சான் போன் பண்ணுனான். அங்க இருந்து அணுகுண்டைச் சுமந்துக்கிட்டு ஏவுகணை வருதாம்''
"புரியலை''
"என் மாமியாரைக் கூப்பிட்டுக்கிட்டு, மாமனார் இங்க வந்துக்கிட்டு இருக்காராம்''

>>>>>>>>>>>>>>>>>>>>>>>>>>>>>>>>>>>
(மயிலாடுதுறை கடைத் தெருவில் இருவர்)
"மாப்ளே... அந்தப் பிச்சைக்காரன் கேட்டதும் அஞ்சு ரூபாயை உடனே போட்டுட்டியே? ''
"எப்பிடி இருந்தாலும் நீ கேக்கப் போற? உனக்குக் கொடுக்கிறதை விட அவனுக்குப் போட்டா புண்ணியமாவது மிஞ்சும்''

<<<<<<<<<<<<<<<<<<<<<<<<<<<<<<<<<<<.
(தஞ்சாவூர் ஹோட்டல் ஒன்றில் அப்பாவும் குட்டிப் பையனும்)
அப்பா: நல்லாச் சாப்பிட்டாத்தான் உயரமா வளரலாம். நல்லாச் சாப்பிடு
மகன்: நீங்க உயரமா வளர்வீங்களா அப்பா?
அப்பா: நான் வளரமாட்டேன்
மகன்: அப்புறம் ஏன் சாப்பிடுறீங்க?
அப்பா: !?!?!?

>>>>>>>>>>>>>>>>>>>>>>>>>>>>>>>>>>>>
(மிகவும் கஞ்சனான நண்பனிடம்இருந்து வந்த எஸ்எம்எஸ்)
நீ என் வீட்டுக்கு வந்தால்... உனக்கு,
சமோசா, பிரியாணி, பர்கர், சேண்ட் விச், ஐஸ் க்ரீம், சிக்கன் 65 ஆகியவற்றின்
போட்டோவை உனக்குக் காட்டுவேன்.

>>>>>>>>>>>>>>>>>>>>>>>>>>>>>>>>>>>>>
கும்பகோணம் பேருந்துநிலையம். ஓர் ஏழைப் பெண் தன்னுடைய பையனுடன் பதற்றமாக நின்று கொண்டிருந்தாள். பக்கத்தில் உள்ளவர்கள் என்னவென்று கேட்டனர்.
"இவன் காசை முழுங்கிட்டான். என்ன செய்றதுன்னு தெரியலை''
ஆளாளுக்கு மருத்துவம் சொல்ல ஆரம்பித்தார்கள். ""நாலு வாழைப் பழத்தை ஊட்டிவிடு. தானா வெளியே வந்துடும்''
"ஆஸ்பத்திரிக்குப் போய் எக்ஸ்ரே எடுத்துப் பார்... ''
கூட்டத்தில் நின்று கொண்டிருந்த ஒருவர் பையனைத் தூக்கிக் குனிய வைத்து முதுகில் தட்டிக் கொடுத்தார். பையன் விழுங்கிய காசு வெளியே வரவில்லை.
அப்போது டிப்டாப்பாக உடையணிந்த ஒருவர் வந்தார். பையனைத் தூக்கி, தலைகீழாகப் பிடித்துக் குலுக்கி, ஒரு தட்டுத் தட்டினார். காசு வெளியே வந்து விழுந்தது.
எல்லாரும் ஆச்சரியமாகப் பார்த்தார்கள். அந்தப் பெண் நன்றியுடன் அவரைப் பார்த்தாள்.
"சார் நீங்க டாக்டருங்களா?''
"இல்லை இன்கம்டாக்ஸ் ஆபிஸர். எங்கே, எப்படித் தட்டினால் காசு விழும்னு எனக்குத் தெரியாதா? ''
(நன்றி-கதிர்)

சூப்பருங்க ஆரூரன்.

அனைத்தும் அருமை