ஹாய் மதன் - கேள்வி- பதில்கள்

by **சிவா** Tue Feb 03, 2009 3:27 pm

First topic message reminder :

போலீஸாரால் கைது செய்யப்படுவதை அரசியல்வாதிகள் விரும்புவது ஏன் ?

அரசியல்வாதி என்றால் ( மக்களுக்காக ! ). ஒருமுறையாவது ஜெயிலுக்குப் போயிருக்க வேண்டும் என்கிற அபத்தமான தகுதி இங்கு உண்டு. ( சுதந்திரப் போராட்டம் என்பது வேறு !). ஆகவேதான் ஏதாவது போராட்டத்தை ஆரம்பித்து, சில நாட்கள் ( மட்டுமே !) ஜெயிலில் இருந்து விட்டு வருவார்கள். சில அரசியல்வாதிகள் வேறு குற்றங்களுக்காக ( எப்போதாவது ) கைது செய்யப்படுவதும் உண்டு. அப்போதும் வேனில் ஏறும் போது, "" அடக்குமுறை வீழ்க !'' என்று கூவி, தெருவில் கூடியிருக்கும் மக்களைத் திசை திருப்புவார்கள் !

by **சிவா** Wed Nov 20, 2013 2:57 am

வாக்கியங்களால் எல்லாவற்றையும் விளக்க முடிந்த பிறகும், குறியீடுகளை (symbols) மனிதன் ஏன் கண்டுபிடித்தான்? பொறுமை இல்லாததால்தானே?

ஆமாம்! குறிப்பாக, நீங்கள் சுருக்கங்களைச் சொல்கிறீர்கள் என்று நினைக்கிறேன். UNESCO என்பதை விரிவாக்கிச் சொல்வதற்குள் நேரம் ஆகிவிடும். புரியவும் புரியாது. அமெரிக்கர்கள்தான் ‘சுருக்கங்களை’ அதிகம் பயன்படுத்துகிறார்கள். கொலை செய்யப்பட்டவரை சோதனை பண்ணிவிட்டு, டாக்டர் ‘ O ’ அல்லது ‘ Q ’ என்று எழுதுவார். ‘ O ’ என்றால் பிணத்தின் வாய் O மாதிரி திறந்து இருக்கிறது என்று அர்த்தம். Q என்றால், நாக்கு வெளியே தொங்கியவாறு இருக்கிறது!

by **சிவா** Wed Nov 20, 2013 2:57 am

பூமி சுற்றுவதை நிறுத்திவிட்டால் என்ன ஆகும்?

சூரியனில் விழ ஆரம்பிக்கும். அப்படி ஒரு நிலைமை வந்தால்... சூரியனில் போய் ‘தொப்’பென்று விழுந்து, பூமி சாம்பலாவதற்கு 91 நாள், 7 மணி, 26 நிமிடங்கள், 24 விநாடிகள் ஆகும் என்று விஞ்ஞானிகள் கணக்குப் போட்டிருக்கிறார்கள்!

by **சிவா** Wed Nov 20, 2013 2:58 am

வட துருவம், தென் துருவம் - அதிகக் குளிரானது எது?

தென் துருவம் - சராசரி டெம்ப்பரேச்சர் மைனஸ் 56 டிகிரி (பாரன்ஹீட்). வட துருவம் - மைனஸ் 21 டிகிரி. ஆனால், ஜீரோ டிகிரியிலேயே நாம் உறைந்து போவோம்!

by **சிவா** Wed Nov 20, 2013 2:58 am

தட்டை, தேன்குழல், சீடை, முறுக்கு இவற்றில், குழந்தைப் பருவத்தில் உங்களுக்குப் பிடித்தது எது?

முக்கியமான கேள்விதான்! எனக்குத் தட்டையும், சீடையும் பிடிக்கும். குறிப்பாக, சீடையை ஒவ்வொன்றாக மேலே தூக்கிப்போட்டு வாயால் கேட்ச் பண்ணுவது இன்னும் பிடிக்கும். எதிர் வீட்டுப் பெண் நம்ம வீட்டுக்கு வரும்போது, சீடையைத் தூக்கிப் போட்டவாறு ஓடி, ‘கவனிக்காமல்’ அவள் மீது மோதிக்கொள்வது ரொம்பப் பிடிக்கும் (அட, இதெல்லாமே சின்ன வயசுல சார்!).

by **சிவா** Wed Nov 20, 2013 2:58 am

ரயில் தண்டவாளங்களின் இடையே ஜல்லிக் கற்கள் எதற்காகப் போடப்படுகின்றன?

சுருக்கமாக, ரயில் வண்டி ஓடும்போது ஏற்படும் ‘ஷாக்’கையும் உராய்வையும் பகிர்ந்துகொள்ள! மண்பாதையின் மீதுதான் தண்டவாளங்கள் போடப்படுகின்றன என்பதை நினைவில் கொள்ள வேண்டும். கான்க்ரீட் போடலாமே என்பீர்கள். தண்டவாளங்கள் வெயிலில் விரிவடைந்து (expansion) கான்க்ரீட்டில் வெடிப்பு ஏற்படும். ஜல்லிக் கற்கள் சில மனிதர்களைப் போல ரொம்ப அட்ஜஸ்ட் செய்து கொள்கின்றன!

by **சிவா** Wed Nov 20, 2013 2:59 am

மாம்பழத்தின் பூர்விகம் எந்த நாடு? உலகிலேயே ருசியான மாம்பழம் எங்கே கிடைக்கும்?

சுமார் ஆயிரம் விதமான மாம்பழங்கள் உண்டு. ‘ஹிந்துஸ்தானின் அற்புதப் பழம்’ என்று மொகலாய மன்னர் பாபர் மாம்பழத்தை வர்ணித்தார். அக்பருக்கு தினம் மாம்பழம் சாப்பிட வேண்டும்! ஆறாயிரம் ஆண்டுகளுக்கு முன்பே இந்தியாவில் மாம்பழம் உண்டு, மாவிலைத் தோரணங்கள் உண்டு, மாங்காய் பார்டர் புடவைகள் உண்டு. இந்தியாவில் சிந்து சமவெளியில் விளைந்த மாங்காய்த் தோட்டங்களைப் பார்த்து சக்ரவர்த்தி அலெக்ஸாண்டர் பிரமித்துப் போனார்.

முதன்முதலில், கோவாவில் விளைந்த அல்ஃபோன்ஸோ மாம்பழம் உலகப் பிரசித்தி. ஆகவேதான் ‘கோவா மாம்பழமே!’ என்று பாடுகிறோம்.

by **ayyasamy ram** Wed Nov 20, 2013 7:29 am

மாம்பழம்

மாம்பழமாம் மாம்பழம்.
மல்கோவா மாம்பழம்.

சேலத்து மாம்பழம்.
தித்திக்கும் மாம்பழம்

அழகான மாம்பழம்.
அல்வாபோல் மாம்பழம்.

தங்கநிற மாம்பழம்
உங்களுக்கும் வேண்டுமா?

இங்கேஓடி வாருங்கள்;
பங்குபோட்டுத் தின்னலாம்.
-
குழந்தைக் கவிஞர் அழ. வள்ளியப்பா

by N.S.Mani Wed Nov 20, 2013 8:17 am

எங்கு வரவேண்டும் என்று சொன்னால் நல்லது,

by **ஜாஹீதாபானு** Wed Nov 20, 2013 1:24 pm

கேள்விகளும் பதிலும் ரொம்ப சூப்பர்

by **சிவா** Thu Dec 05, 2013 4:52 am

ஒரு செய்தி எப்போது சூடாகப் பரிமாறப்படுகிறது?

முதலில் வருகிற செய்திதான் சூடானது. நிகழ்ச்சி நடந்த நேரம் சம்பந்தப்பட்டது அல்ல இது. யாருக்குமே தெரியாமல், ஒரு மாதத்துக்கு முன்பு நடந்த ஒன்றைப் பற்றிய செய்தியை முதன்முதலாகக் கண்டுபிடித்து ஒரு பத்திரிகை இப்போது வெளியிட்டாலும் அது சூடான செய்தியே! நிஜமாகவே சூடான செய்தி வேண்டும் என்றால், அச்சு இயந்திரத்தில் இருந்து பத்திரிகை வெளியே வந்து விழுந்தவுடன் அதைத் தொட்டுப்பாருங்கள். சூடாக இருக்கும்!